သမတဘုရှ် ထိုင်းခရီးစဉ်အတွင်း မြန်မာ့အရေး အာရုံစိုက်မှု ရအောင် လုပ်မည်

သတင်း မဇ္ဈိမ | ချင်းမိုင်။ ။ အမေရိကန်သမတ ဂျော့ခ်ျဘုရ်ှသည် သူ၏ တထောက်ရပ်နားမည့် ခရီးစဉ် အတွင်း ထိုင်းနိုင်ငံ၏ အိမ်နီးချင်း မြန်မာနိုင်ငံအတွင်း အပြောင်းအလဲများ ဖြစ်ပေါ်လာစေရေးအတွက် မြန်မာ အတိုက်အခံများနှင့် တွေ့ဆုံ၍ ဖိအားပေးမည် ဖြစ်သည်၊

ထိုင်းနိုင်ငံ နေးရှင်း မာလ်တီမီဒီယာ အုပ်စု (Thailand Nation Multimedia Group) မှ Suthichai Sae နှင့် တွေ့ဆုံရာတွင် ပြောကြားသွားသည်ကို ယမန်နေ့က အိမ်ဖြူတော်မှ သတင်းထုတ်ပြန် ကြေညာချက်တရပ် ထုတ် ပြန်ခဲ့ပါသည်။ သမတဘုရ်ှက ဒေါ်အောင်ဆန်းစုကြည်နှင့် စပ်လျဉ်း၍ “သူမသည် အလွန် သူရဲကောင်း ပီသသည့် အမျိုးသမီးတဦးဖြစ်ပြီး သူမ၏ ပြည်သူများက တခဲနက် ရွေးကောက် တင်မြှောက် ခံထားရသူလည်း ဖြစ်သည်။ သူမကို စစ်အာဏာရှင် တစုက အကျယ်ချုပ်ဖြင့် ဖမ်းဆီး ချုပ်နှောင်ထားဆဲ ဖြစ်ပြီး၊ ယင်းတို့သည် ပြည်သူလူထု၏ ဆန္ဒကို ထုတ်ဖေါ်ရှင်သန်ခွင့် မပြုလိုသူများလည်း ဖြစ်သည်” ဟု ပြောကြားသွားခဲ့ပါသည်။

သူ၏ ထိုင်းနိုင်ငံ ခရီးစဉ်အတွင်း မြန်မာ့ လူ့အခွင့်အရေး လှုပ်ရှားသူများ၊ တက်ကြွ လှုပ်ရှားသူများနှင့် တွေ့ဆုံမည့် အကြောင်းကိုလည်း သမတကြီးဘုရ်ှက ထပ်လောင်း အတည်ပြု ပြောကြားသွားခဲ့ပါသည်။ “ကျနော် မြန်မာ့အရေး တက်ကြွ လှုပ်ရှားသူတွေနဲ့တွေ့ပြီး အမေရိကန် ပြည်ထောင်စုဟာ သူတို့အသံတွေကို အမြဲနားစွင့်နေတယ် ဆိုတာကို အသိပေး ပြောကြားပါမယ်။ ခင်ဗျားတို့ သိတဲ့အတိုင်း ဒီပြဿနာဟာ နိုင်ငံအချို့အတွက် အလွန် ခက်ခဲတဲ့ ပြဿနာကြီးပါ” ဟု သမတဘုရ်ှက အိမ်ဖြူတော် မြေပုံခန်းမမှနေ၍ ပြောကြားသွားခဲ့ပါသည်။

သမတဘုရ်ှသည် မြန်မာ အတိုက်အခံများကို ဘန်ကောက်မြို့ရှိ အမေရိကန် သံအမတ်ကြီး၏ နေအိမ်တွင် သြဂုတ်လ ၇ ရက်နေ့၌ တွေ့ဆုံလိမ့်မည်ဟု မျှော်လင့်ရပါသည်။

မြန်မာ ဗိုလ်ချုပ်ကြီးများသည် ကမ္ဘာ့ လူ့အခွင့်အရေး လှုပ်ရှားသူများ အသိုင်းအဝိုင်း၏ အမျက်ဒေါသကို အမြဲတမ်း ခံယူခဲ့ရသည့်သူများ ဖြစ်သည်။ မကြာသေးခင်က တိုက်ခတ်သွားခဲ့ပြီး လူပေါင်း တသိန်းလေးသောင်းခန့် သေကြေ ပျောက်ဆုံးခဲ့ရသည့် မုန်တိုင်းတွင်လည်း ကယ်ဆယ်ရေး လုပ်ငန်းများကို မလုံမလောက် ထိထိရောက်ရောက် မလုပ်သည့်အတွက် အလားတူ ဝေဘန်ပြစ်တင်မှုကို ခံခဲ့ရသေးသည်။

မြန်မာ ဗိုလ်ချုပ်ကြီးများကို အပြောင်းအလဲများပြုလုပ်ရန် ဖိအားပေးသည့် အနေနှင့် ချမှတ်ခဲ့သည့် အမေရိကန် ဦးဆောင်သော ပိတ်ဆို့ အရေးယူမှုများ မအောင်မြင်ရခြင်းနှင့် ပတ်သက်၍လည်း အမေရိကန် သမတကြီးက နိုင်ငံအားလုံး အနေနှင့် အလားတူ တညီတညာတည်း ဖိအားပေးရန် ငြင်းဆန်ခဲ့ခြင်းကြောင့်သာ ဖြစ်ကြောင်း ချက်ချင်းပင် တုံ့ပြန် ပြောကြားခဲ့ပါသည်။

“တဘက်သတ် ပိတ်ဆို့ အရေးယူမှုများ ပြုလုပ်ခြင်းသည် အတိုင်းအတာ တခုအထိသာ အကျိုး သက်ရောက်မှု ရှိနိုင်ပါသည်။ ထို့ကြောင့် အခြားနိုင်ငံများ အနေဖြင့်လည်း ဤကိစ္စတွင် ပါဝင် ပူးပေါင်းရပါမည်။ ပွင့်ပွင့်လင်းလင်း ပြောရလျှင် အိမ်နီးချင်း နိုင်ငံအချို့သည် ဤသို့ ပူးပေါင်းပါဝင်ရန် စိတ်ပါဝင်စားမှု မရှိကြပါ” ဟု သမတဘုရှ် က ရှင်းလင်း ပြောကြား သွားခဲ့ပါသည်။

အဖွဲ့ဝင် ၁ဝ နိုင်ငံ ပါဝင်သည့် အာဆီယံအဖွဲ့ကြီးတွင် မြန်မာနိုင်ငံနှင့် ထိုင်းနိုင်ငံတို့သည် အဖွဲ့ဝင်နိုင်ငံများ ဖြစ်ကြပါသည်။ ယင်းနိုင်ငံသည် မြန်မာ ဗိုလ်ချုပ်ကြီးများကို အလုံးစုံ ပိတ်ဆို့ အရေးယူရန် စဉ်းစားတိုင်း အမြဲ ကဖျက်ယဖျက် လုပ်ခဲ့သည်။ ပိတ်ဆို့ အရေးယူမှု လုပ်မည့်အစား အပြုသဘော ဆက်ဆံရေးကို အခြေခံသည့် မူဝါဒကိုသာ ကျင့်သုံးလိုကြသည်။

လွန်ခဲ့သည့် ၂ လကပင် ထိုင်းနိုင်ငံ စွမ်းအင် ကုမ္ပဏီကြီးဖြစ်သည့် (PTT Exploration and Productin) က မြန်မာနိုင်ငံမြို့တော် နေပြည်တော်၌ စီးပွါးရေး ပူးပေါင်းဆောင်ရွက်မှု နောက်ဆုံးစာချုပ် တရပ်ကို လက်မှတ် ရေးထိုးခဲ့သေးသည်။ ထိုစာချုပ်သည် မုတ္တမ ပင်လယ်ကွေ့ လုပ်ကွက်အမှတ်္န၉ ၌ ရေနံနှင့် သဘာဝဓါတ်ငွေ့ ရှာဖွေတူးဖေါ်မည့် သဘောတူစာချုပ် ဖြစ်သည်။ ယင်းလုပ်ကွက်မှ ထွက်ရှိသည့် သဘာဝဓါတ်ငွေ့ ၈ဝ% ကို ထိုင်းနိုင်ငံသို့ တင်ပို့ရမည် ဖြစ်သည်။

သမတကြီး ဘန်ကောက်တွင် ရှိနေစဉ်အတွင်း သမတကတော် လော်ရာဘုရ်ှသည် မြန်မာနိုင်ငံ မြဝတီတဘက်ကမ်း မဲဆောက်မြို့အနီး ထိုင်းဗမာ နယ်စပ်တနေရာသို့ သွားရောက်မည် ဖြစ်သည်။ သမတကတော်သည် ဒေါ်အောင်ဆန်းစုကြည်နှင့် မြန်မာ့ အတိုက်အခံ လှုပ်ရှားမှုအတွင်းမှ ပုဂ္ဂိုလ်များကို ယခုအထိ ၅ နှစ်ကြာမျှ တက်တက်ကြွကြွ ခိုင်ခိုင်မာမာ ထောက်ခံခဲ့သူ ဖြစ်သည်။

သမတကြီးနှင့် သမတကတော်သည် ထိုင်းနိုင်ငံမြို့တော်သို့ ရှေ့အပတ် ပီကင်း အိုလံပစ်ပွဲတော် ဖွင့်ပွဲအခမ်းအနား အသွား ဝင်ရောက်လာမည် ဖြစ်သည်။ ထိုဖွင့်ပွဲ ကျင်းပမည့်နေ့သည် မြန်မာ့ ၈၈၈၈ အုံကြွမှုကြီး၏ နှစ် ၂ဝ ပြည့် အခမ်းအနားများ ကျင်းပပြုလုပ်မည့် ရက်နှင့်လည်း တိုက်ဆိုင်နေသည်။ ထိုအုံကြွမှုကြီးအတွင်း အနည်းဆုံး အရပ်သား ၃ဝဝဝ မျှ မြန်မာ စစ်တပ်လက်ချက်ဖြင့် သေဆုံးခဲ့ရသည်။

အဖွဲ့အစည်း အများအပြားနှင့် လှုပ်ရှား တက်ကြွသူ အများအပြားက ပီကင်း အိုလံပစ် ပွဲတော်အတွင်း မြန်မာစစ်အစိုးရကို တရုတ်အစိုးရက စီးပွါးရေးနှင့် နိုင်ငံရေးအရ ထောက်ခံ ပံ့ပိုးပေးနေမှုများကို ကန့်ကွက် ရှုတ်ချသည့် နိုင်ငံရေး ကြေညာချက်တစောင် ထုတ်ပြန်ပါရန် ဝိုင်းဝန်း တိုက်တွန်းနေကြသော်လည်း ပီကင်း အိုလံပစ်ပွဲတော်ကို နိုင်ငံရေးအရ အသွေးအရောင် မဆိုးသင့်ကြောင်း ခပ်ပြတ်ပြတ် ငြင်းဆန် ပြောကြား သွားခဲ့သည်။ “အိုလံပစ်ပွဲတော်ကို နိုင်ငံရေးအရ အသုံးချတာမျိုး မလုပ်သင့်ဘူးလို့ ကျနော် ထင်ပါတယ်” ဟု သူကှနေ-၌သသည ကို ပြောကြားသွားသည်။

သို့သော် တရုတ် အတိုက်အခံများကို ဝါရှင်တန်တွင် ဗုဒ္ဓဟူးနေ့က လက်ခံ တွေ့ဆုံခဲ့သည့်အတွက် တရုတ် နိုင်ငံခြားရေး ဝန်ကြီးဌာနမှ လျိုကျန်းချောက် (Liu Jianchao) ၏ ပြင်းပြင်းထန်ထန် ပြစ်တင် မောင်းမဲခြင်းကို ယခု အပတ်အတွင်း သမတဘုရှ် ခံခဲ့ရသေးသည်။