အဖမ်းခံရသည့် ဘလော့ဂါအား မိသားစုစိုးရိမ်

ကိုသက် ဖေဖော်ဝါရီ ၁၊ ၂၀၀၈

မြန်မာနိုင်ငံရှိတွင် ပထမဦးဆုံးအဖမ်းဆီးခံရသည့် ဘလော့ဂါ ကိုနေမျိုးကျော် (ခေါ်) ကိုနေဘုန်းလတ်အား မည်သည့်နေရာ တွင် ဖမ်းဆီးထားသည်ကို စုံစမ်း၍မရ၊ အာဏာပိုင်တို့ကလည်း ပြောဆိုခြင်းမရှိသဖြင့် မိသားစုဝင်များ စိတ်ပူပန်လျက်ရှိ သည်ဟု မိခင်ဖြစ်သူ ဒေါ်အေးအေးသန့်က ဧရာဝတီကို ပြောဆိုသည်။

ယခုလ ၂၉ ရက်နေ့ နေလယ်ပိုင်းတွင် ကိုနေမျိုးကျော်ကို အာဏာပိုင်တို့က ဖမ်းဆီးခဲ့သည်။

“အခုအချိန်အထိ လိုက်စုံစမ်းတာ ဘာသတင်းမှ မကြားရဘူး။ မသိဘူး၊ မရှိဘူးပဲပေါ့။ ၂ ရက်၊ ၃ ရက် ကြာလာတော့ မိခင်တယောက်အနေနဲ့ စိတ်ပူတာပေါ့၊ ပါသွားတာလည်း အဝတ်တထည် ကိုယ်တခုနဲ့လေ၊ အဝတ်အစားလည်းပေးမရ ဘယ်မှာရှိမှန်လည်းမသိ ဖြစ်နေတယ်” ဟု ဒေါ်အေးအေးသန့်က ပြောသည်။

ကိုနေမျိုးကျော်ကို အာဏာပိုင်တို့က လမ်းတွင်ဖမ်းဆီးပြီးနောက် နေအိမ်ကို ဗိုလ်မှူး ဟိန်းထက် ဦးဆောင်သည့်အဖွဲ့က ဝင်ရောက်ရှာဖွေကြောင်း သိရသည်။

“အိမ်ကိုလာရှာတယ်၊ ဘာမှမပြောဘူး၊ ဘာမှလည်း တွေ့မသွားဘူး။ အဓိကထားရှာတာကတော့ စီဒီအခွေနဲ့ စာရွက်စာတန်း ပေါ့။ ဒါပေမယ့် သိမ်းဆီးသွားတာလည်းမရှိဘူး၊ ငြိစွန်းတာ ဘာမှမတွေ့ပါဘူးရှင်” ဟု ဒေါ်အေးအေးသန့်က ပြောသည်။

ကိုနေမျိုးကျော်သည် တရားဥပဒေနှင့်မကင်းသည့်လုပ်ရပ်များကို လုပ်ကိုင်ခြင်းမရှိကြောင်းလည်း ဒေါ်အေးအေးသန့်က ပြောသည်။

ရန်ကုန် နည်းပညာတက္ကသိုလ်ဘွဲ့ရ ကိုနေမျိုးကျော်သည် အန်အယ်လ်ဒီပါတီဝင်တဦးဖြစ်ပြီး စင်ကာပူနိုင်ငံတွင် သွားရောက် အလုပ်လုပ်ကိုင်ပြီးနောက် ပါတီနှင့်ကင်းကွာခဲ့သူဖြစ်သည်။ မိုးဂျာနယ်နှင့် စံပယ်ဖြူမဂ္ဂဇင်းများတွင် ရံဖန်ရံခါ ဆောင်းပါးများ ရေးလေ့ရှိသည်။ လွန်ခဲ့သည့်တနှစ်ခန့်တွင် စင်ကာပူနိုင်ငံမှ ပြန်လာကြောင်း သိရသည်။

လွန်ခဲ့သည့်နှစ်အတွင်းက ရန်ကုန်ရှိ MICT တွင် အင်တာနက်နှင့်ပတ်သက်သည့် ဆွေးနွေးပွဲတရပ်ကို ဦးဆောင်ကျင်းပ ခဲ့သည်။

ကိုနေဘုန်းလတ်၏ ကိုယ်ပိုင် ဘလော့ http://www.nayphonelatt.net/ တွင် ၎င်းမှာ အနုပညာကို ခုံမင် နှစ်သက်သူဖြစ် ကြောင်း ဖော်ပြထားသည်ကို တွေ့ရှိရသည်။ လတ်တလောတွင် ဂီတ၊ ပန်းချီအကြောင်းနှင့် အက်ဆေး ရသတို့ကို ဖတ်ရှု ရမည်ဖြစ်သည်။

ဧရာဝတီ သတင်းဋ္ဌာန မှ ရယူတင်ပြပါသည်။