ခဏလေး စောင့်ပေးပါ......
  • Share this
  • Sumbit to Digg
  • Sumbit to StumbleUpon
  • Sumbit to Delicious
  • Sumbit to Technorati
  • Sumbit to Reddit
  • Sumbit to Mixx
  • Sumbit to Twitter
  • Sumbit to Furl
  • Sumbit to Design Float
  • Sumbit to Blinklist
  • Sumbit to Yahoo Buzz
  • Sumbit to Google Bookmarks

မြန်မာနိုင်ငံ လူ့အခွင့်အရေးအခြေအနေဆိုင်ရာ ကုလသမဂ္ဂ အထူးကိုယ်စားလှယ် တောမတ်စ် အိုဟေး ကင်တားနား (Tomas Ojea Quintana) ဟာ မြန်မာနိုင်ငံက လူ့အခွင့်အရေး အခြေအနေတွေကို လေ့လာဖို့ ဒီကနေ့ တနင်္ဂနွေနေ့မှာ မြန်မာနိုင်ငံကို ရောက်ရှိပါလိမ့်မယ်။


သြဂုတ်လ ၂၁ ရက်နေ့ ကနေ ၂၅ ရက်နေ့အထိ ၅ ရက်ကြာ မြန်မာနိုင်ငံ ခရီးစဉ်အတွင်း အစိုးရ တာဝန်ရှိသူတွေအပြင် အမျိုးသားဒီမိုကရေစီ အဖွဲ့ချုပ်ခေါင်းဆောင် ဒေါ်အောင်ဆန်းစုကြည် အပါအဝင် သက်ဆိုင်တဲ့ အဖွဲ့အစည်းတွေက ပုဂ္ဂိုလ်တွေအားလုံးနဲ့ တွေ့ဆုံမှာ ဖြစ်တယ်လို့ ကုလသမဂ္ဂ က ထုတ်ပြန်တဲ့ ကြေညာချက်ထဲမှာ ဖော်ပြထားပါတယ်။


သူ့ရဲ့ ခရီးစဉ်အတွင်း ဒေါ်အောင်ဆန်းစုကြည်နဲ့ တွေ့ဆုံရဖို့ အရေးကြီးသလို မြန်မာနိုင်ငံတွင်း နိုင်ငံရေး လှုပ်ရှားခွင့် အခြေအနေ၊ စီးပွားရေး လူမှုရေး အခြေအနေတွေ အားလုံးကို လေ့လာမှာ ဖြစ်တယ်လို့ မစ္စတာကင်တားနားက ဗွီအိုအေ မြန်မာပိုင်းနဲ့ မေးမြန်းခန်းမှာ ပြောကြားထားပါတယ်။


မြန်မာနိုင်ငံထဲမှာ ယုံကြည်ချက်ကြောင့် အကျဉ်းကျနေသူတွေအားလုံးကို ပြန်လွှတ်ပေးရေး အတွက်ကိုလည်း အစိုးရသစ်ကို ထပ်ပြီးတောင်းဆိုမယ်လို့ မစ္စတာကင်တားနားက ပြောခဲ့ပါတယ်။


လွှတ်တော်သုံးရပ် အစည်းအဝေးကို သြဂုတ်လ ၂၂ ရက် တနင်္လာနေ့ ကျရင် နေပြည်တော်မှာ ပြန်စဖို့ ရှိနေတာမို့ မြန်မာနိုင်ငံ လူ့အခွင့်အရေး အခြေအနေဆိုင်ရာ ကုလသမဂ္ဂ အထူး ကိုယ်စားလှယ် အနေနဲ့ လွှတ်တော် စည်းဝေးပွဲတွေကို လေ့လာခွင့်ရမှာ ဖြစ်တယ်လို့လည်း မစ္စတာကင်တားနားရဲ့ ခရီးစဉ်နဲ့ ပတ်သက်တဲ့ ကုလသမဂ္ဂရဲ့ ထုတ်ပြန်ချက်ထဲမှာ ဖော်ပြထားပါတယ်။


သူ့ရဲ့ မြန်မာနိုင်ငံခရီးစဉ် နောက်ဆုံးနေ့ဖြစ်တဲ့ သြဂုတ်လ ၂၅ ရက်နေ့ ကျရင်တော့ သူ့ခရီးစဉ်အတွင်း လေ့လာ တွေ့ရှိတဲ့ မြန်မာနိုင်ငံ လူ့အခွင့်အရေး အခြေအနေဆိုင်ရာ ကနဦး တွေ့ရှိချက်တွေကို ရန်ကုန်မှာ သတင်းစာ ရှင်းလင်းပွဲ လုပ်ဖို့လည်း အစီအစဉ်ရှိပါတယ်။


ခရီးစဉ်နဲ့ ပတ်သက်တဲ့ အစီရင်ခံစာ အသေးစိတ်ကိုတော့ ဒီနှစ်နှောင်းပိုင်းကျရင် ကုလသမဂ္ဂ အထွေထွေညီလာခံကို တင်ပြမှာဖြစ်ပါတယ်။


မစ္စတာကင်တားနား မြန်မာနိုင်ငံကို နောက်ဆုံး လာခဲ့တာဟာ ၂၀၁၀ ခုနှစ် ဖေဖော်ဝါရီလမှာ ဖြစ်ပါတယ်။


မြန်မာနိုင်ငံမှာ စစ်ခေါင်းဆောင်တွေ ကျူးလွန်ထားတယ်လို့ဆိုတဲ့ လူ့အခွင့်အရေး ချိုးဖောက်မှုတွေကို စုံစမ်းဖော်ထုတ်နိုင်ဖို့ ကုလသမဂ္ဂ စုံစမ်းစစ်ဆေးရေး ကော်မရှင်တခုဖွဲ့ရေးကို ကုလသမဂ္ဂ လူ့အခွင့်အရေး ကောင်စီမှာ မစ္စတာ တောမတ်စ် အိုဟေး ကင်တားနားက အဲဒီ ခရီးစဉ်အပြီးမှာ အကြံပြု ခဲ့ပါတယ်။


နားဆင်ရန်


source by :
http://www.voanews.com

0 comments: