ခဏလေး စောင့်ပေးပါ......
  • Share this
  • Sumbit to Digg
  • Sumbit to StumbleUpon
  • Sumbit to Delicious
  • Sumbit to Technorati
  • Sumbit to Reddit
  • Sumbit to Mixx
  • Sumbit to Twitter
  • Sumbit to Furl
  • Sumbit to Design Float
  • Sumbit to Blinklist
  • Sumbit to Yahoo Buzz
  • Sumbit to Google Bookmarks


ဒေါ်အောင်ဆန်းစုကြည် လွတ်မြောက်ရေး အင်းစိန်ထောင်ရှေ့ ဆန္ဒပြသူကို စွမ်းအားရှင်နှင့် အရပ်ဝတ် ထောက်လှမ်းရေး များက ဖမ်းဆီးနေစဉ် (ဓာတ်ပုံ-ဒီဗွီဘီ)
ဟိန်းခိုင်ထွန်း | ဆန္ဒပြပွဲများ ပေါ်ပေါက်လာပါက ဆန္ဒပြသူသာမက အနီးရှိ ဓာတ်ပုံ ၊ဗီဒီယို ကင်မရာ မှတ်တမ်းတင် သူများကို လည်းဖမ်းဆီးရန် ရန်ကုန်တိုင်း ရဲတပ်ဖွဲ့ မှုးက နေ့စားဖြင့် စောင့်ကြည့် ဖမ်းဆီးရေး တာဝန်ကို ယူထားသော စွမ်းအားရှင် များနှင့် ကြံဖွတ်များကို ညွှန်ကြားထားကြောင်း သတင်းရရှိသည်။

ရန်ကုန်မြို့၏ လူစည်ကားရာ နေရာများတွင် ရဲလုံခြုံရေးများနှင့် အတူ အသင့်ချထားသော စွမ်းအားရှင်နှင့် ကြံ့ဖွတ်များကို ရဲတပ်ဖွဲ့ ၏ အမိန့်ပေးမှု အောက်တွင် ထားရှိ သည် ဟု ရန်ကင်း မြို့နယ်မှ ရ၀တအဖွဲ့ဝင် တစ်ဦးက Freedom News Group သို့ပြောသည်။

ထိုဆယ်အိမ်ခေါင်းက ဆက်၍ “ကျွန်တော် တို့ ရပ်ကွက် က နှစ်ယောက်ဒီနေ့ ထောင်ရှေ့ လုံခြုံရေးအတွက် နှစ်ယောက်ထည့် ရတယ် သူ တို့ကို ရဲမှုးတစ်ယောက်က ဆန္ဒပြတာတွေ ဘာတွေဖြစ်ရင် ဆန္ဒပြသူရော ဓာတ်ပုံရိုက်သူပါ ဖမ်းဖို့ အမိန့်ပေးထားတယ်လို့ သူတို့က ပြန်ပြောပြတယ် ”ဟုပြောသည်။

ဆန္ဒပြ သူများကို မိပါက ဖမ်းပေးသူများကို အပိုဆောင်း ဆုငွေ ထပ်ပေးအုံးမည် ဟု အဆိုပါ ရဲမှုးက တန်းဖြုတ် ချိန်တွင် ထီဆိုင်များ ကြော်ငြာသလို မက်လုံးပေး ပြောကြားသည်။

ဒေါ်စု အားထောင်ချလျှင်ရန်ကုန်မြို့ တွင် ဆန္ဒပြပွဲများဖြစ်ပွားလာ မည် ဆိုသည့် ဂယက်ကြောင့် လုံခြုံရေးများ တင်းကျပ်ထားသည်။

ယနေ့ အင်းစိန်ထောင် ဂိတ်ဝရှေ့တွင် ဆန္ဒပြမှု တစ်ခု ဖြစ်ပွားခဲ့သည်။ အငြိမ်းစား လေတပ်အရာရှိဟောင်း အသက် ၅၆ နှစ်အရွယ်ရှိ ဗိုလ်ကြီး ဇော်ညွန့် ဖြစ်သည်။ ဒေါ်အောင်ဆန်းစုကြည်ကို အမြန်လွှတ် ဟူသော စာသားကို အင်္ဂလိပ် ဘာသာဖြင့် ရေးသားထားသည့် ပိတ်စ အဖြူရောင်ကို ကိုင်ဆောင်၍ ဒေါ်အောင်ဆန်းစုကြည်အား လွှတ်ပေးရန် ကြွေးကျော်ပြီး ဆန္ဒပြခြင်းဖြစ်သည် ။

ဆန္ဒပြသူ ဗိုလ်ကြီးဇော်ညွန့် အပါအ၀င် အခြား ဓာတ်ပုံ ရိုက်ကူးသူ တစ်ဦးလည်း တစ်ချိန်တည်းတွင် အဖမ်း ခံရသည်ဟု ဆိုသည်။ ဒေါ်အောင်ဆန်းစုကြည် အား အင်းစိန်ထောင်တွင်း ဖမ်းဆီးထားပြီးအမှု စတင် စစ်ဆေးသည့်နေ့မှစ၍ တက်ကြွသူ အနည်းဆုံး ငါးယောက် နှင့် ဓာတ်ပုံ ရိုက်ကူးသူ နှစ်ယောက် ထက်မနည်း ဖမ်းဆီးထားပြီး ဖြစ်သည်ဟု သတင်းရရှိသည်။

ယခုကဲ့သို့ ဓာတ်ပုံ ဆရာများကို ဖမ်းဆီး ခိုင်းခြင်းသည် ၂၀၀၇ ခုနှစ် ရွှေဝါရောင်တော်လှန်ရေး ကာလက Citizen Journalists များ၏ ကြိုးပမ်းမှုကြောင့် စစ်အစိုးရ၏ လူမဆန်မှုများကို ကမ္ဘာက မျက်ဝါးထင်ထင် ဓာတ်ပုံ၊ဗီဒီယို များဖြင့်တွေ့ရှိ သွားသောကြောင့်ဟု ဆိုသည်။

source by : Freedom News Group

0 comments: