ခဏလေး စောင့်ပေးပါ......
  • Share this
  • Sumbit to Digg
  • Sumbit to StumbleUpon
  • Sumbit to Delicious
  • Sumbit to Technorati
  • Sumbit to Reddit
  • Sumbit to Mixx
  • Sumbit to Twitter
  • Sumbit to Furl
  • Sumbit to Design Float
  • Sumbit to Blinklist
  • Sumbit to Yahoo Buzz
  • Sumbit to Google Bookmarks

သတင်း ဖိုးဂျံ မိုးမခ | သတင်းတွေ ပို့လိုက်တယ်။ အယ်ဒီတာတွေက သတင်းကို အတိုအစရေးတာ မကြိုက်ဘူး။ ဒီဖက်ကလည်း အပြေးအလွှားပို့ရတာ။ မီးပျက် ရေပျက် ကြားထဲ။ ဖုံးနဲ့ကလည်း “ကြားလား … ကြားလား …” ပြောနေတာနဲ့ ကျားလိုက်လာလို့ ပြေးရတာ များတော့ ဖွဲ့နွဲ့ပြောဖို့ အချိန် ဆင်းရဲတယ်။ လူဆင်းရဲတာကတော့ မပြောတော့ဘူး … ပြောလည်း မထူးမှ မထူးတာကိုး

ပါတီလူထွက်၊ လူဟောင်းများ ၂၀၁၀ ရွေးကောက်ပွဲအတွက် စုဆောင်း

၉၀ ရွေးကောက်ပွဲက လက်ကျန်ပါတီတွေ၊ ဖျက်သိမ်းပါတီတွေက လူထွက်တွေ လူဟောင်းတွေကို ၂၀၁၀ ရွေးကောက်ပွဲဝင်ဖို့အရေး စည်းရုံးမှုတွေကို ပြုလုပ်နေပြီ ဖြစ်ပါတယ်။ အမည်မဖော်လိုတဲ့ အင်န်အယ်ဒီပါတီဝင်တဦးကို မြို့နယ်က အာဏာပိုင်များက ခေါ်ယူတိုက်တွန်းခဲ့တယ်လို့ သိရပါတယ်။

ကျောင်းသားများကို ရပ်ကွက်အာဏာပိုင်များက အကြပ်အတည်းများနဲ့ ဖန်တီးထား

တက္ကသိုလ်တချို့မှာ အဆောင်မရတဲ့ ကျောင်းသားတွေ အဆောင်ငှားနေကြတဲ့နေရာမှာ “ရ၀တ” ရပ်ကွက် အာဏာပိုင်တွေက ပွဲစားတွေအဖြစ် ကြားက အတင်းအကြပ်ဆောင်ရွက်ပြီး ဈေးနှုန်းများကို မြှင့်တက်အောင်လုပ်နေတယ်လို့ ဆိုပါတယ်။ ကျောင်းသားတွေနဲ့ ဒေသခံရပ်ကွက်က မိသားစုတွေကြားထဲမှာ တင်းမာတဲ့ ဆက်ဆံရေးကို ဖန်တီးထားတာဟာ စစ်အာဏာပိုင်တွေရဲ့ လုပ်နေကြ သွေးခွဲမှုပဲလို့ သတင်းပို့သူက ပြောပါတယ်။

ကြို့ပင်ကောက်ကို တေဇမြို့အဖြစ် ထူထောင်ပြီ

၂၀၁၀ ရွေးကောက်ပွဲ ၀င်ပြိုင်မယ့် ကြို့ပင်ကောက်မြို့စားကြီးကတော့ ဗိုလ်သန်းရွှေလက်စွဲ တေဇရဲ့ အပေါင်းအပါတွေ ဖြစ်မယ်လို့ ထင်မြင်ကြပါတယ်။ အခု တေဇကုမ္မဏီက ကြို့ပင်ကောက်ကို အထူးပြုပြင်တည်ဆောက်နေတာကို တွေ့ရပါတယ်။ စီအင်န်ဂျီကား ၁၀၀ ကျော်ကို ချပေးထားပြီး ရန်ကုန် ကြို့ပင်ကောက် ပြည် ကားလိုင်း ၂ လိုင်း ပြေးဆွဲနေပါတယ်။ ပုံမှန်ဈေး ၂၅၀၀ မှာ သူတို့က ၁၅၀၀ ကျပ်ပဲ တောင်းပါတယ်။ မကြာခင် ၂၄ နာရီ မီးပေးတော့မယ်လို့လည်း အသံဟစ်နေပါတယ်။

ရန်ကုန် သန်းကောင်စာရင်းမှာ စစ်တပ်အလိုတော်ရိ အလုပ်အကိုင်များကို ထည့်သွင်းထား

ရပ်ကွက် အိမ်ထောင်စုစာရင်းတွေမှာ အံသြကုန်နိုင်ဖွယ် အလုပ်အကိုင်စာရင်းများကို ကြိုတင်ထည့်သွင်းထားပါတယ်။ တအိမ်ထောင်မှာ ကြံဖွတ်၊ စွမ်းအားရှင်၊ အမျိုးသမီးစွမ်းဆောင်ရှင်၊ မီးသတ်၊ ကြက်ခြေနီနဲ့ မိခင်ကလေးအဖွဲ့တွေမှာ ဘယ်နှယောက် ပါဝင်ဆောင်ရွက်နေသလဲ ဆိုတဲ့ ဇယားကွက်ကြီး ထည့်သွင်းထားပါတယ်။

ဒါ့အပြင် ပြည်ပသို့ သွားရောက်လုပ်ကိုင်နေသူ ဘယ်နှဦး ရှိသလဲဆိုတာကိုလည်း မေးထားပါတယ်။ ဒါ့အပြင် ကား၊ ဆိုက်ကား၊ စလောင်း၊ အင်တာနက်၊ အီးမေးနဲ့ ဖုံးစာရင်းကိုလည်း တောင်းဆိုထားပါတယ်။ တအိမ်ထောင်မှာ စစ်တပ်သတ်လို့ သေတဲ့ လူစာရင်းနဲ့ ထောင်ချခံထားရတဲ့ စာရင်းကိုတော့ တောင်းခံထားတာ မရှိဘူးလို့ သတင်းပို့တဲ့သူက ရယ်သွမ်းသွေးထားပါတယ်။

အဲဒီ ဖောင်ကို တင်ဆက်လိုက်ပါတယ်။ မျက်ဝါးထင်ထင် ကြည့်ကြပေတော့။

ထင်ရှားမှု မရှိပါက ရုပ်ပုံပေါ် ကလစ်နှိပ်၍ အကြီးကြည့်ပါ။

0 comments: