ယမန်နေ့က သျှမ်းပြည်တပ်မတော် အပစ်ရပ်တပ်မဟာ ၁ နယ်ဘက်သို့ နအဖစစ်တပ် ၅ ရင်း ခန့်အင်အား တိုးချဲ့ဖြည့်ထားကြောင်း တရုတ်နယ်စပ် သတင်းရပ်ကွက်ကဆိုသည်။
“မိုင်းရယ်က ခမရ ၃၂၅၊ ဟိုယက ခလရ ၆၇၊ နောင်တော် (နမ္မတူ) က ခလရ ၁၄၇၊ သီပေါက ခလရ ၂၃ နဲ့ ဆိုင်းခေါင် (တန့်ယန်း) က ခလရ ၂၂ လက်အောက်ခံ တပ်ခွဲတွေပေါ့၊ တခြားဒေသမှာ သွားလှုပ်ရှားနေတဲ့ တပ်ခွဲတွေ ဒီဘက်ကို ပို့လိုက်တဲ့သဘော၊ အင်အားက စုစုပေါင်း ၃၀၀ ကျော်ရှိမယ်လို့ခန့်မှန်းရတာဘဲ” - ဟု တပ်မဟာ ၁ မိသားစုဝင်တဦးက သျှမ်းသံတော်ဆင့်သို့ ပြောသည်။
တပ်မဟာ ၁ ၏ စစ်ဒေသအမှတ် ၁ နယ်မြေ သီပေါ - မိုင်းရယ် နှင့် ကျေးသီးဘက်သို့ ပြန်ဆင်းလာ ခြင်းဖြစ်ပြီး ဝမ့်ဟိုင်းနှင့်စိန်ကျော့ကြား တိုးချဲ့နေရာယူလာသည်ကို ၂၂ ရက်ညမှ စတွေ့ ခြင်းဖြစ်သည်ဟု အဆိုပါ ပုဂ္ဂိုလ်က ပြော၏။
“မိုင်းရယ်အနောက်ဘက် ၇ - ၈ မိုင်လောက်ဝေးတဲ့ မိုင်းရယ် - ဆိုင်ကျော့ကြား၊ ၀မ့်ဟိုင်းဆိုင် ကျော့ကြားနယ်မြေအထိ ဝင်လာတာ။ တပ်မဟာ ၁ ဘက်ကလဲ ပိုပြီး သတိထားရတယ်။ အသင့်ပြင်ဆင် ထားရတယ်။သူတို့ ဘယ်ဖက်ထပ်ထိုး ဖောက်ဦးမလဲ။ ဘယ်လို ထပ်လှုပ် ရှားမလဲ စောင့်ကြည့်ရဦးမှာပေါ့” - ဟု ၎င်းက ပြောပြသည်။
သို့သော် ယခုလ ၁၈ ရက် သျှမ်းပြည်တပ်မတော် (တပ်မဟာ ၁ ) ၏ ဝမ့်ဆော့တိုက်နယ် အနောက်ဘက် ၃ မိုင်ခန့်အကွာ ဝမ့်လွေရွာ ကွန်ကျိုင်း SSA တပ်စခန်းအား နအဖ စစ်တပ် ဝင်ရောက်တိုက်ခိုက်စဉ် ဝမ့်ဟိုင်းမှ SSA တပ် အင်အားများထပ်ဖြည့်၍ တိုက်ပွဲအပြင် ဘက်မှ ၀န်းရံလိုက်ပြီး ၁၉ ရက် ညနေပိုင်းမှ ထွက်ပေါက် ပေးခဲ့၏။ နအဖတပ် ထပ်မံကျူးကျော် ၀င်ရောက်လာပါက အချိန်မရွေး ပစ်ခတ်ရန် ထိုစဉ်က အမိန့် ထုတ်ထားခဲ့သည်။
အလားတူ ယမန်နေ့ ဒီဇင်ဘာ ၂၃ ရက်လည်း တရုတ်နယ်စပ် မူစယ်မှ စစ်လက်နက်တင် ၁၀ ဘီးကားကြီး ၂ စီး လားရှိုးသို့ ဆင်းသွားရာ ကွတ်ခိုင်မြို့အ၀င် ၁၃ မိုင်အကွာ၌ ကားပျက် လမ်းပိတ်နေသည်ကို မွန်းတည့်ချိန်တွေ့ရကြောင်း မူစယ်မှလာသော ခရီးသည်တဦးက ပြောပြသည်။
“ဘီအီး ၁၀ ဘီးကား ကြီး ၂ စီး မူစယ်က ချောဆွဲလာတာ။ ကားကြီးက လေးလွန်းလို့ ကွတ်ခိုင် မ၀င်ခင်မှာ ပျက်နေတယ်။ လုံခြုံရေးယူပေးတဲ့စစ်သား ၂၀ ကျော်ဟာ ဟိုင်းလက်ကား ၂ စီးနဲ့ ၁၀ဘီး ကားကြီးရဲ့ အရှေ့မှာရော အနောက်မှာရောဘဲ။ ဆိုတော့ အတန်းလိုက်ကြီး လမ်းပိတ်နေတာ။ တရုတ်ဆီက လက်နက်ကြီးတွေ ရလာတယ်လို့ စပယ်ယာတယောက်က ပြောတယ်။
မူစယ် လားရှိုးလမ်းတလျှောက် တချို့အကွေ့တွေမှာ လုံခြုံရေးချထားတယ် ” ဟု အဆိုပါ ခရီးသည်က ပြောပြသည်။
source by : http://www.mongloi.org