သွေးမျိုးဆက်တို့ ရှင်သန်လာပြီ

ယနေ့ ကျွန်ူပ်တို့ မြန်မာ နိူင်ငံမှ ပြည်သူ များသည် သတင်း အမှောင် ချထားခြင်းကို ခံထား ရလေသည်။ ဒါ့အပြင် ကျောင်းများတွင်လည်း သမိုင်းအမှန်ကို လည်း သင်ကြားခွင့် မရကြတော့ချေ။ ထို့အပြင် အာဏာရှင် များသည် သူတို့ အာဏာ တည်မြဲရေးကို ဦးထိပ် ထားလိုသောကြောင့် ပညာရှင်များကို ချောင်းထိုး ထားကာ စစ်မှန်သော အသိပညာရှင် အတတ်ပညာ ရှင်များသာမက စာပေ အနုပညာရှင် များကို ဥပဒေ အမျိုးမျိုး ထုတ်ကာ နည်းမျိုးစုံ သုံး၍ နှိပ်ကွပ်လျှက် ရှိပေသည်။ ထို့ကြောင့် အသိ ပညာရှင်၊ အတတ် ပညာရှင် များသည် တိုင်းတပါးကို ထွက်ကာ ၀မ်းစာ ရှာကြရာက ဦးနှောက် ယိုစီးမှုတို့ ဖြစ်ပွားနေသည် ကိုလည်း ဂရုမစိုက်၊ ဆက်လက် မိုက်မြဲ မိုက်နေဆဲပင် ဖြစ်သည်။

ထို အကျိုးဆက်များကာ ကျွန်ူပ်တို့ နိူင်ငံသား များသည် အတွေးအခေါ်တွေေ၀၀ါး ကုန်ကြသည်။ အမှန်နှင့် အမှားကို ခွဲခြားနိူင်သည့် ဉာဏ်ရည် ဉာဏ်သွေးတွေ နိမ့်ပါး လာကြသည်။ ပညာကို တန်ဖိုး မထားကြတော့ဘဲ တနပ်စား ဉာဏ်များကို အားကျ အတုယူကာ ပညာရှင် အမည်ခံ ကိုယ်ကြိုးရှာလို သူတို့ စကားနောက်တွင် ကောက်ကောက် ပါအောင် လိုက်ကြလျှင် ကျွနူပ်တို့ တိုင်းပြည်သည် တိုင်းတပါး ကျွန် အဖြစ် ပြန်လည် နွံနစ် ရမည့် ကိန်းဆိုက် နေလေပြီ။ ကျွန်ူပ်တို့ နိူင်ငံသား အားလုံး ပိုင်ဆိုင်သည့် ပြည်သူပိုင် ပစ္စည်းများကို အာဏာရှင် လူတစ်စုသည် ပုဂ္ဂိုလိက ပိုင်ဆိုင်မှု အဖြစ် တရားဝင် လွှဲပြောင်း ရောင်းချ သည်မှာ ပြည်သူပိုင် ပစ္စည်း အလွှဲ သုံးစားမှု ဖြစ်လေသည်။ သို့သော် တားဆီး မည့်သူ မရှိ၊ တရားဆွဲ ဆိုလိုသည့် အဖွဲ့အစည်း မရှိ။ မည်သူမျှလည်း တရားစွဲဆိုလို့ မရနိူင် အောင် အမျိုးမျိုး အကြမ်းဖက် ကာ သေနတ်ကိုင်၍ ရမ်းကားလျှက် ရှိပေသည်။ ဥပဒေသည် သူတို့ ပါးစပ်ဖျားတွင် မူတည်နေသည့် အတွက် ထင်ရာစိုင်း နေကြခြင်း၏ နောက်ဆက်တွဲ ဆိုးကျိုးများကို ပြည်သူများ ခံစား နေကြရသည်ကို ယနေ့ မြန်မာနိူင်ငံ နေရာ အနှံ့အပြားတွင် ၀မ်းနည်ဖွယ်ရာ တွေ့ရှိ ရလေသည်။

ထိုသို့ တရားမ၀င် ထင်ရာစိုင်း လုပ်ဆောင် နေကြခြင်းကို တရားဝင် ဖြစ်အောင် စစ်အာဏာရှင်များသည် ရွေးကောက်ပွဲ အမည်ခံ အရေခွံလဲပွဲကို ကျင်းပခြင်း ဖြစ်ပေသည်။ မိမိတို့ အသိဉာဏ်ကို သစ္စာ စောင့်သိသော ပညာရှင်များသည် လက်မခံ ကြသော်လည်း ပညာရှင် အမည်ခံ ကိုယ်ကြိုး ရှာလိုသူ တစ်စုသည် အစိုးရနှင့် ပူးပေါင်းကာ ပြည်သူ လူထု ကို တပါတ်ရိုက်ရန် ကြံစည်၍ တရားမျှမှု မရှိသော အရေခံလဲပွဲ ဖြစ်မြောက်ရေးကို ကြံစည်လျှက် ရှိနေသည်။ ဤနေရာတွင် ပြည်သူလူထုကို တစ်ခုသာ အသိပေး လိုပါသည်။ ၂၀၀၈ အခြေခံ ဥပဒေကို ယခု ရွေးကောက်ပွဲ ၀င်မည့် ပါတီများသည်လည်း လက်မခံကြပါ၊ သို့သော ထိုဥပဒေကို အခြေခံသည့် ယခု အရေအခွံ လဲပွဲကို လက်ခံ ကြသည်မှာ အဘယ်ကြောင့်နည်း။ အဖြေကား ရှင်းရှင်းလေးပင် ဖြစ်သည်။ သူတို့ ကိုယ်ကြိုးရှာ လို၍ အစိုးရနှင့် ပူးပေါင်းကာ ပြည်သူ လူထုကို ချောက်အတွင်းသို့ တွန်းချခြင်းသည် ဖြစ်လေသည်။ ရွေးကောက်ပွဲကို ဆန့်ကျင်ခြင်းသည် စစ်မှန်သော တရားမျှတမှုကို မြတ်နိူးသူတိုင်း လုပ်ဆောင် ရမည့် အဓိက တာဝန် ၀တ္တရားဟု ခံယူ သဘော ထားမှသာ နိူင်ငံ သားကောင်း ပီသပေမည်။

ပညာရှင်များ၏ နေရာတွင် ပညာ မတတ်သော နောက်လိုက်များကို အစားထိုးထား ခန့်ထားရာမှ အစပြု၍ တိုင်းပြည် အခြေအနေသည် ဘုန်းဘုန်းလဲ တော့မည့် အနေအထားကို ရောက်ရှိ နေသည်ကို ယနေ့ မြန်မာ နိူင်ငံ၏ ပကတိ အနေအထားကို ကြည့်ခြင်း အားဖြင့် လွန်စွာ သိသာထင်ရှား လှပေသည်။ ယနေ့ အုပ်ချုပ်သူ အစိုးရသည် တိုင်းပြည် သယံဇာတကို မတန်တဆ ဈေးဖြင့် လက်ညိုးထိုး ရောင်းချခြင်းနှင့် လူသတ်သည့် ပညာသာ ကျွမ်းကျင်သည်။ ပညာမဲ့သော နောက်လိုက် များသည် ဤ မြှောက်ပေးမှုကို အဟုတ် မှတ်ကာ လုပ်ချင်ရာ လုပ်နေကြခြင်းကို သူတို့တတွေ သာယာနေကြသလို တိုင်းပြည် ဘဏ္ဍကို စိတ်ကြိုက် သုံးဖြုန်းကာ စည်းစိမ် ယစ်မူး နေကြကာ ထင်ရာ စိုင်းနေကြ ခြင်း၏ အကျိုးဆက်ကို ခါးသီး ရင်နင့်စွာ ခံစား နေရသည်မှာ ပြည်သူ လူထုသာ ဖြစ်ကြောင်း အထူး ပြောစရာပင် မလိုတော့ချေ။

ဒီအတိုင်းသာ ဆက်သွားလျှင် ကျွန်ူပ်တို့ တိုင်းပြည်ကြီး မကြာခင် ပြိုကျ ပျက်စီး ဆုံးရှုံး ရတော့မည်။ သဘာဝ သယံဇာတ အရင်းအမြစ်တွေ ပေါကြွယ်ဝသော ကျွန်ူပ်တို့ နိူင်ငံမှ ပြည်သူ လူထုသည် ၀မ်းရေး နပ်မှန်အောင်ပင် မနည်း ကြိုးစား နေကြရ ရှာလေသည်။ အာဏာဟူသည် သေနတ် ပြောင်းဝမှ ဆင်းသက် လာသည် ဆိုသော အဆိုအမိန့်ကို လိုက်နာကာ အမှန်တရားကို ဖော်ထုတ်ရန် ကြိုးစား နေသူများကို အမျိုးမျိုး ဒုက္ခပေးလျှက် ရှိသော်လည်း ကျွန်ူပ်တို့ ကိုယ်တွင်း စီးဆင်းလျှက် ရှိသော အမှန်တရားကို ချစ်မြတ်နိူးသည့် စိတ်ဓါတ်များကို သတ်၍ မသေ။ ရိုက်၍လည်း မအော်၊ ထုလျှင်လည်း မကြေ၊ သွေးမျိုးဆက် တို့ကား ရှင်သန် ထမြောက်၍ လာစမြဲပင် ဖြစ်သည်။

အတိတ်တွင် ကျွန်ူပ်တို့ ဘိုးဘေး များမှ စတင် မြစ်ဖျား ခံလာခဲ့သော အမှန်တရားကို ချစ်မြတ်နိူးသည့် သွေးမျိုးဆက်တို့သည် အလျှင် မပြတ် စီးဆင်းကာ ဒီမိုကရေစီ နိူင်ငံတည် ဆောက်ရန် အဘ ဗိုလ်ချုပ် ပြောသော စကားကို လေးစား လိုက်နာကာ ယနေ့ ချိန်ထိ တိုင်အောင် ကြိုးစားလျှက် ရှိနေကြတုန်းပင် ဖြစ်သည်ကို အားတက်ဖွယ်ရာ တွေ့ရှိခဲ့ ရလေသည်။ ယခုတဖန် ကျွန်ူပ်တို့ လူငယ်များ၏ ခေတ်ကို ရောက်ရှိ လာပြန်လေပြီ။ အတိတ်တွင် ကျွန်ူပ်တို့ ဘိုးဘေး ဘီဘင်များ တည်ထောင်ရန် ကြိုးစားခဲ့သော ဒီမိုကရေစီ နိူင်ငံကြီး ပြန်လည် တည်ဆောက်ရန် တာဝန် ၀တ္တရားကို ကျွန်ူပ်တို့ ပုခုံးပြောင်း တာဝန် ထမ်းဆောင်ရမည့် အချိန်အခါကို ရောက်ရှိ လာခဲ့ပေပြီ။

ကျွန်ူပ်တို့တွင် ရှေးယခင် လူကြီးများထက် အားသာချက်တွေ အများကြီး ရှိပါသည်။ ထိုအရာကား နည်းပညာတည်း။ ထိုအချက်ကို ကိုင်စွဲ၍ လူထုကို အထိရောက်ဆုံး နည်းလမ်းများဖြင့် အမှန်တရားကို ဖြန့်ဖြူး ပေးနိူင်သည်။ ကျောင်းသင်ခန်းစာတွင် မသင်ကြားရခဲ့သော သမိုင်း အမှန်များကို နည်းပညာ သုံးကာ ယနေ့ခေတ် ကျောင်းသားများကို ကျွန်တော်တို့ သင်ကြားပေးနိူင်မည်။ သတင်းမှန် မသိခဲ့ရသော လူများကို သတင်းမှန်များ၊ ဗဟုသုတ အသိဉာဏ် ပညာ တိုးတက် စေနိူင်သော ဆောင်းပါးများ စာအုပ်များကို ကျွန်တော်တို့ ဖြန့်ဝေကာ သွေမျိုးဆက်တို့ ထက်မြက် စေရန် ရည်သန်၍ ကျွန်ူပ် ယခု အခါတွင် group မေးလ်တစ်ခု ဖန်တီး ထားလေသည်။

ကျွန်ူပ်တို့သည် အာဏာရှင်တွေ စိတ်တိုင်းကျ ဖန်တီးခြင်း မခံရအောင် အတတ်ပညာ၊ အသိပညာများ တိုးပွား လာအောင် ကြိုးစား ကြရမည် ဖြစ်သည်။ ဒါမှသာ ကျွန်ူပ်တို့ မျိုးဆက်သစ်များ၏ အတွေးသည် ဖြောင့်မတ် မှန်ကန်မည်။ သတင်း အမှန်များကို သိထားခြင်းကြောင့် အစိုးရ ပြောသမျှ ယုံကြည်ရသည့် အခြေအနေမျိုး ရောက်ရှိစရာ မလိုတော့။ အတွေးအခေါ် ၀ါဒ မှိုင်းတိုက်သည့် ဘေးမှ ကာကွယ်ရန် ယနေ့ လူငယ်များကို အသိဉာဏ်ပညာ မြင့်မားအောင် ကြိုးစား ဆောင်ရွက်ခြင်းသည် ကျွန်ူပ်တို့ တိုင်းပြည်အား ကာကွယ်ရန်နှင့် ဒီမိုကရစီ နိူင်ငံ တည်ဆောက် နိူင်ရန် တစ်ခုတည်းသော နည်းဗျူဟာပင် ဖြစ်သည်။ ကျွန်ူပ်တို့ အနာဂတ်တွင် အာဏာရှင် စနစ်ဆိုးဖြင့် ထပ်မံ မဆုံတွေ့ လိုလျှင် သင့်ကိုယ်သင့် အရင် ပြင်နိူင်အောင် ကြိုးစား အားထုတ် သင့်သလို အခြား သူများကိုလည်း သင်ကဲ့သို့ စဉ်းစား ဆင်ခြင်ဉာဏ် မြင့်မား လာအောင် ၀ိုင်းဝန်း ကြိုးစား လမ်းညွှန်ပြသ ပေးသင့်သည် ။

ယနေ့ ပြည်ပ နိူင်ငံများတွင် ရောက်ရှိနေသော မြန်မာ နိူင်ငံသား များသည်လည်း အသိပညာ ဖွံ့ဖြိုး တိုးတက်ရေးနှင့် သတင်းမှန်များ ဖြန့်ချီရေး အတွက် ၀ိုင်းဝန်း ကြိုးစားကာ သတင်းမှန်များ ဖြန့်ဝေလျှက် ရှိကြသော်လည်း အစိုးရ၏ ယုတ်မာ ကောက်ကျစ်မှုကြောင့် မြန်မာ ပြည်တွင်းမှ လူများသည် ထိုသတင်း ဆိုဒ်များကို ၀င်ရောက် ကြည့်ရှု လေ့လာခွင့် မရကြချေ။ ထိုကြောင့် ပြည်သူ လူထုမှာ အစိုးရ မီဒီယာများဖြင့်သာ မွေ့လျော်နေကြရ ရှာသည်ကို သတိမထား မိသည်လော၊ သိလျှက်နှင့်ပင် မကြိုးစား ကြသည်လော၊ ကြိုးစား နေဆဲလား ဆိုတာကတော့ ထို သူတို့သာ သိရှိ နိူင်ပေသည်။ ကျွန်ူပ် ယုံကြည် ထားသည်မှာ တိုင်းပြည် တစ်ပြည် စနစ် တစ်ခု ပြောင်းလဲရေးသည် ပြည်တွင်း အင်အားစု ပေါ်မှာသာ မူတည်သည်။ ပြည်တွင်းတွင် လွတ်လပ်၍ တရား မျှတသော ဒီမိုကရေစီ နိူင်ငံတော်ကြီး၏ ကောင်းကျိုး အဖြာဖြာကို လိုလား တောင့်တသော ပြည်သူ လူထုများ လာမှသာ ဒီမိုကရေစီ အရေး တောင်းဆို တုိုက်ပွဲဝင်လိုသည့် အင်အားစု ကြီးထွား လာမည် ဖြစ်သည်။ ထိုသို့ သတင်းမှန် ဖြန့်ချီရေးတွင် ဟာကွက်ကို ဖြည့်စီးသည့် အနေဖြင့် ကျွန်ူပ်တို့ သွေးမျိုးဆက်သည် ပြည်တွင်းသို့ သတင်းမှန်များနှင့် အသိပညာ၊ အတတ် ပညာ သာမက စဉ်းစားဆင်ခြင်ဉာဏ် ကောင်းမွန် လာစေမည့် လူထု အကျိုးပြု စာပေများ၊ နည်းပညာကို အခြေခံ၍ ပထမဆုံး ပြည်တွင်းသို့ စတင် ဖြန့်ဖြူး သွားမည် ဖြစ်ပါသည်။

ပြည်တွင်း၌ သာမက ပြည်ပ နိူင်ငံများတွင် အလုပ်လုပ်ကိုင် နေကြသော လူများသည် မအားလပ်သည့် အတွက် သတင်းဆိုဒ်များကို တက်ကြည့်စရာမလို၊ ယနေ့ မြန်မာ နိူင်ငံ၏ နိူင်ငံရေး အခြေအနေ၊ ထူးခြား ဖြစ်စဉ်များ၊ သတင်းများ၊ ဒီမိုကရေစီ အင်အားစုများ၏ လှုပ်ရှားမှု၊ အစိုးရ၏ အကြံအစည် များကို မိမိ၏ မေးလ်ကို ဖွင့်ကာ ဖတ်ရုံ မျှဖြင့် လွယ်လင့်တကူ ဖတ်ရှုနိူင်အောင် အစွမ်းကုန် ကြိုးစား သွားပါမည်။ အသိဉာဏ် ဗဟုသုတကို မိမိတို့ သိသလို အခြား သူများကို သိအောင် ဆောင်ရွက်ခြင်းသည် မြတ်သော မင်္ဂလာ မည်ပါပေ၏။ ထိုကြောင့် ကျွန်ူပ်တို့ နိူင်ငံတ၀ှမ်း မင်္ဂလာ အပေါင်းနှင့် ပြည့်စုံ၍ အသိဉာဏ် ပညာဖွံ့ဖြိုး တိုးတက်စေရန် သင့်ထံသို့ ရောက်ရှိ လာသော မေးများကို အများသူဌာ သိရှိ လာစေရန် ကူညီဖြန့်ဝေ ပေးကြပါလို့ လေးစားစွာ တိုက်တွန်း နိူးဆော် အပ်ပါသည် ။

ကြောက်လန့် နေတဲ့ စိတ်ကို ပယ်ဖျောက် ချင်ရင် ဖြောင့်မတ်တဲ့ စိတ်ကို မွေးမြူ ပေးကြပါ။ တရားမျှတပြီး လွတ်လပ်တဲ့ စိတ်ကို ချစ်မြတ်နိူး သူတိုင်း ရွေးကောက်ပွဲကို ဆန့်ကျင် ပေးကြပါ။ တရား မျှတမှုကို ချစ်ခင် မြတ်နိူး တန်ဖိုး ထားလိုသူတွေ များပြား လာခဲ့ရင် မတရားမှုကို လက်ကိုင် ထားသူတွေ အတွက် နေရာ ဆိုတာ မရှိပါဘူး ဆိုတာ လက်တွေ့ သက်သေ ပြရမည့် အချိန်အခါကို ရောက်ရှိ နေပါပြီ။ ထိုကဲ့သို့ သက်သေပြဖို့ အတွက် အမှန်တရားကို ချစ်ခင် မြတ်နိူးကာ မတရားမှုကို ရွှံရှာ မုန်းတီးသည့်ပြင် ထူးခြား ပြောင်မြောက်စွာ အဖြောင့်အတိုင်း တွေးခေါ် နိူင်သည့် အရည်အသွေး တို့ကို ပိုင်ဆိုင်သော သွေးမျိုးဆက်တို့ ရှင်သန် လာအောင် ၀ိုင်းဝန်း ကြိုးစားကြကာ အာဏာရှင် စနစ်ဆိုးကို တိုက်ထုတ်၍ လွတ်လပ်၍ တရားမျှတကာ ခေတ်မှီ ဖွံ့ဖြိုး တိုးတက်သော ဒီမိုကရေစီ နိူင်ငံကြီး ဆီသို့ ညီညာစွာ ချီတက်ကြပါစို့ မြန်မာနိူင်ငံသား အပေါင်းတို့။

http://groups.google.com/group/thwaymyoset-/sub?s=6tn8WAwAAAAQzEhJIsxTzaukPlobzkCR&hl=en

အထက်ပါ လင့်လေးကို နှိပ်၍ သွေးမျိုးဆက် အဖွဲ့ဝင် အဖြစ် ၀င်ခွင့် တောင်းခံနိူင်ပါသည် ။

ခင်မင် လေးစားလျှက်
ဗမာ့သွေး