ဇူလိုင် ဆယ့်ကိုး တပ်လှန့် နိူးသည်

ဇူလိုင် ဆယ့်ကိုး တပ်လှန့် နိူးသည်
ဒို့မျိုး စဉ်ဆက် တိုင်သနည်း။

ဆယ့်ကိုး ဇူလိုင် မမေ့နိူင်တည့်
မိုးရက်မိုးခါ ဖြစ်နေပါလည်း
ရှုသာ မြက်ခင်း နံနက်ခင်းနှင့်
ယင်းသည့် စနေ ဂြိုလ်ဆိုး မွှေခဲ့။

တွင်းဝန် ရုံးဆီ ဆယ်နာရီနှင့်
စွန်းသည် ဟိုဘက် နာရီဝက်တွင်
ပြည်တွက် ရေးရာ များဝန်တာကို
ဖြာဖြာ တနည်း ခေါင်းဆောင်ကြီးတို့
စုစည်း တထွေ ဆွေးနွေး နေစဉ်

ဂျစ်ကားစိမ်းမှ ဆင်းသက် ကြပြီး
လက်မှ တော်မီ စတင်းချီလျှက်
တပ်မည် နံပါတ် ဆယ့်နှစ် မှတ်သည့်
စစ်တပ် ၀တ်စုံ အရေခြုံတို့
စုပြုံ တက်သွား မိနစ် ခြားဝယ်

နားကွဲ မတတ် ဒလစပ်လျှင်
ပစ်ခတ် ဆူညံ သေနတ် သံတို့
မိုးယံ ထိုးဖောက် လေ၀ယ် နှောက်သည်
ထက်အောက် ၀န်းကျင် တုန်သနည်း ။

ကျည်ပွင့် သံလည်း
မိုးယံကိုဖွင့် လေ၀ယ် လွင့်သည်
ယမ်းပွင့် ယမ်းခိုး ဝေသတည်း ။

ဗိုလ်ချုပ် အောင်ဆန်း ပြည့်ချစ် ပန်းနှင့်
ခေါင်နန်း စာဆို ဦးဘချိုပြင်
ကြည်ညို ဆပွား ဒို့အားထားသည့်
စော်ဘွား မိုင်းပွန် လူရည်ချွန်လှ
သခင်မြနှင့်
တကွ တူပြိုင် မန်းဘခိုင် ၊
ကြိုင်လှိုင် သတင်း ဦးဘ၀င်း
ပျံ့သင်း ဂုဏ်ဒြပ် ဦးရာဇတ်တို့
ပစ်သတ် ခံရ ဆောင်ခန်းမ၀ယ်
လဲကျ သေဆုံး သွေးနီ ဖုံးသည် -------
ဆုံရှုံးခဲ့ရလေပြီတကား ။

ဤသတင်းလျှင်
ချက်ခြင်း ပျံ့သွား ပြည်သူ့ နားသို့
သိကြား မကြာ ပြည်လုံး မှာလည်း
သည်းညှာ ပျက်ပြုန်း ကြိမ်မီး အုံးသို့
ယူကျုံး မရ မျက်ရည် ကျခဲ့---------- ၊
တသ နှမြော အသေစောဟု
သောက လှိုက်ဖို ရှိုက်ငင် ငိုမိ
ရက်ကို လစား ချိန်တွေများသည်
ခြောက်ဆယ့် သုံးနှစ် တိုင်ခဲ့ပြီ။

ပြည်သူ့ လွတ်လပ်ရေး အသက်ပေး၍
စတေး ခံသွား ခေါင်းဆောင်များ အတွက်
ဒို့ကား တဖန် ဆောင်ရွက် ရန်ကား
မိမြန် အတွက် စွမ်းသည့် ဘက်မှ
ဆထက် ကြိုးကုတ် အားမာန် ထုတ်၍
ဗိုလ်ချုပ် ချမှတ် လမ်းစဉ် မြတ်ကို
ကျင့်အပ် လိုက်နာ သွားရန်သာတည်း ။

ဆယ့်ကိုး ဇူလိုင် မမေ့နိူင်သည်

ဇူလိုင် ဆယ့်ကိုး တပ်လန့် နိူးသည် --------၊
ဒို့မျိုး စဉ်ဆက် တိုင်သတည်း ။

ထွဏ်းနေနွယ်