ဂုဏ်ယူပါတယ် " <b>ဦးဇော်အောင် </b>"

ဒုက္ခသည်များကို ကယ်တင်ခဲ့သည့် မြန်မာ သင်္ဘော ကပ္ပတိန်အား နိုင်ငံတကာမှ ဂုဏ်ပြု

စပိန်သတင်းစာများက ဦးဇော်အောင်၏ ဆုံးဖြတ်ချက် မှန်ကန်မှု၊ ရဲဝံ့မှုများကို တခမ်းတနား ဖော်ပြခဲ့သလို မြန်မာ့ သတင်း မီဒီယာ များကလည်း လူသားချင်း စာနာမှုဖြင့် စွန့်စားခဲ့သော ၎င်း၏ စိတ်ထားနှင့် လုပ်ရပ်ကို အလေးထား ဂုဏ်ပြုခဲ့ကြသည်

ဇွန်လ (၉) ရက်နေ့က ကြမ်းတမ်း ခက်ထန်လှသည့် ပင်လယ်ပြင်တွင် ဒုက္ခသည် များအား သက်စွန့်ဆံဖျား ကယ်တင်နိုင်ခဲ့သည့် မြန်မာ သင်္ဘော ကပ္ပတိန် ဦးဇော်အောင်အား နိုင်ငံတကာမှ တလေးတစား ချီးကျူး ဂုဏ်ပြုနေဆဲ ဖြစ်သည်။ စပိန် သတင်းစာများက ဦးဇော်အောင်၏ ဆုံးဖြတ်ချက် မှန်ကန်မှု၊ ရဲဝံ့မှုများကို တခမ်းတနား ဖော်ပြခဲ့သလို မြန်မာ့သတင်း မီဒီယာ များကလည်း လူသားချင်း စာနာမှုဖြင့် စွန့်စားခဲ့သော ၎င်း၏ စိတ်ထားနှင့် လုပ်ရပ်ကို အလေးထား ဂုဏ်ပြု ခဲ့ကြသည်။ ဇွန်လ (၉) ရက်နေ့က စပိန် နိုင်ငံ၊ အနောက် မြောက်ပိုင်း ကမ်းလွန်မှ ကီလိုမီတာ (၅၅၀) အကွာမှ ရွက်လှေ တစ်စင်းထံမှ အရေးပေါ် အကူအညီ တောင်းခံသည့် SOS သတင်း ပေးပို့မှုကို MTM Princess သင်္ဘောပေါ်မှ ဖမ်းယူ ရရှိခဲ့သည်။ သင်္ဘောသား (၂၂)ဦး အနက် ကပ္ပတိန် အပါအ၀င် မြန်မာ သင်္ဘောသားချည်း (၂၁)ဦး လိုက်ပါလာသော MTM Princess သည် အဆိုပါ သတင်း ပေးပို့မှုကို ရရှိပြီးနောက် သင်္ဘော ကပ္ပတိန် ဦးဇော်အောင်က ယင်း ဒုက္ခသည် များအား ကယ်တင်ရန် သင်္ဘောသား များနှင့် ဆွေးနွေး ခဲ့သလို သင်္ဘော ကုမ္ပဏီသို့လည်း အကြောင်းကြား ခဲ့သည်။ ကုမ္ပဏီထံမှ ခွင့်ပြုချက် ရရှိသော အခါ မာရှယ်လ်ကျွန်း နိုင်ငံ အလံ လွှင့်ထူထားသော MTM Princess သည် ဘေးတွေ့ နေသည့် အပျော်စီး အပမ်းဖြေ ရွက်လှေ Octogon ထံသို့ ဦးတည် ခုတ်မောင်း ခဲ့လေတော့သည်။

ယင်းရွက်လှေ ပေါ်တွင် ဗြိတိန်မှ အပမ်းဖြေ ခရီး ထွက်လာသော စုံတွဲနှစ်တွဲ လိုက်ပါလာခဲ့ပြီး ပြင်းထန်သော ရာသီဥတုတွင် ရွက်လှေ နစ်မြုပ်ခါနီး အခြေအနေ ကြုံနေခြင်းကြောင့် SOS အကူအညီ တောင်းခံမှုကို ထုတ်လွှင့်ခဲ့ခြင်း ဖြစ်သည်။ ဦးဇော်အောင်သည် SOS ကြေညာချက်ကို လက်ခံ ရရှိချိန်တွင် မူလထုတ်လွှင့်သည်ထက် (၃)နာရီ နောက်ကျနေပြီ ဖြစ်သော်လည်း ထိုနေရာသို့ ရောက်အောင် သွားရန် ဆုံးဖြတ်ခဲ့ခြင်း ဖြစ်သည်။ MTM Princessသည် Octagonနှင့် ရေမိုင် (၉) မိုင် အကွာသို့ ရောက်ရှိနေခြင်း ဖြစ်သည်။ သို့သော်လည်း ပြင်းထန်သော လေမုန်တိုင်းနှင့် လှိုင်းများကြောင့် လှမ်းမြင်ရသော အနေအထားသည် ရေမိုင် (၇) မိုင်ထက် မပိုခဲ့ပေ။ Octagon ၏ အထက် ဝေဟင်တွင် ကမ်းခြေစောင့် ရဟတ်ယာဉ် တစ်စင်းက ၀ဲပျံ နေခဲ့သော်လည်း ပြင်းထန် လှသည့် ရာသီဥတုကြောင့် ဒုက္ခသည်များအား ကယ်တင်နိုင်ခြင်း မရှိခဲ့သောကြောင့် နောက်ဆုံး မျှော်လင့်ချက်သည် MTM Princess ကပ္ပတိန် ဦးဇော်အောင် ထံတွင်သာ ကျရောက် လာခဲ့သည်။

ဦးဇော်အောင်သည် ပထမ တစ်ကြိမ် Octagonနားသို့ ချဉ်းကပ် ခဲ့သော်လည်း လှိုင်းများ၏ ပုတ်ထုတ်မှုကြောင့် အဆင်မပြေဘဲ ရေယာဉ် နှစ်စင်း ကွာထွက် သွားခဲ့သည်။ MTM Princessမှ သင်္ဘောသားများသည် အဖွဲ့(၃)ခုခွဲကာ ရွက်လှေအား ဆိုင်းကြိုးများဖြင့် ချိတ်ဆက်ပြီး ဆွဲထားနိုင်ရန် အင်တိုက် အားတိုက် ကြိုးပမ်းခဲ့ကြသည်။ ပထမ တစ်ကြိမ် ကြိုးပမ်းမှုတွင် မအောင်မြင် ခဲ့သော်လည်း ဒုက္ခသည် ဗြိတိသျှလူမျိုး (၄)ဦးအား ကြမ်းတမ်း ခက်ထန် လှသည့် ပင်လယ် ပြင်ကြီးထဲတွင် မထားခဲ့နိုင်သော ဦးဇော်အောင်နှင့် သင်္ဘောသား များသည် မဆုတ်မနစ် ဆက်လက် ကြိုးပမ်းကြသည်။ အခက်အခဲများကြားမှ နောက်ဆုံး ရလဒ် အဖြစ် အသက်(၅၈)နှစ် အရွယ် အသက်အကြီးဆုံး ဒုက္ခသည်ကို ၎င်းတို့သည် MTM Princessသို့ ဦးစွာဆွဲတင်နိုင်ခဲ့သည်။ ထို့နောက်တွင်တော့ ကျန်ရှိသူ (၃) ဦးလုံးအား အောင်မြင်စွာ ကယ်တင်နိုင်ခဲ့သည်။ MTM Princess မှ သူရဲကောင်း တစ်စု၏ ကြိုးပမ်း ဆောင်ရွက်မှုကို ကမ်းခြေစောင့် ရဟတ်ယာဉ်က တောက်လျှောက် စောင့်ကြည့် နေခဲ့ပြီးနောက် ဒုက္ခသည်အားလုံး လုံခြုံသွားကြောင်း သေချာချိန်တွင် ကမ်းခြေသို့ ပျံသန်း ထွက်ခွာ သွားတော့သည်။ ဒီဗွန်တွင် နေထိုင်သည့် မိုက်ခ်အာနိုးလ်၊ ဘာဘရာအာနိုးလ်၊ မစ်ဒ်လန်းစ်မှ ဒေးဗစ်ဂျွန်ဆန်နှင့် အန်ဂျယ်လာ ဂျွန်ဆန်တို့ (၄) ဦး လုံး MTM Princess နှင့် အတူ ဘေးမသီ ရန်မခ ကမ်းခြေသို့ ပြန်ရောက် ခဲ့သော်လည်း Octagon ရွက်လှေ ကိုမူ စွန့်လွှတ် ခဲ့ရကြောင်း သိရသည်။

ဇွန်လကုန်က ရန်ကုန်သို့ ပြန်ရောက်လာသည့် ကပ္ပတိန် ဦးဇော်အောင်အား မိသားစုက ဂုဏ်ယူဝံ့ကြွားစွာ ကြိုဆိုခဲ့ကြသည်။ အဏ္ဏ၀ါ ရေပြင်တွင် သူရဲကောင်း ဆန်ဆန် အားထုတ် ကြိုးပမ်းခဲ့သည့် ပုလဲနှင့်ငါးလုပ်ငန်း ကပ္ပတိန်ဟောင်းက ယခုလုပ်ရပ်သည် ၎င်း၏ တာဝန်ဟု ခံယူထားကြောင်း၊ MTM Princessမှ သင်္ဘောသားများ အားလုံး ၎င်းနှင့် လက်တွဲ ညီညီ ကြိုးပမ်းမှုကြောင့် ယခုစွမ်းဆောင်မှုမျိုး ပြုလုပ် နိုင်ခဲ့ခြင်း ဖြစ်ကြောင်း သတင်း မီဒီယာများသို့ ပြောကြားခဲ့သည်။ ယင်းသည် (၁၉၉၆) ခုနှစ် ကတည်းက အရာရှိ တစ်ဦး ဖြစ်လာခဲ့ပြီး MTM Princess သည် ၎င်း တာဝန်ယူသည့် ဒုတိယမြောက် သင်္ဘော ဖြစ်သည်။ မိခင် ဖြစ်သူ၏ ဂုဏ်ယူ ၀မ်းသာစွာ ကြိုဆိုမှုကို ခံယူခဲ့ရသည့် ကပ္ပတိန်က မိမိတို့၏ လူသားချင်း စာနာမှုဖြင့် ကြိုးပမ်းခဲ့မှု အတွက် ကြည်နူးမိကြောင်း၊ ထိုကြိုးပမ်းမှုကြောင့် ဗြိတိန် နိုင်ငံက မည်သို့ ဂုဏ်ပြုမည် ဆိုသော အချက်အား မစဉ်းစားခဲ့ကြောင်း ပြောကြားသွားသည်။ Octagon ကိစ္စသည် မြန်မာ သင်္ဘောသား များ၏ ပင်လယ်ပြင်တွင် စွန့်စား ကယ်တင်မှုများ အနက် ပထမဆုံး မဟုတ်ချေ။ တရုတ် တောင်ပင်လယ်တွင် နစ်မြုပ် နေသည့် ဗီယက်နမ် ငါးဖမ်းလှေ တစ်စင်းမှ အမျိုးသမီး တစ်ဦးကိုလည်း မြန်မာ သင်္ဘောသားများ ကယ်တင် ခဲ့ဖူးသည်။ သို့သော်လည်း Octagon ကိစ္စမှာမူ နိုင်ငံတကာမှ မြန်မာ့ သတ္တိကို အလေးအနက်ထား အသိအမှတ် ပြုစေမည့် ကြီးကျယ်သော စွမ်းဆောင်မှု တစ်ခု ဖြစ်စေခဲ့သည်။ မြန်မာ့ ပင်လယ်ကူး သင်္ဘောသားများ အဖွဲ့ကြီးမှ ဦးစိုးမင်းအောင်က MTM Princess မှ မြန်မာ သင်္ဘောသား များသည် မြန်မာကို ကမ္ဘာ သိအောင် စွမ်းဆောင် ပြခဲ့ကြောင်း ချီးကျူး ပြောဆို သွားခဲ့သည်။

Source : ပလက်နက် / eldiariomontanes