အလုပ်သမား ဆန္ဒပြပွဲများအား ပြည်သူ တစ်ရပ်လုံးက ၀န်းရံပေးကြပါရန်။

မြန်မာနိုင်ငံလုံးဆိုင်ရာ သံဃာ့တပ်ပေါင်းစု အဖွဲ့ကြီး
၈၈ မျိုးဆက်ကျောင်းသားများ
ဗမာနိုင်ငံလုံးဆိုင်ရာ ကျောင်းသားသမဂ္ဂ္ဂများ အဖွဲ့ချုပ်

စာအမှတ် ။ ။ ၁/၂၀၁၀(မဃတ+၈၈+ဗကသ)
ရက်စွဲ ။ ။ ၁၈ - ၂- ၂၀၁၀

အလုပ်သမား ဆန္ဒပြပွဲများအား ပြည်သူ တရပ်လုံး ၀ိုင်းဝန်းကြ

(၁) ယခုရက်ပိုင်း အတွင်း ဖြစ်ပေါ်နေသော လှိုင်သာယာ စက်မှုဇုံနှင့် အင်းစိန် အထည်ချုပ် စက်ရုံများမှ အလုပ်သမားများ၏ လုပ်ခ၊ အလုပ်ချိန် နှင့် လူမှု ဖူလုံရေး ကိစ္စများ အတွက် တောင်းဆို ဆန္ဒပြပွဲများသည် မြန်မာနိုင်ငံ၏ မျက်မှောက် အခြေအနေကို လက်တွေ့ ပကတိ ထင်ဟပ် ဖေါ်ပြနေခြင်း ဖြစ်သည်။ လှိုင်သာယာနှင့် အင်းစိန် ဆန္ဒပြပွဲများသည် ထို အလုပ်သမားများ၏ ပြဿနာ သက်သက်မျှ မဟုတ်ဘဲ မြန်မာ ပြည်သူ တရပ်လုံး ခံစားနေကြရသော မီးဖိုချောင် ပြဿနာပင် ဖြစ်သည်။ ယနေ့ အခြေအနေသည် ထိုဆန္ဒပြ အလုပ်သမား မိသားစုများသာမက စစ်အုပ်စု ထိပ်သီး အသိုင်းအ၀ိုင်းမှ လွဲ၍ မြန်မာ တနိုင်ငံလုံးရှိ ပြည်သူ တရပ်လုံး၊ လူထု လူတန်းစား အားလုံး လူတန်းစေ့ မနေနိုင်သည့် စားဝတ်နေရေး အကျပ်အတည်း ပြဿနာကို ရင်ဆိုင် ကြုံတွေ့ နေရသည့် အခြေအနေ ဖြစ်သည်။

(၂) အလုပ်သမား လယ်သမားများ၊ သာမန် အစိုးရ ၀န်ထမ်းများ၊ စစ်တပ် အတွင်းမှ သာမန် အရာရှိ၊ အရာခံ၊ အကြပ် တပ်သားများ၊ ရဲဝန်ထမ်းများ စသည့် မြန်မာ ပြည်သူ အများစုကြီး ရင်ဆိုင် နေရသော ဆင်းရဲမွဲတေမှု ပြဿနာကို မြန်မာပြည်သူ တရပ်လုံး အတွက် လှိုင်သာယာနှင့် အင်းစိန်အလုပ်သမားများက ကိုယ်စားပြု ဖေါ်ထုတ် ပြသလိုက်ခြင်း ဖြစ်သောကြောင့် ထိုအလုပ်သမားများ၏ သပိတ် တိုက်ပွဲများကို မိမိတို့မှ အလေးအနက် ဂုဏ်ပြုပါသည်။

(၃) စစ်အစိုးရသည် ပြည်သူတို့၏ စားဝတ်နေရေး ပြဿနာများကို ပြေလည်အောင် ဖြေရှင်း မပေးရုံသာမက တိုင်းပြည်အတွင်း ပေါ်ပေါက်နေသော ပြဿနာ အရပ်ရပ်ကို ငြိမ်းအေး သွားစေနိုင်ရန် မြန်မာ ပြည်သူ လူထုကြီးက လိုလားနေသည့် တွေ့ဆုံ ဆွေးနွေးရေး စားပွဲဝိုင်းသို့ လက်ကမ်း ဖိတ်ခေါ်မှုကို လည်း ယနေ့ ထက်တိုင် ခေါင်းမာစွာ ငြင်းဆန်နေဆဲ ဖြစ်သည်။ ဆွေးနွေး အဖြေရှာမှုအား ငြင်းပယ် နေသမျှ ကာလပတ်လုံး ထိုသို့သော ပြဿနာများ ဆန္ဒ ပြပွဲများသည် ပုံစံမျိုးစုံဖြင့် ပေါ်ပေါက်နေဦးမည်သာ ဖြစ်သည်။

(၄) စစ်အစိုးရသည် တိုင်းပြည် တွင်းရှိ ပြဿနာတိုင်းကို ၄င်းတို့၏ အာဏာကိုယ်ကျိုးအတွက် ရက်စက် ကြမ်းကြုတ်စွာ ခြိမ်းခြောက် အကြမ်းဖက် ဖြေရှင်းသည့်နည်း၊ တစိတ်တပိုင်း ယာယီ လိုက်လျောဟန် ပြုကာ အချိုသတ် ပွဲဖြတ်ပစ်လိုက်သည့် နည်းတို့ဖြင့် အစဉ်အမြဲ မှားယွင်းစွာ ဖြေရှင်းလေ့ရှိသည်။ ယခုလည်း လှိုင်သာယာ အလုပ်သမားများ၏ ကျိုးကြောင်း ဆီလျှော်သော တောင်းဆိုမှုများကို ထို ခြိမ်းခြောက်/ အချိုသတ် နည်း နှစ်နည်းဖြင့်ပင် ဖြိုခွင်း ပစ်နေသည်ကို ထင်ထင်ရှားရှား တွေ့မြင်နေရသည်။ စစ်အစိုးရ၏ ဤမတရား သဖြင့် လုပ်ရပ်အား မိမိတို့မှ အပြင်းအထန် ကန့်ကွက် ရှုတ်ချသည်။ စစ်အစိုးရက မည်သို့ပင် ခြိမ်းခြောက် လှည့်ဖျားကာ ဆန္ဒပြပွဲများအား ငြိမ်ဝပ် ပိပြားသွားအောင် လုပ်စေကာမူ ဘ၀ အသိ ကြွယ်ဝသော အလုပ်သမား ထုကြီးက ချယ်လှယ် သွေးစုပ် ခံနေရသမျှ ကာလပတ်လုံး၊ အခွင့်အရေး ဆုံးရှုံး နေသမျှ ကာလ ပတ်လုံး ဘ၀ လိုအပ်ချက် အရ ဆန္ဒပြ သပိတ် တိုက်ပွဲများကို ပုံစံမျိုးစုံဖြင့် ဆက်လက် ဆင်နွှဲနေကြမည်။

(၅) သို့ဖြစ်ပါ၍ တပ်မတော်သားများ အပါအ၀င် အလုပ်သမား၊ လယ်သမား၊ ရဟန်းရှင်လူ ကျောင်းသား ပြည်သူ တရပ်လုံး၏ နေ့စဉ် ရင်ဆိုင်ကြုံတွေ့ နေရသော ပြဿနာများကို ကိုယ်စားပြု ဆန္ဒပြနေသည့် လှိုင်သာယာ နှင့် အင်းစိန် အလုပ်သမားများ၏ ဆန္ဒပြပွဲများကို ပြည်သူ တရပ်လုံးမှ ဆန္ဒပြ အလုပ်သမားများအား စားသောက်စရာများ ထောက်ပံ့ပေးပို့ခြင်း အပါအ၀င် ပူးပေါင်း ပါဝင်ဆန္ဒပြခြင်းအထိ နည်းမျိုးစုံဖြင့် ထောက်ခံ အားပေးကြပါရန် မိမိတို့ မြန်မာနိုင်ငံလုံး ဆိုင်ရာ သံဃာ့ တပ်ပေါင်းစု အဖွဲ့ကြီး၊ ၈၈ မျိုးဆက် ကျောင်းသားများ နှင့် ဗမာနိုင်ငံလုံး ဆိုင်ရာ ကျောင်းသား သမဂ္ဂများ အဖွဲ့ချုပ် တို့မှ မြန်မာ ပြည်သူ တရပ်လုံးအား လေးလေး နက်နက် တိုက်တွန်း နှိုးဆော်လိုက်ပါသည်။

မြန်မာနိုင်ငံလုံး ဆိုင်ရာ သံဃာ့ တပ်ပေါင်းစု အဖွဲ့ကြီး
၈၈ - မျိုးဆက်ကျောင်းသားများ
ဗမာနိုင်ငံလုံး ဆိုင်ရာ ကျောင်းသား သမဂ္ဂများ အဖွဲ့ချုပ်

PDF ဖိုင် အား ဒေါင်းလုပ် ရယူရန် Statement