ယနေ့ မြန်မာ နိုင်ငံ နှင့် နိုင်ငံရေး

ကမ္ဘာ တစ်ဝှမ်း ပြန့်နှံ့လျက် ရှိသော မန်ချက်စတာ ယူနိုက်တက် ဘောလုံး အသင်းကို နှစ်သက် အားပေးသူ ပရိသတ် သန်း ၃၀၀ ကျော် ခန့်ကြားထဲတွင် မြန်မာ ၂ ဦးပါဝင်ပြီး အဆိုပါ ဘောလုံးချစ်သူ ၂ ဦးမှာ မျိုးဆက် ကွာဟမှု ရှိနေသည်ကို တွေ့ရပါသည်။ တစ်ဦးမှာ တင်းမာသော အမြင်၊ ကျဉ်းမြောင်းသော ကွမ်းသီး ဝါးလေ့ရှိသော အသက် ၇၀ နှင့် ၇၉ နှစ်ကြား အဘိုးကြီး တစ်ဦး ဖြစ်ပြီး နောက်တစ်ဦးမှာ ၎င်း၏ ချစ်လှစွာသော ဆယ်ကျော်သက် မြေးလေးပင် ဖြစ်သည်။ များစွာသော မြန်မာ နိုင်ငံသား ဘောရူးများ ကဲ့သို့ပင် သူတို့ နှစ်ဦးသည် မြန်မာနိုင်ငံ အပူပိုင်းဇုံ၏ ညများတွင် ညဥ့်နက်သည် အထိ စောင့်၍ အင်္ဂလန် ဘောလုံးပွဲများကို အားပေးလေ့ ရှိပါသည်။ ဤအထိ ပြဿနာ မရှိပါ။ သို့သော် အထက် ဖော်ပြပါ အဖိုး ဖြစ်သူမှာ နိုင်ငံခြားသားများကို ရွံ့မုန်းသော မြန်မာ့ တပ်မတော် ခေါင်းဆောင် ဗိုလ်ချုပ်မှူးကြီး သန်းရွှေ ဖြစ်ပြီး လုပ်သမျှ အားလုံး မှားယွင်းလေ့ ရှိသူ ဖြစ်သည်။ အနောက် နိုင်ငံများကို ရူးသွပ်စွာ ဆန့်ကျင်သူ၊ ဝိန်းရူနီကို နှစ်သက် ထောက်ခံသူ၊ မုန်းစရာ ကောင်းသူ အာဏာရှင်မှာ ၎င်းပုဂ္ဂိုလ်ပင် ဖြစ်သည်။ အင်္ဂလိပ်ဘောလုံးသည် ဗိုလ်ချုပ်မှူးကြီး သန်းရွှေ၏ အံ့ဩဖွယ် စွဲလမ်း နှစ်ခြိုက်မှု တစ်ခု ဖြစ်နေသည်မှာ မဆန်းသော်လည်း လေးနက်သော မေးစရာများ ရှိနေပါသည်။

အမေရိကန်၏ အနှစ် ၂၀ ကြာပြစ်တင်မှု၊ အရေးယူမှုများ အပြီးတွင် "ဝါရှင်တန်" က တပ်မတော် အစိုးရနှင့် တိုက်ရိုက် စေ့စပ် ညှိနှိုင်းမည်ဟု ဆိုခဲ့ပြီး မြန်မာ အစိုးရနှင့် ပတ်သက်၍ မိမိတို့ မည်မျှ နားလည် ထားပါ သနည်းဟု စက်တင်ဘာ ၂၄ ရက်နေ့တွင် အမေရိကန် နိုင်ငံခြားရေး ဝန်ကြီး Hillary Clinton က ပြောကြား ခဲ့သည်။

ဂျပန် အိုကီနာဝါ Meio University မှ မြန်မာ့ အရေး ကျွမ်းကျင်သူ Donald M.Seekins က "အရာ အားလုံး အပေါ်တွင် ကောင်းစွာ နားမလည်ပါ။ နားလည်ရန်လည်း မလွယ်ကူ လှပါ" ဟု ဆိုသည်။ မြန်မာ အစိုးရ၏ နိုင်ငံတကာ အပေါ် ရှုမြင်မှုကို အပြည့်အဝ နားလည်ရန် ကြိုးစားခြင်းသည် ၎င်းတို့၏ လူ့အခွင့်အရေး ချိုးဖောက်မှုများကို ခွင့်လွှတ်ပေးခြင်း မဟုတ်ပါ။ မြန်မာ့ တပ်မတော်က ဆက်လက် ပြုလုပ်နေသော ကြမ်းကြုတ် ရက်စက်မှုများတွင် စစ်ရာဇဝတ်မှုများလည်း ပါဝင်သည်ဟု အများက ယုံကြည်နေပါသည်။ တပ်ချုပ်ကြီးနှင့် သူ့တပည့်များကို မှားယွင်းစွာ နားလည်ခြင်း ပေါ်တွင် အခြေခံထားသော မူဝါဒများသည် ထိရောက်မှုမရှိခြင်း (သို့) ဆန့်ကျင်ဘက် ရလဒ်ကိုသာ ရရှိပါလိမ့်မည်ဟု မြန်မာ့ အရေး ကျွမ်းကျင်သူများက သတိပေးထားပါသည်။ သို့ဖြစ်၍ မြန်မာ ဗိုလ်ချုပ်ကြီးများ အကြောင်းကို သိရှိ နားလည်ရန် အချိန်ရောက်လာပြီ ဖြစ်၍ သူ၏ တပည့်များက "အဘကြီး" ဟုခေါ်သော တပ်ချုပ်ကြီး၏ အကြောင်း စတင် ဆွေးနွေးကြပါစို့။

သစ္စာ ရှိခြင်းနှင့် သိက္ခာ မဲ့ခြင်း
၁၉၉၂ ခုနှစ်ကပင် တပ်မတော်အစိုးရ အကြီးအကဲ ဖြစ်လာသော ဗိုလ်ချုပ်မှူးကြီး သန်းရွှေသည် လျှို့ဝှက် သိပ်သည်း၍ အငြင်းပွားဖွယ် မရှိသော မြန်မာနိုင်ငံ၏ ခေါင်းဆောင်ဖြစ်ပါသည်။ ၎င်းသည် များသောအားဖြင့် တစ်ချက်လွှတ် အာဏာကို အသုံးပြုလေ့ ရှိသည်ဟု "Seekins" က ဆိုသည်။ ၎င်းအား စိန်ခေါ် ရဲမည့်သူ ရှိဖို့ ဝေးစွ၊ အနည်းဆုံး ပွင့်ပွင့် လင်းလင်း ပြောရဲ သူပင် မရှိပါ။ သူ၏ ဘဝ အစမှာ နိမ့်ကျခဲ့သည်ဟု ဆိုရ ပါမည်။

မန္တလေးမြို့နှင့် မဝေးလှသော ကျောက်ဆည်မြို့ အနီးမှ ရွာတစ်ရွာတွင် သူ့အား မွေးဖွားခဲ့ပါသည်။ အထက်တန်း ကျောင်းကို ပြီးအောင် မတက်နိုင်ခဲ့ဘဲ စာတိုက် ဝန်ထမ်း လုပ်ခဲ့ပြီး ထိုမှတဆင့် ဗိုလ်သင်တန်းကျောင်း တက်၍ တပ်မတော်တွင် ရာထူး အဆင့်ဆင့် တိုးကာ စိတ်ဓာတ် စစ်ဆင်ရေး စစ်ပွဲ ကျွမ်းကျင် သူဟု ဆိုပါသည်။ မေးစရာ မလိုတဲ့ သစ္စာစောင့် သိခြင်းသည် သူ၏ အောင်မြင်မှု သော့ချက်ပင် ဖြစ်ကြောင်း " Than Shwe: Unmasking Burma's Tyrant" စာအုပ်ကို ပူးတွဲရေးသားသူ Benedict Rogers က ပြောပါသည်။ သူသည် အထက် အမိန့်ကို အမြဲ နာခံတတ်ပြီး အန္တရာယ် ပေးနိုင်သူ (အဆိပ်ရှိသူ) ဟုလည်း မထင်ရပါ။ ထိုအချက်ကြောင့်ပင် ရာထူးများ တိုးခဲ့ခြင်း ဖြစ်၍ သူ၏ ပင်ကို ဗီဇစွမ်းရည်နှင့် အရည်အချင်းများကို ပြသ နိုင်ခဲ့ခြင်း မရှိပါ။ ၎င်းထိပ်ဆုံးသို့ ရောက်ရှိချိန်မှ စ၍ "အာဏာကို တင်းကြပ်စွာ ချုပ်ကိုင်နိုင်သော စွမ်းရည်" ကို ပြသသည်ဟု Seekins က ဆက်လက် ပြောကြားသည်။

သူ၏ ပြိုင်ဘက်များကို ကရုဏာကင်းစွာ ဖယ်ရှားသော လုပ်ရပ်တစ်ခုမှာ ရည်မှန်းချက် ကြီးမားသော ထောက်လှမ်းရေး အကြီးအကဲ ဗိုလ်ချုပ်ကြီး ခင်ညွန့်ကို ၂၀၀၄ ခုနှစ်တွင် ရာထူးချ၍ နေအိမ် အကျယ်ချုပ်ဖြင့် ချထားခြင်း ဖြစ်သည်။ သစ္စာခံ ဗိုလ်ချုပ်များမှာ မူကား အကျင့်ပျက်မှု၊ အလွဲသုံးစားမှုများဖြင့် ချမ်းသာ ကြွယ်ဝအောင် လုပ်ကိုင်နိုင်သော အခွင့်အရေးများကို ဆုအဖြစ် ချီးမြှင့် ခံရသည်ဟု မြန်မာ့ အရေး စောင့်ကြည့်သူ လေ့လာသူများက ပြောပါသည်။ အနောက် နိုင်ငံများက ၎င်းအား "နောက်ပြန်သွားသူ" အဖြစ် သတ်မှတ်ထားပြီး အသက် ၇၆ နှစ်ရှိ တပ်ချုပ်ကြီးကမူ သူ့ကိုယ်သူ ချွတ်ခြုံကျ နေသော နိုင်ငံအတွင်းသို့ နိုင်ငံခြား ရင်းနှီး မြှုပ်နှံမှုများ စီးဝင်လာစေရန် တံခါးဖွင့်ပေးသူ၊ လမ်း၊ တံတားများသာမက ကြီးကျယ် ခမ်းနားသော နေပြည်တော် မြို့သစ်ကြီး တည်ဆောက်သူ၊ ရဲရင့်သော ပြုပြင် တည်ဆောက်ရေး သမား တစ်ယောက် အဖြစ် ထင်မြင် နေပုံရပါသည်။

လက်တွေ့ အမှန်တရားမှာ ဤသို့မဟုတ်ပါ။ နိုင်ငံခြား ရင်းနှီး မြှုပ်နှံသူများသည် နိုင်ငံကို အကျိုးမပြုဘဲ တပ်မတော် ခေါင်းဆောင် များကိုသာ ကြွယ်ဝ စေခဲ့ပါသည်။ ရတနာ သဘာဝ ဓာတ်ငွေ့စီမံကိန်း တစ်ခုတည်း ကပင်လျှင် ၄.၈၃ ဘီလျံ ရရှိခဲ့ကြောင်း ဝါရှင်တန် အခြေစိုက် Earth Right International ၏ အစီရင်ခံစာ အရ သိရှိ ရပါသည်။ မြန်မာပြည်သူ အများစုမှာ စိတ်ညစ်ညူးဖွယ် ဆင်းရဲတွင်း၌ ရှင်သန် နေထိုင်ရဆဲ ဖြစ်ပြီး နေပြည်တော် တည်ဆောက်မှုသည် အလွန် တန်ဖိုး ကြီးမားသော ငွေကြေး ဖြုန်းတီးမှုပင် ဖြစ်ပါသည်။ ယခုအချိန် အထိ ဗိုလ်ချုပ်မှူးကြီး သန်းရွှေအား ဗုဒ္ဓဘာသာ မြန်မာနိုင်ငံ၏ မှားယွင်းစွာ လိမ်ညာ လှည့်ဖြား တတ်သော ခေါင်းဆောင် အဖြစ် ရေးသား နေမှုများမှာ မမှန်ကန်ပါ။

မြန်မာ အစိုးရသည် အနှစ် နှစ်ဆယ် အတွင်း အာရှ၏ လျှင်မြန်စွာ ဖွံ့ဖြိုး ကြီးထွားလာမှုကို သတိကြီးစွာထား၍ လက်ခံ ပြောင်းလဲ နေခြင်း ဖြစ်သည်။ ဒေသတွင်း အင်အားကြီး စီးပွားရေး ဘီလူးကြီး (တရုတ်) မပေါ်ထွက်လာခင် အထိ အိမ်နီးချင်း အရှေ့တောင် အာရှ နိုင်ငံများ၏ ရင်းနှီး မြှုပ်နှံမှုများကို ဆွဲယူ နေခဲ့သည်။ ၁၉၈၈ ခုနှစ်ခန့်က တရုတ် နိုင်ငံသည် စီးပွားရေးအရ ဤမျှ ကြီးထွားလာမည်ဟု စစ်ခေါင်းဆောင်များ မထင်ခဲ့ကြပါ။ သို့ရာတွင် တရုတ် နိုင်ငံ အင်အားကြီးလာသောအခါ အခွင့်အလမ်း အားသာချက်အဖြစ် အသုံးချ၍ တရုတ်နှင့် ပိုမို ရင်းနှီးစွာ ဆက်ဆံရန် ကြိုးစားခဲ့ကြသည်။ ၁၉၉၇ တွင် အာဆီယံအဖွဲ့သို့ ဝင်ရောက်ခြင်းအားဖြင့် မိတ်ဆွေများ ထပ်မံရရှိကာ အနောက်နိုင်ငံများ၏ ဆန့်ကျင်မှုကို အံတုနိုင်ခဲ့ပြီး ကုန်သွယ်ရေး ဆိုင်ရာ အခွင့်အရေး များလည်း ပိုမို ရရှိ လာပါသည်။ (ထိုင်းနိုင်ငံသည် ၎င်း၏ သဘာဝ ဓာတ်ငွေ့ လိုအပ်ချက် အများစုကို မြန်မာနိုင်ငံမှ ရရှိပါသည်) အိန္ဒိယနိုင်ငံနှင့် ဆက်ဆံရေးလည်း တိုးတက်လာခဲ့သည်။

သီးသန့် နိမိတ်ပုံ ဆောင်သော နေပြည်တော်တွင် တစ်နှစ်လျှင် ခရီးသည် ၁၀ သန်းခန့် ဝန်ဆောင်မှု ပေးနိုင်မည့် နိုင်ငံတကာ လေဆိပ်သစ်ကြီး တစ်ခု ဆောက်ရန် အစိုးရက စီစဉ်လျက် ရှိပါသည်။ ၎င်းတို့သည် မိမိတို့ ထင်သလောက် အထီးကျန် ဝါဒီ ဆန်သူများ မဟုတ်ဘဲ မိတ်ဆွေများကို သေချာ ရွေးချယ်လေ့ ရှိသည်ဟု မျက်ကန်း တစ္ဆေမကြောက် နိုင်ငံများ ဖြစ်သည်ဟု ဆိုပါသည်။

တပ်မတော် အစိုးရ၏ နိုင်ငံခြားသားများကို ကြောက်ရွံ့သော အဆိုးမြင် အယူအဆသည် အထီးကျန် ဧကစာဝါဒ ထက်စာလျှင် ကျူးကျော်မှုကို ကြောက်ရွံ့သော အရိုးစွဲနေသည့် ဝါဒကြောင့် အမြစ်တွယ် နေခြင်း ဖြစ်သည်။ မြန်မာနိုင်ငံသည် ရာစုနှစ် နီးပါးမျှ ပြည်ပ အင်အားကြီး နိုင်ငံ၏ သိမ်းပိုက်မှုကို ခံခဲ့ရပြီး ၁၉၄၈ တွင် ဗြိတိန်ထံမှ လွတ်လပ်ရေး ရသော အခါတွင်လည်း လူမျိုးစု တိုင်းရင်းသား များ၏ တော်လှန်မှုကြောင့် တစ်စစီ ပြိုကွဲလု နီးပါး ဖြစ်ခဲ့ရသည်။ ထို့ကြောင့်ပင် နိုင်ငံအား ပြည်တွင်း ပြည်ပ အန္တရာယ်များ ရန်သူများ လက်မှ ကာကွယ် စောင့်ရှောက် နိုင်ခဲ့သော သမိုင်းဆိုင်ရာ နေရာ တစ်ခုကို မြန်မာ့ တပ်မတော်က ရရှိခဲ့ခြင်း ဖြစ်သည်။

စစ်ဗိုလ်ချုပ် များသည် ၎င်းတို့အား ဖိအားပေးမှုကို နိုင်ငံအား ခြိမ်းခြောက် ခံရမှု အဖြစ် နားလည် သတ်မှတ် လေ့ရှိပြီး ယင်းအချက်မှာ မှားယွင်းသော လမ်းပြ ခေါင်းဆောင်မှုနှင့် မှားယွင်းသော အယူအဆ ဖြစ်သည်ဟု Australia's Griffith University မှ သုတေသီ Andrew Selth က သုံးသပ်ပါသည်။ သို့ရာတွင် စစ်ဗိုလ်ချုပ်များ၏ ကြောက်ရွံ့မှုသည် မှန်ကန်နေပြီး အနောက် နိုင်ငံများ၏ အရေးယူမှုများ၊ ပြစ်တင် ဝေဖန် နေမှုများက အဆက်မပြတ် မီးထိုးပေးနေ သကဲ့သို့ ဖြစ်စေပါသည်။ ၁၉၈၈ ခုနှစ် ဒီမိုကရေစီ တောင်းဆို ဆန္ဒပြပွဲ ကာလ အတောအတွင်း မြန်မာ့ကမ်းရိုးတန်းတွင် အမေရိကန် ပြည်ထောင်စု၏ ရေတပ် သင်္ဘော အုပ်စု စေလွှတ် နေရာ ယူခဲ့ပြီး နောက်ပိုင်းတွင် မြန်မာ နိုင်ငံကို အီရန်၊ မြောက်ကိုရီးယား တို့နှင့် အတူ အထီးကျန် အာဏာရှင် နိုင်ငံများ အုပ်စုသို့ သွတ်သွင်း လိုက်ပါသည်။ အနောက် နိုင်ငံများ၏ ရှောင်ဖယ် စိမ်းကားမှုသည် မြန်မာ နိုင်ငံကို အာရှ၏ စစ်အင်အားကြီး နိုင်ငံတစ်ခု အဖြစ် တည်ဆောက်ခြင်းနှင့် လုံခြုံရေး ကောင်စီ အမြဲတမ်း အဖွဲ့ဝင်ဖြစ်သော တရုတ်နိုင်ငံ၊ ရုရှားတို့နှင့် ပိုမို ရင်းနှီးသော ဆက်ဆံရေး လမ်းကြောင်း ရရှိသွားခြင်း ဟူသော စွဲမြဲ ခိုင်မာနေသည့် လှုပ်ရှားမှု ၂ ခုဆီသို့ တွန်းပို့ နေသကဲ့သို့ ဖြစ်သွားခဲ့ပါပြီ။

ရိုင်းပြသူများ ပြခန်း
ဗိုလ်ချုပ်မှူးကြီး သန်းရွှေသည် မြန်မာနိုင်ငံတွင် အားလုံးထက် အရေးပါ အရာရောက်သော အုပ်ချုပ်သူ ဖြစ်သော်လည်း ထိပ်ဆုံးတွင် တစ်ဦးတည်း ရပ်တည်နေသူ မဟုတ်ပါ။ သူ အလွန်သဘောကျ၍ ဆက်ခံသူ အဖြစ် ရွေးချယ်ထားသော ဗိုလ်ချုပ်ကြီး သူရရွှေမန်းနှင့် အစိုးရ၏ ရေရှည် ရည်မှန်းချက် ဖြစ်သည့် နျူကလီယား နည်းပညာ ရရှိရေး အစီအစဉ်၏ မာလိန်မှူး၊ အမေရိကန် ဆိုင်ရာ သံအမတ်ဟောင်း ဦးသောင်းတို့သည် တပ်ချုပ်ကြီး၏ အမာခံ သစ္စာရှိ ဘက်တော်သားများ ဖြစ်ပါသည်။ ထို့အပြင် တပ်ချုပ်ကြီးနှင့် ဆက်နွယ်နေသော လက်တစ်ဆုပ်စာ စီးပွားရေးလုပ်ငန်းရှင်များ အုပ်စုသည်လည်း အမာခံ ဘက်တော်သားများ ဖြစ်ပြီး ၎င်းတို့အနက် အများစုမှာ ဗိုလ်ချုပ်များကဲ့သို့ပင် အမေရိကန်နှင့် ဥရောပ သမဂ္ဂတို့က ချမှတ်ထားသော အရေးယူ ပိတ်ဆို့မှု၏ ပစ်မှတ် အကြောင်းအရာ ဖြစ်နေပါသည်။ တပ်ချုပ်ကြီး၏ စီးပွားရေး ဆိုင်ရာ ရောင်းရင်းများ အုပ်စုသည် ဩဂုတ်လက မြန်မာနိုင်ငံသို့ လာရောက်သော (စေ့စပ် ဆွေးနွေးရေးကို ထောက်ခံသူ) ဆီနိတ်တာ Jim Webb ကို နွေးထွေးစွာ ကြိုဆို၍ "အဘကြီး" ၏ စည်းရုံးရေးအစီအစဉ်ကို ပါဝင်ဆောင်ရွက်ခဲ့သည်။ အမေရိကန် မရင်းတပ်ဖွဲ့ဝင်ဟောင်း ဆီနိတ်တာကို ပြုံးပြုံးကြီး လက်ဆွဲ နှုတ်ဆက် နေသော ဗိုလ်ချုပ်မှူးကြီး သန်းရွှေ၏ ပုံကို နိုင်ငံပိုင် ရုပ်မြင် သံကြားဌာနက ထုတ်လွှင့်ခဲ့ပြီး အစိုးရ အာဘော် New Light of Myanmar သတင်းစာကလည်း "ဩဇာကြီးသော အမေရိကန် လွှတ်တော် အမတ်က မြန်မာနိုင်ငံ အပေါ် ချမှတ်ထားသော စီးပွားရေး အရေးယူမှုများကို ဆန့်ကျင်ကြောင်း" ဖော်ပြ၍ ၎င်း၏ စာဖတ်ပရိသတ်ကို ဆော်ဩခဲ့ပါသည်။

ဆယ်စုနှစ် ၂ စုမျှ တင်းကြပ်စွာ ပိတ်ပင် အရေးယူ ခံရသော်လည်း တပ်မတော် အစိုးရသည် ချမ်းသာ ကြွယ်ဝမှုနှင့် တကွ ရှင်သန်နိုင်ခဲ့သည်။ သို့သော် အရေးယူပိတ်ပင်မှုများကို ရုတ်သိမ်းပေးစေလိုသော ၎င်းတို့၏ ဆန္ဒမှာမူ လျော့ပါး မသွားခဲ့ပါ။ ကမ္ဘာက ဘယ်လိုထင်ထင် သန်းရွှေက ဂရုမစိုက်ပါဟု ပြည်သူအများစုက ပြောဆိုပါသည်။ သို့ရာတွင် နိုင်ငံတကာမှ ဝိုင်းပယ်ထားသော အနေအထားကို ဖယ်ရှား လိုသော ဆန္ဒ ၎င်းတွင် ရှိပါသည်ဟု Rogers က ပြောကြားခဲ့ပြီး ဥပဒေအရ တရားဝင်သော အစိုးရဖြစ်လေဟန် ဖုံးကွယ် လှည့်စား လိုသော ဆန္ဒလည်း ရှိကာ ကြိုတင် အကွက်ချ ထားသော ၂၀၁၀ ရွေးကောက်ပွဲက ၎င်းကို အထောက်အကူ ပြုလိမ့်မည်ဟု ဆိုသည်။ ဗိုလ်ချုပ်မှူးကြီး သန်းရွှေသည် "စည်းကမ်း ရှိ၍ စနစ်ကျသော ဒီမိုကရေစီ စနစ်" ကို အကောင်အထည်ဖော် ဖန်တီးရန် သန္နိဋ္ဌာန် ချထားပြီး အဆိုပါ စနစ်သည် စစ်အုပ်ချုပ်ရေးကို အမြစ်တွယ် ခိုင်မာစေသည်သာ မကဘဲ ၎င်း၏ အာဏာ ဆက်လက် ချုပ်ကိုင်လိုမှုနှင့် ပုဂ္ဂိုလ်ရေးရာ ကဏ္ဍကိုပါ အကာအကွယ်ပေးနိုင်မည် ဖြစ်သည်။ ၂၀၀၂ ခုနှစ်က ၎င်းထံမှ အာဏာသိမ်းရန် ကြံစည်မှုဖြင့် ဦးနေဝင်း (သူ့အား မြေတောင် မြှောက်၍ အာဏာ ပလ္လင်ပေါ် တင်ပေးခဲ့သူ) နှင့် သမီး ခင်စန္ဒာဝင်း တို့ကို နေအိမ်တွင် အကျယ်ချုပ်ထားပြီး ဦးနေဝင်း၏ မြေးများအား ထောင်ဒဏ် ချမှတ်ခဲ့သည်။ ဦးနေဝင်းသည် လျစ်လျူရှုခံ ဘဝဖြင့် ဂုဏ်သိက္ခာမဲ့စွာ ကွယ်လွန် သွားခဲ့သည်ဟု စာရေးဆရာ Christina Flink (Living Silence: Burma under Military Rule စာအုပ်ကို ရေးသားသူ) က ပြောကြားခဲ့သည်။ ထို့အတွက် ဗိုလ်ချုပ်မှူးကြီး သန်းရွှေသည် ထပ်တူ ထပ်မျှ နာကျင်စွာ ဖြစ်ပျက် ခံစားရပါလိမ့်မည်။ တပ်မတော် အကြီးအကဲ၏ နောက်ထပ် အားနည်းချက် တစ်ခုမှာ သူ၏ မိသားစုနှင့် ပတ်သက်နေပြီး "စည်းမဲ့ကမ်းမဲ့ ထင်တိုင်းကြဲ" နိုင်ရန် ခွင့်ပြု အလို လိုက်ခဲ့သည်ဟု Rogers က ပြောပါသည်။ ၎င်း၏ သားသမီး ၈ ဦး အနက်မှ တစ်ဦး ဖြစ်သူ စိန်ထည် လက်ဝတ် ရတနာများ ညွတ်နေအောင် ဆင်မြန်း ထားသည့် သန္တာရွှေနှင့် ဗိုလ်မှူး တစ်ယောက် တို့၏ ကြီးကျယ်သော လက်ထပ် ပွဲကြီးကို ၂၀၀၆ ခုနှစ် ဇူလိုင်လက ကျင်းပခဲ့ရာ ဆင်းရဲတွင်း နက်နေသော ပြည်သူများ၏ အမျက်ထွက်ခြင်းကို ခံခဲ့ရပါသည်။

တစ်ကိုယ်တော် လေလွင့်ခြင်း
များစွာသော မြန်မာ့ ဒီမိုကရေစီ အရေး လှုပ်ရှားသူများနှင့် အမေရိကန် ကွန်ဂရက် လွှတ်တော် အတွင်း၌ "စစ်ဗိုလ်ချုပ်များနှင့် စတင် ဆက်ဆံခြင်း" ကို လိုက်လျောမှု တစ်ခု အနေဖြင့် ရှုမြင်ကြပြီး ဗိုလ်ချုပ်မှူးကြီး၏ ပုဂ္ဂိုလ်ပိုင်း ဆိုင်ရာ ကဏ္ဍအနေဖြင့်မူ လက်တွင် သွေးစွန်း နေပြီဟု ဆိုပါသည်။ ၂၀၀၅ ခုနှစ်က အမေရိကန်တွင် နိုင်ငံရေး ခိုလှုံခဲ့သော ထောက်လှမ်းရေး အရာရှိဟောင်း နိုင်ငံခြားရေး ဝန်ကြီးဌာန သံတမန်ဟောင်း ဗိုလ်မှူး အောင်လင်းထွဋ် (ငြိမ်း) ၏ အခိုင်အမာ ပြောဆိုချက် အရ အဘကြီးသည် ၁၉၉၈ ခုနှစ်က မြိတ်ကျွန်းစုရှိ ကျွန်းတစ်ကျွန်း ပေါ်တွင် ကလေး၊ လူကြီး အပါအဝင် လူ ၈၁ ဦးကို သတ်ဖြတ်ရန် ရက်စက်စွာ အမိန့် ပေးခဲ့ သည်ဟု ဆိုပါသည်။ နောက် ၅ နှစ် အကြာတွင် အဘကြီး၏ လက်မရွံ့လူမိုက် အဖွဲ့သည် အတိုက်အခံ ခေါင်းဆောင် ဒေါ်အောင်ဆန်းစုကြည်၏ ယာဉ်တန်းကို ဒီပဲယင်းမြို့အနီး၌ လျှက်တပြက် ခြုံခို တိုက်ခိုက်ခဲ့ရာ သူမ၏ ပါတီကေဒါများ အပါအဝင် ထောက်ခံသူများ ဒါဇင်နှင့် ချီ၍ ထိခိုက် ကျဆုံးခဲ့ပါသည်။ နိုဘယ်ဆုရှင် ဒေါ်အောင်ဆန်းစုကြည်သည် ဗိုလ်ချုပ်မှူးကြီး၏ အကြီးမားဆုံး နိုင်ငံရေး ပြိုင်ဘက် အဖြစ် ဆက်လက် ရပ်တည် နေပြီး အဘကြီး၏ ပုဂ္ဂိုလ်ရေး အရ သူမအား နှစ်သက်မှုမရှိဟု သိရပါသည်။

ဤသည်မှာ နိုင်ငံရေးအရ တွက်ချက် ခန့်မှန်းမှု သက်သက်မဟုတ်ပါ။ ၎င်းက သူမသည် အယူအဆ တစ်ရပ် အပေါ်တွင် ခိုင်မာလွန်းသူ၊ အနောက်တိုင်း ဆန်သူ၊ ပွင့်လင်းစွာ ပြောလွန်းသူ အမျိုးသမီး တစ်ဦး အဖြစ် သတ်မှတ် ယူဆထားပုံ ရပါသည်။ ပြီးခဲ့သော ဩဂုတ်လကမူ သူမ၏ ခြံဝင်း အတွင်းသို့ မဖိတ် ခေါ်ဘဲ ဝင်ရောက်လာသည့် အမေရိကန်ရေကူးသမား၏ ကိစ္စ (ထူးဆန်း အံ့ဩဖွယ် ဖြစ်ရပ်ဟု အများက သတ်မှတ်) ကြောင့် နေအိမ် အကျယ်ချုပ် သက်တမ်းအတွင်း ဥပဒေ ချိုးဖောက်သည်ဟု အပြစ်ရှိကြောင်း သတ်မှတ်ကာ ပြစ်ဒဏ် ချမှတ်ခံရပါသည်။ မူလက ချမှတ်ထားသော အလုပ်နှင့် ထောင်ဒဏ် ၃ နှစ်ကို နေအိမ်တွင် ၁၈ လ အကျယ်ချုပ် အဖြစ် လျှော့ပေါ့ပေးခဲ့ပြီး ဗိုလ်ချုပ်မှူးကြီး သက်ညှာ ပေးလိုသော ဆန္ဒအရဟု တရားရုံးတွင် ကျယ်လောင်စွာ ဖတ်ကြားခဲ့သည်ဟု ဆိုပါသည်။ ဗိုလ်မှူး အောင်လင်းထွဋ်(ငြိမ်း)ကမူ လက်ခံ ယုံကြည်ခြင်း မရှိပါ။ ဗိုလ်ချုပ်မှူးကြီးသည် အနောက်တိုင်း အရေးယူ ပိတ်ဆို့မှုများကို ကာလ ရှည်ကြာ ထောက်ခံခဲ့သူ ဒေါ်အောင်ဆန်းစုကြည်အား သိက္ခာချရန် မည်သည့် ကိစ္စကို မဆို ပြုလုပ် လိမ့်မည်ဟု ဆိုပါသည်။ တပ်ချုပ်ကြီးသည် Jim Webb နှင့် တွေ့ဆုံ ရာတွင် နိုဘယ် ဆုရှင်ကို ရှုတ်ချ ဖော်ကျူးရန် ရည်ရွယ် လုပ်ဆောင်မှု အဖြစ် "သူမသည် အရေးယူမှုများ ရုတ်သိမ်းရေး ကိစ္စတွင် ခေါင်းမာ လွန်းသူ၊ မြန်မာ ပြည်သူများ၏ ရန်သူ ဖြစ်သည်" ဟု ၎င်းက ပြောဆိုခဲ့သည်။ သို့သော် သူမသည် အရေးယူမှုများကို ထောက်ခံသည့် သဘောထားအား ဆက်လက် ကိုင်စွဲထားမည် မဟုတ်ပါ၊ အမေရိကန်၏ တွေ့ဆုံဆွေးနွေးမှုသည် ကောင်းမွန်သော ဆောင်ရွက်ချက် ဖြစ်ကြောင်း၊ NLD ပါတီ၏ ပြောရေး ဆိုခွင့် ရှိသူမှ တဆင့် မကြာမီက ဝန်ခံ ပြောကြား ခဲ့ပါသည်။

ဒေါ်အောင်ဆန်းစုကြည်သည် သူမအား မည်သူက အပြစ်တင်နိုင်မလဲ ဆိုသည့်အချက်နှင့် ပတ်သက်၍ သတိကြီးစွာ ထားနေပုံရပါသည်။ နိုင်ငံရေး ပြန်လည် တည်ဆောက်ရန် အခြေအနေ ပေါ်ထွက်လာမှု အပါအဝင် အတိုက်အခံများနှင့် ဆွေးနွေးညှိနှိုင်းရန် ကိစ္စရပ်များနှင့် ပတ်သက်၍ တပ်ချုပ်ကြီးသည် လောလောဆယ်တွင် တုန့်ပြန် ပြောင်းလဲဦးမည် မဟုတ်ပါ။ အကြောင်းရင်းမှာ အာဏာကို တစ်ယောက်တည်း လက်ဝါးကြီး အုပ်ထားခြင်းကို ဆက်လက် ထိန်းသိမ်းရန်အတွက် လိုအပ်သော အရာ အားလုံးကို ၎င်းက ဆန္ဒ ရှိနေခြင်းပင် ဖြစ်သည်ဟု Seekins က ပြောသည်။ သို့ဖြစ်၍ သံတမန်ရေး ဆိုင်ရာ တိုက်ခိုက်မှု အသစ်များ ဖြစ်လာနိုင်သလား ဟု မေးစရာ ရှိပါသည်။ အမေရိကန် ပြည်ထောင်စု၏ မြန်မာ နိုင်ငံ အပေါ် ကိုယ်တွယ် ချဉ်းကပ်မှု ပုံစံအသစ်သည် ထိပ်တိုက် ရင်ဆိုင် တွေ့ခြင်းထက် သံတမန်ရေး ဆွေးနွေးမှုများကို ဦးစားပေးမည့် အိမ်ဖြူတော်၏ မူဝါဒမှ ထွက်ပေါ် လာသော ရလဒ် ဖြစ်သည်။ နည်းဗျူဟာ များကို ပြောင်းလဲခြင်း ဖြစ်ပြီး မဟာဗျူဟာအရ ပြောင်းလဲမှု သိပ်မရှိပါဟု Fink က ဆိုပါသည်။

မြန်မာနိုင်ငံတွင် တရုတ်၏ လွှမ်းမိုးလာမှုနှင့် ပတ်သက်သော ဝါရှင်တန်၏ ပူပန်မှု၊ ဗိုလ်ချုပ်မှူးကြီး၏ နျူကလီယား ရည်ရွယ်ချက်များ ပေါ်ထွက်လာမှုတို့ပင် ဖြစ်ပါသည်။ မြန်မာ အစိုးရ၏ ပွင့်လင်းစွာ ဖွင့်ဟရန် ဆန္ဒရှိမှုကို ဝါရှင်တန်က ပိုမို တွက်ချက်၍ စွန့်စား လိုက်ခြင်းလည်း ဖြစ်သည်။ ယခု အမေရိကန်အစိုးရ၏ အနေအထားမှာ ၁၉၉၀ ခုနှစ်များက ဂျပန်အစိုးရ ကြုံတွေ့ခဲ့ရသော အနေအထားနှင့် ထပ်တူ ဖြစ်နေသည်ဟု ဆိုပါသည်။ ထိုစဉ်က "တိုကျို"သည် စီးပွားရေး အထောက်အပံ့ ပေးခြင်းဖြင့် မြန်မာ အစိုးရ၏ လမ်းကြောင်းကို ပြောင်းလဲ နိုင်လိမ့်မည်ဟု ယုံကြည်ခဲ့ခြင်း ဖြစ်သည်။

ယခု အခါ တပ်မတော် အစိုးရသည် နေရာတိုင်း၌ ဆွေးနွေးမှုများ ပြုလုပ်နေသည်ကို တွေ့မြင် နိုင်ပါသည်။ ယခင်လက ဝန်ကြီးချုပ် ဗိုလ်ချုပ်ကြီး သိန်းစိန်သည် ပြီးခဲ့သော ၁၄ နှစ်အတွင်း အဆင့်အမြင့်ဆုံး မြန်မာ တာဝန်ရှိ ပုဂ္ဂိုလ် အဖြစ် ကုလသမဂ္ဂ အထွေထွေ ညီလာခံသို့ တက်ရောက်ခဲ့ပါသည်။ ၎င်းက ကုလကိုယ်စားလှယ်များအား အရေးယူ ပိတ်ပင်မှုများသည် တရား မျှတမှု မရှိကြောင်း နယူးယောက်မြို့တွင် ပြောကြားခဲ့သည်။ ဝန်ကြီးချုပ်သည် ဆီနိတ်တာ Jim Webb နှင့် အမေရိကန် လက်ထောက် နိုင်ငံခြားရေး ဝန်ကြီး Kurt Campbell တို့ နှစ်ဦး စလုံးနှင့် ဆွေးနွေး ညှိနှိုင်းခဲ့ပါသည်။ မြန်မာ နိုင်ငံတွင်လည်း ဒေါ်အောင်ဆန်းစုကြည်က အစိုးရ တာဝန်ရှိ ပုဂ္ဂိုလ်နှင့် အရေးယူ ပိတ်ပင်မှုများ ရုတ်သိမ်းရေး ကိစ္စကို ဆွေးနွေး ခဲ့ပါသည်။ ယခု အချိန်တွင် ဘာမှ ဖြစ်မလာနိုင်သေးပါ။ Campbell က "မှားယွင်းစွာ အချက်ပြမှု ဖြစ်သွားနိုင်သည်" ဟု သတိပေးခဲ့ပြီး သူ၏ အထက် အရာရှိကလည်း သဘောတူ ပါသည်။ အရေးယူမှုများသည် မိမိတို့ မူဝါဒ၏ တစ်စိတ်တစ်ပိုင်းအဖြစ် ဆက်လက် ထားရှိဦးမည်ဟု Hilary Clinton က ဆက်လက် ပြောကြားပါသည်။

အဆိုပါ အကြောင်းအရာကို ဆွေးနွေးခြင်း၊ စေ့စပ် ညှိနှိုင်းခြင်း များကို "လက်နက် ကိရိယာ" အဖြစ် အသုံးပြု၍ မြန်မာ နိုင်ငံတွင် ဒီမိုကရေစီ ဖြစ်ပေါ်ရေး ပန်းတိုင်ကို ရောက်ရှိအောင် ကြိုးစားသွားဦးမည်ဟု ဆိုပါသည်။ နိုင်ငံရေး ပြုပြင် ပြောင်းလဲမှုကို အမှန်တကယ် လုပ်ဆောင် ဖူးခြင်း မရှိသည့် တပ်ချုပ်ကြီး၏ သမိုင်းကြောင်းကို တွေးဆ၍ ယခု စေ့စပ် ညှိနှိုင်းမှုမှ အကျိုး သက်ရောက်မှုများသည် နဂို ရှိရင်းစွဲ အမှန်တရားလောက် အရေးမကြီးဟု ယူဆပါက အမေရိကန် အာဏာပိုင်များ မှန်ကန်သည်ဟု ဆိုနိုင် ပါသည်။

သဘောထား တင်းမာသော ၎င်းကိုယ်တိုင်မှ တပါး မည်သူမျှ မတတ်နိုင်သည့် အမှန်တကယ် အလျှော့ပေး ညှိနှိုင်းမှုများသည် သာလျှင် လာမည့်နှစ် ရွေးကောက်ပွဲတွင် ယှဉ်ပြိုင်ခြင်း မပြုနိုင်အောင် တားမြစ်ထားသည့် ဒေါ်အောင်ဆန်းစုကြည်နှင့် နိုင်ငံရေး အကျဉ်းသားများ လွှတ်ပေးရေး အစီအစဉ်ကို စတင်နိုင်မည် ဖြစ်ပြီး ဒီမိုကရေစီ ရရှိရေးမှာမူ အလှမ်းဝေးသော ပန်းကလေးအဖြစ် တည်ရှိနေပါဦးမည်။

လူတိုင်း လူတိုင်းက နိုင်ငံရေး ပြုပြင် ပြောင်းလဲမှုများ လုပ်ဆောင်ရန် တိုက်တွန်း နေကြသော်လည်း ဗိုလ်ချုပ်မှူးကြီးသည် ၎င်းကိစ္စကို အရေးတကြီး ပြုလုပ်မည်ဟု မထင်ပါကြောင်း Seekins က ပြောကြားပါသည်။ ၎င်း၏ ရှေ့တွင် ဖြစ်ရပ်များ အခြေအနေများ တစ်ခုပြီး တစ်ခု ကူးပြောင်း သွားသည့် တိုင်အောင် များစွာ ပြောင်းလဲ သွားလိမ့်မည် မဟုတ်ပါ။ တစ်ယောက်သော သူက မြန်မာ နိုင်ငံတွင် ဖြစ်ပျက် သမျှ အရာအားလုံးကို ထိန်းချုပ် ထားပါသည်။

--

မြန်မာ့ ဒီမိုကရေစီ ကျောင်းသားများ
Democracy Students of Myanmar
2010.

မေးလ်မှ ရရှိကာ ပြန်လည် မျှဝေပါသည်။ ပေးပို့သူအား ကျေးဇူးများစွာ တင်ရှိပါကြောင်း မှတ်တမ်း တင်ပါသည်။