အောင်ပွဲခံနိုင်ရာသောအချက်ကြီး (၃)ချက်

၈၈ သီဟ

ကျွန်တော်တင်ပြလိုတဲ့အောင်ပွဲခံနိုင်ရာသောအချက်ကြီး (၃)ချက်ကိုမတင်ပြခင်မှာအခြေခံတဲ့ အချက်လေးများ ကိုတင်ပြချင်ပါတယ်။ ဦးစွာအနေနဲ့ကတော့၊ ကျွန်တော်ရဲ့တင်ပြမှု့များထဲမှာ လိုအပ်တာလေးများ မှားနေတာ လေးများပါတယ်ဆိုရင်တော့၊ ကြိုတင်ပြီးတောင်းပန်ပါရစေ။

ဒီနေ့ဖြစ်ပေါ်နေတဲ့နိုင်ငံရေးအခြေအနေများအရ၊ ကျွန်တော်တို့အားလုံးမှာတူညီသောရည်ရွယ် ချက်များ ရှိနေ ခဲ့ကြသည် ဆိုတာကိုတော့ အားလုံးမငြင်းနိုင်တဲ့အချက်တခုဖြစ်ပါသည်။ ဒါပေမယ့် ဒီတူညီချက်ကို အားပြုပြီး အောင်ပွဲအဖြစ်ရောက်ရှိအောင် မောင်းနှင်ဖို့ရာမှာ၊ ဦးစွာအနေနှင့်အချက် (၂)ချက်ရှိရန် လိုအပ်သည် ဟုထင် ပါသည်။ အဲတာတွေကတော့

(၁) သဘောထား (တဦးချင်းစီအလိုက်)
(၂) လုပ်နည်း (ဘယ်လိုနည်းနှင့်လက်တွဲလုပ်ဆောင်ကြမည်လဲ)၊ဆိုတာတွေပဲဖြစ်ပါတယ်။ ကျွန်တော့်ရဲ့၊ ယ္ခုတင်ပြမှုမှာတော့နံပါတ် (၁) ဖြစ်တဲ့၊ Attitude (သို့) သဘောထားကို တင်ပြထားပါ တယ်။ သဘောထား ဆိုတဲ့အပိုင်းကိုတင်ပြရာမှာတော့ အပိုင်းအလိုက်တင်ပြသွားမည်ဖြစ်ပြီး၊ နံပါတ် (၂) လုပ် နည်းကိုလည်း ဆက်လက် တင်ပြ သွားမှာဖြစ်ပါတယ်။

ကျွန်တော့်ရဲ့ တင်ပြချက်အလုံးစုံကတော့၊ မှန်တကယ်အချိန်ကုန်ခံပြီး မြန်မာ့ဒီမိုကရေစီအရေး ကိုလုပ်ဆောင်ခဲ့ တဲ့နေရာမှာ၊ တွေ့ရှိ လာရတဲ့ အချက်များဖြစ်ပါတယ်။ နံပါတ်(၁)သဘောထား ပိုင်းကို အဓိပ္ပါယ် ဖွင့်ဆိုချက်ကို ရှင်း ရမယ်ဆိုရင်တော့၊အဓိကသော့ချက်(၃)ချက်ဖြစ်တဲ့

(၁) တိုက်ရဲ
(၂) သေရဲ
(၃) အနိုင်ယူရဲ

ဆိုတဲ့အချက်များသာလျှင်ဖြစ်ပါတယ်။

တိုက်ရဲ

တိုက်ရဲဟုဆိုရာတွင်ရန်သူကိုလက်နက်ကိုင်၍တိုက်ခြင်းကိုသာမဆိုလိုပါ။အခြားသောရဲရဲရင့် နင့် တိုက်ပွဲဝင်ရ မည့်အခြေအနေများစွာရှိပါသည်။၎င်းအခြေအနေများအနက်မိမိကိုယ်ကိုတိုက် ခြင်းနှင့်မိမိနှင့် ဆက်စပ်နေသော ပတ်ဝန်းကျင်ကိုတိုက်ခြင်းတို့သည်အလွန်အရေးပါသောတိုက်ပွဲ ၀င်ခြင်းများဖြစ်သည်။ သို့မှသာလျှင် မိမိ ဆန့် ကျင် တိုက်ခိုက်နေသောရန်သူကို၊ပြတ်ပြတ်သားသား တိုက်ခိုက်သွားနိုင်သော အခြေအနေများ ရရှိလာ နိုင်ပေသည်။

မိမိကိုယ်ကိုတိုက်ခြင်း

ပထမဦးဆုံးတိုက်ပွဲဝင်ခြင်းဖြစ်သောမိမိကိုယ်ကိုတိုက်ခြင်းသည်အလွန်တရာခက်ခဲသောကိစ္စတရပ်ဖြစ်သည်။ အဖြေကတော့မိမိကိုယ်ကိုမှအနိုင်ယူမတိုက်ခိုက်နိုင်လျှင်တော့၊ရန်သူကိုနိုင်အောင်တိုက်ဖို့ရန်မှာအလွန်တရာခက်ခဲလှပေမည်။(Indian)စကားပုံတခုကဆိုထားတာက၊ "If you want to reach a state of bliss, then go beyond your ego and the internal
dialogue. ဒီအပြင်ဗုဒ္ဓရဲ့အဆုံးအမထဲမှာဆိုထားတာက၊ “To conquer oneself is a greater task than conquering others” ပြီးတော့ဗုဒ္ဓရဲ့အဆုံးအမနောက်တခုကလဲဆိုထားတာက၊
“You cannot travel the path until you have become the path itself” - (Buddha)

အဲဒီလိုလူတဦးချင်းစီအလိုက်အတ္တတချို့၊မိမိလုပ်တာမှအမှန်၊မိမိထင်တာမှအကောင်း၊ဆိုသည် များရှိကြသည်ချည်းပင်။ ယခုကျွန်တော့်၏ တင်ပြမှု့သည် အများအကျိုးအတွက် လုပ်ဆောင်ကြဖို့ တိုက်တွန်းမှု့တရပ်ဖြစ်၍၊ တဦးခြင်းစီအတ္တလျော့ချရေးမှ(individually)၊အများစုနှင့်အံဝင်ခွင် ကျဖြစ်လာ သည့်အခါဝယ်၊ဖြစ်သင့်သောပတ်ဝန်းကျင်အဖြစ်သို့ကူးပြောင်းသွားရေးပင်ဖြစ်သည်။

ဒါ့ကြောင့်မိမိကိုယ်ကိုဦစွာပြုပြင်ပြောင်းလဲပစ်ခြင်းသည်၊အားလုံး၏အခရာပင်ဖြစ်သည်။

အဓိကအားဖြင့်မိမိ၏အများနှင့်မကိုက်ညီသောအတွေးအခေါ်များ၊မိမိအတွက်သာလျှင်အကျိုးရှိစေမည့်ကိစ္စများကို

အထူးရှောင်ရှားနိုင်ပါက အများစုဆိုသည့်ပတ်ဝန်းကျင်တွင်ဝင်ဆန့်သွားမည်ဖြစ်ပေသည်။

မိမိကိုယ်ကိုတိုက်ခိုက်ရာတွင်အဓိကလိုအပ်ချက်မှာ၊ အခြေအနေ ကိုသမာသမတ်ကျကျ ရှု့မြင် ခြင်း သည်အလွန်အရေးပါသည်။ မိမိ၏တဖက်သတ် ရှု့မြင်ခြင်းကြောင့် အခြေအနေ အမှန်ကို မတွေ့မြင် နိုင်သလို၊ ဘက်ပေါင်းစုံ မှ သုံးသတ်မှု့မပြုလုပ်နိုင်လျှင်လည်း၊ လက်ရှိ အခြေအနေ၏ ဖြစ်ပျက် နေမှု့ကို မတွေ့မြင်နိုင်ပေ။

ထို့အပြင်သဘာဝအရ တည်ရှိလာသော လူတဦးခြင်းစီ၏အတ္တများသည်အလွန်တရာ ဖယ်ရှား ရခက်ခဲသောအလုပ်တခုဖြစ်သည်။ မိမိ၏အတ္တများကို အလွန်အကြူး မဖြစ်စေဘဲ အလယ် အလပ်ကျအောင်ပြုလုပ်နိုင်ပါမူ၊ အခြေအနေများကို သမာသမတ်ကျကျ ရှု့မြင်လာ နိုင်ပေ မည်။ မိမိ၏ အတ္တ သဘောအရ အရာရာတိုင်း မိမိလုပ်တာမှမှန်သည် မိမိထင်တာသာလျှင်အကောင်းဆုံးဟု ယူဆ နေလျှင် တော့၊ မိမိတဦးတည်း၏ကမ္ဘာသာလျှင်ဖြစ်တော့မည်။

မိမိပတ်ဝန်းကျင်ကိုတိုက်ခိုက်ခြင်း

ထို့ကြောင့်မိမိကိုယ်ကိုပတ်ဝန်းကျင်နှင့်ဆီလျှော်အောင်ပြုလုပ်ခြင်းသည် ပထမဦးဆုံးအခြေခံကျသော တိုက်ပွဲဝင်မှု့တရပ်ဖြစ်သည်။ မိမိအနေနှင့်မျှတစွာတွေးခေါ်လုပ်ဆောင်နိုင်ပြီဆိုလျှင် မိမိနှင့် ဆက်စပ်ပတ်သက်နေသော၊ သူငယ်ချင်းရောင်းရင်းများသို့၊ ရှိသင့်သော အတွေး အခေါ်များကိုကူစက်ပြန့်ပွါစေခြင်းသည်ဒုတိယအချက်ဖြစ်သည်။ ဒီနေရာမှာလည်းအခက်အခဲရှိသည်မှာ မိမိ၏ အပေါင်း အသင်း များ၏လွဲမှားနေသောအထင်အမြင်နှင့်၊ ပတ်ဝန်းကျင်နှင့်အံဝင်ဂွင်ကျမဖြစ်မှုတို့အပေါ်၊ ထောက်ပြပြောဆိုရန်မှာ အလွန် ဝန်လေးစရာ ကောင်းသောကိစ္စတရပ်ဖြစ်သည်။ ထောက်ပြ ပြောဆို ရမည့်အစားလစ်လျှုရှု့ထားတတ်ကြသည်မှာ အများစုပင် ဖြစ် သည်။ အကျိုး ဆက်အား ဖြင့်မိမိ၏ ပေါင်းအသင်းများလွဲမှားစွာပြုမူနေခြင်းမှရပ်တန့်အောင်နှင့် ရှိသင့်သောအတွေးအခေါ်များ ပေါ်ထွန်း လာအောင် မလုပ်ဆောင်နိုင်တော့ပေ။ ထို့ကြောင့် မိမိအနေ နှင့် အမှန် တကယ်လွတ်လပ်မှု့အတွက်တိုက်ပွဲဝင်နေ သူဖြစ်လျှင်၊ မိမိကိုယ်ကိုလည် သမာသမတ်ကျကျ၊ ယထာ ဘူတကျကျ ရှု့မြင်နိုင်ဖို့ လိုအပ်သလို မိမိ သူငယ် ချင်း များကိုလည်း၊ သတ္တိရှိရှိတွဲခေါ်သွားနိုင်ရန် လိုအပ်သည်။ ထိုသို့ပြုမူနိုင်ပြီဆိုပါက၊ မိမိနှင့် ဆက်စပ် နေသောပတ်ဝန်းကျင်ကို လိုအပ်သော အတွေး အခေါ်များကူစက်ပြန့်ပွါးစေနိုင်ပေမည်၊ သို့မှသာ လျှင်လွတ် လပ်မှု့အ တွက်တိုက်ပွဲဝင်နေသူတဦးအနေနှင့်၊ မိမိနှင့်ဆက်စပ်နေသောပတ်ဝန်းကျင်ကို ရဲရဲရင့်ရင့် တိုက်ပွဲ ဝင်ခြင်းသည် အချက်အချာ ကျသည်ကို သိမြင်အကောင်အထည် ဖေါ်ခြင်းဖြစ်ပေမည်။

သေရဲ

သေရဲဆိုသည်မှာ တိုက်ပွဲတွင်ရဲရဲဝန့်ဝန့်အသေခံရဲခြင်းကိုသာဆိုလိုခြင်းမဟုတ်။ အများ အကျိုးအတွက် တိုက်ပွဲဝင်သူတဦးအနေဖြင့်၊ အနစ်နာခံစွန့်လွတ်မှု့များလက်တွေ့ကျကျလုပ် ဆောင်ရဲခြင်းသည်လည်းသေရဲခြင်းတွင်ပါဝင်သည်။

သေရဲ၏အဓိပ္ပါယ်ဖွင့်ဆိုမှု့မှာတော့အခြေအနေအလုံးစုံကိုနားလည်ခြင်းနှင့်အတူ၊ အဓိပ္ပါယ်ရှိ သော၊ အများအကျိုးအတွက် စွန့်လွှတ် အနစ်နာခံမှု့ကိုပြုလုပ်ခြင်းခြင်းပင်ဖြစ်သည်။ ဒီမိုကရေစီ အရေး၊ လွတ်မြောက်ရေးအတွက်လုပ်ဆောင်ကြရာတွင်၊ အဖွဲ့အစည်း၊ အသင်း အဖွဲ့များနှင့် လုပ်ကိုင်ဆောင်ရွက်ရသည်မှာဓမ္မတာပင်ဖြစ်သည်။ အဖွဲ့အစည်းများရှိလာသည်နှင့်အမျှ၊Hierarchy ဟုခေါ်သည့် အဆင့်ဆင့် အုပ်ချုပ်မှု့ဆိုင်ရာတာဝန်ယူရသူများရှိလာရသည်။ ထိုအခါထိုအဖွဲ့ အစည်း၊ အသင်းအဖွဲ့၏ ထိရောက်စွာ လုပ်ဆောင်နိုင်မှု သည် ၎င်းအဖွဲ့အစည်းကို၊ကိုင်တွယ်မောင်းနှင်နေသည့်၊ အုပ်ချုပ်မှု့ကော်မီတီများအပေါ်တွင်သာမူတည်သည်။ ဒီလိုအုပ်ချုပ်မှုကော် မီတီဝင် များသည် အမြဲတမ်းတည်ရှိမှုအတွက်မဟုတ်ဘူးဆိုတာကိုတော့သတိချပ်ရပေမည်။ ဒီမို ကရေစီ၏သဘောအရ၊ အုပ်ချုပ်မှု့ ကော်မီတီ ဝင်များ အပြောင်းအလဲများရှိရသည်။ တချို့သော ကော်မီတီဟောင်းများ ဆက်လက်အရွေးခံရသည် များရှိနိုင်သလို၊ ကော်မီတီ အဖွဲ့ဝင်သစ်များလည်း ရွေးချယ်ခံ ရခြင်းများဖြစ်နိုင်သည်။ ဒီနေရာမှာဖြစ်လေ့ဖြစ်ထရှိသည်မှာ၊ ကော်မီတီအဖွဲ့ဝင်ဖြစ် လေ့ရှိခဲ့ရာမှ၊ ကော်မီတီဝင်အဖြင့်အရွေးချယ်မခံရတော့သည့်အခါ၊ အများအကျိုးအတွက်လုပ် ဆောင်နေရာမှ၊ ယခင်လို အားကြိုးမာန် တက်လုပ် ဆောင်လိုခြင်း မရှိတော့ဘဲ၊ အားပျော့သွားခြင်း (သို့)လတ်တလော အများအကျိုး အတွက် လုပ် ဆောင်နေရာမှ သွေဖယ်သွားခြင်း များဖြစ်လေ့ရှိသည်။

ဒီလိုဖြစ်ရသည်မှာ၊ ထားသင့်သောသဘောထားကိုမတည်ဆောက်နိုင်သောကြောင့်ဖြစ်သည်။ ဒီလိုအခြေအနေမျိုးတွင်၊ ဖြစ်သင့်သည့် လုပ်ငန်းစဉ်မှာ၊ မိမိအရွေးချယ်မခံရတော့ပေမယ့်၊ မိမိ တည်ရှိ နေသောပတ်ဝန်းကျင်မှ မိမိ ကျရာတာဝန်ကိုကျေပြွန်စွာ ထမ်းဆောင်ခြင်း ပင်ဖြစ်သည်။

ဒါကိုသေရဲသောသတ္တိကို မွေးမြူနိုင်သည်ဟုခေါ်ဆိုရပေမည်။ ဤကဲ့သို့သောဖြစ်စဉ်နှင့် အလားသဏ္ဌန်တူသော အဖွဲ့အစည်းပေါင်း မြောက်များစွာ၌ လည်းသေရဲဆိုသောသတ္တိများမွေမြူနိုင်ကြ ရန်ရည်ရွယ်သည်။

ဒီနေရာတွင်တဦးခြင်းစီအလိုက်ထားရှိသင့်သောသဘောထားများမှာလည်း၊အမှန်တကယ်အနစ် နာခံမှု့နှင့်အတူ၊ ၎င်းအနစ်နာ ခံမှု့ကို လက်တွေ့ကျကျအကောင်အထည်ဖေါ်ခြင်းပင်ဖြစ်သည်။

ဥပမာအားဖြင့်၊ အများအကျိုးအတွက် (သို့) မြန်မာပြည်လွတ်မြောက်ရေးအတွက်လုပ်ဆောင် စရာများရှိလာခဲ့လျှင်၊တက်တက်ကြွကြွနှင့်၊ စိတ်ရောကိုယ်ပါ၊ ပါဝင်ကူညီဆောင်ရွက်ခြင်း၊ မိမိ သဘော ထားနှင့်တိုက်ရိုက်ထပ်တူမှု့မရှိသော်လည်း၊ သူများအကျိုးအတွက်ဖြစ်သည် ဆိုတာကို နှလုံး သွင်း ပြီးပူပေါင်းဆောင်ရွက်ခြင်း၊ တဦးကိုတဦးအပြန်အလှန်လေးစားမှု့ဖြင့်ဆက်ဆံခြင်းတို့ သည်၊ တဦးခြင်းစီအတွက် အထူးတလယ်ရှိသင့်သောသဘောထားများဖြစ်သည်။ အထူးလိုအပ် ချက်တခုမှာ၊ အပြန်အလှန်လေးစားမှု့ကို လက်တွေ့ကျကျ ကျင့်သုံး နိုင်ရန်တည်ဆောက်ခြင်းဖြစ် သည်။ ဤကဲ့သို့ ကျင့်သုံးနိုင်ရန် လိုအပ်ချက်များ မှာတော့၊ တဦးချင်းစီ၏မာန်မာနများကိုတတ်နိုင်သမျှ လျော့ချပစ်ခြင်းအားဖြင့်၊ တယောက်နှင့် တယောက်အပြန်အလှန်အသိအမှတ်ပြုခြင်းကိုမွေး မြူနိုင်လိမ္မည်။ ထို့အပြင်၊ တဦးကိုတဦး နား လည်လာနိုင်ကြမည်။ အထူးသတိပြုရန်အချက်တခု မှာတော့၊ တဦးခြင်းစီအလိုက် ရှိနေ နိုင်သောဂုဏ်ဒြပ်များ ကို ရှေ့တန်းမတင်ရေးပင်ဖြစ်သည်။

သို့မှသာမိမိတို့အားလုံးသည်လူသားများသာဖြစ်ကြသည် (၀ါ) မိမိတို့အားလုံးသည်တလှေတည်း စီးပြီး လွတ်လပ် သော မြန်မာပြည် တည်ဆောက်ရေး ဆိုတဲ့ခရီးကိုသွားနေကြသောမြန်မာများဖြစ်ကြ သည်ဆို တာကိုသိမြင်နိုင်ကြပေမည်။ ထိုအခါတဦးခြင်းစီ၏ပါဝင်မှု့နှင့်ပေါင်းစပ်ထားသော အများစု ဆိုသည့် အင်အားကိုဖန်တီးနိုင်မှာဖြစ်ပြီး၊ ဤဖြစ်စဉ်၏တိုးတက်မှု့မှာတော့ရည်ရွယ်ချက်များကို အလျှင်အမြန် အကောင် အထည် ဖေါ်နိုင်ခြင်း ပင်ဖြစ်တော့မည်။

အနိုင်ယူရဲ

အနိုင်ယူရဲ၏အဓိပ္ပါယ်ဖွင့်ဆိုမှု့မှာတော့၊ မိမိ၏ရန်သူကိုရဲရဲဝန့်ဝန့်အနိုင်ယူရဲခြင်းကိုသာဆိုလိုခြင်း မဟုတ်၊ မိမိတို့တွင်တည်ရှိလာသော ရည်ရွယ်ချက်များကိုတစိုက်မတ်မတ်အကောင်အထည်ဖေါ်ခြင်း (သို့) မိမိတို့၏တိုက်ပွဲဝင်နေမှု့ကို၊ တဒင်္ဂအရှုံးအနိုင်များကြားမှ၊ ဇွဲရှိရှိဖြင့်တိုက်ပွဲဝင်ခြင်းဖြစ်သည်။ အနိုင်ယူရဲဆိုသည့်သတ္တိကိုမွေးမြူနိုင်ရန်အတွက်၊ ဦးစွာရှိရမည်မှာ၊တိကျပြတ်သားသော ရည်ရွယ်ချက် များဖြစ်သည်။တဦးခြင်းစီအလိုက်ရည်မှန်းချက်များကိုအကောင်အထည်ဖေါ်ခြင်း သည်လည်း ဤနေရာတွင် အကြုံးဝင်သလို၊ အများစု၏ဆုံးဖြတ်ချက်များဖြင့်တည်ဆောက်ထား သောဦးတည်ချက်များ သည်ပို၍အရေးပါသည်။ ထိုသို့ရည်ရွယ်ချက်များကိုအကောင်အထည်ဖေါ်ရာတွင်၊ လောကဓံအရ၊ အတက်အကျ၊ အရှုံးအနိုင်များရှိရသည်။ ထိုအခါပုထုစဉ်သဘောအရ၊ အရှုံးနှင့်ရင်ဆိုင်ရသည့်အခါတွင်၊ စိတ်ဓါတ်ကျဆင်းပြီး၊ ရည်ရွယ်ချက်ပျောက်လောက်အောင် လက်မှိုင်ချ သွားတတ်ကြသည်။ ထိုနည်းတူစွာ၊ မိမိအသာစီးရသည်ဟုထင်ရသည့်အခါမျိုးမှာလည်း၊ ရည်ရွယ်ချက် အပေါ် မှာလေး နက်မှု လျော့ပါး သွားတတ်သည်။ ထိုသို့ဖြစ်ရ သည်မှာ၊ ရည်ရွယ်ချက်ကို အဆက်မပြတ် အကောင် အထည် ဖေါ်ရန် လိုအပ်ချက်ကြောင့်ဖြစ်သည်။ တနည်းအား ဖြင့်အနိုင် ယူရဲသော သတ္တိကို မွေးမြူမထားနိုင် သောကြောင့် ဖြစ် သည်။

အကယ်၍၊ တိုက်ရဲ၊ သေရဲ၊ အနိုင်ယူရဲသော သတ္တိများ မိမိတို့အားလုံးတွင်မွေးမြူနိုင်ပါလျှင်၊ နှစ်လိုဖွယ်ရာပတ်ဝန်းကျင်ကို တည် ဆောက်နိုင်မှာဖြစ်ပြီး၊မိမိတုိ့အားလုံးလိုလားသောပန်းတိုင် သို့တိုတောင်းသောကာလအတွင်း ရောက်ရှိနိုင်မည် မှာမြေကြီးလက် ခတ်မ လွဲပင် ဖြစ်ပေသည်။

http://88thiha.googlepages.com/4Yel3Yel1.html/

P.S - အထက်ပါတင်ပြချက်များသည်၊ အကျဉ်းချုပ်တင်ပြချက်များသာဖြစ်ပါသည်။ အကျယ်တ၀င့်တင်ပြမှု့များ ကို ဆက်လက်ပြုလုပ် သွားပါမည်။ အကယ်၍ဝေဖန်အကြံပြုချက်များရှိခဲ့ပါ က၊ 88thiha@gmail.com သို့ email ပို့နိုင်ကြပါသည်။ အလေးအနက်ထားပြီးဖတ်ရှု့ခြင်းအတွက်ကျေးဇူးတင်ပါသည်၊