ဆန္ဒခံယူပွဲနှင့် ပတ်သက်၍ မြန်မာများ ရှုပ်ထွေးနေဆဲဟု သဘောထားစစ်တမ်းက ပြဆို

မဇ္ဈိမသတင်းဌာန

နယူးဒေလီ။ ။ ဖွဲ့စည်းပုံ အခြေခံဥပဒေ မူကြမ်းကို အတည်ပြုမည့် ဆန္ဒခံယူပွဲ ကျင်းပရန် ရက်သတ္တ ၃ ပတ်ပင် မလိုတော့သည့် အချိန်တွင် မြန်မာနိုင်ငံသား အများစုကြီးမှာ မည်သို့ ဆန္ဒပြုရမည်ကို မဆုံးဖြတ်နိုင်သေးဘဲ ရှုပ်ထွေးနေဆဲ ရှိသည်။ ဤသို့ ဖြစ်နေသော်လည်း မြန်မာစစ်အစိုးရ၏ ထောက်ခံဆန္ဒမဲ ပေးကြရန် စည်းရုံးလှုံ့ဆော်မှု လုပ်ငန်းများမှာမူ အရှိန်ရလျက် ရှိသည်။

လာမည့် ဆန္ဒခံယူပွဲနှင့် ပတ်သက်၍ မဇ္ဈိမက ကျဘမ်း သဘောထားစစ်တမ်း တရပ် ကောက်ယူခဲ့ရာ ဖြေဆိုသူ အများစုက ဆန္ဒခံယူပွဲတွင် မည်သို့ မဲပေးရမည်ကို မဆုံးဖြတ်နိုင်သေးဘဲ ရှိသည်ဟု ဖြေကြားခဲ့ကြသည်။

မြန်မာနိုင်ငံတဝှမ်း အဓိကမြို့ကြီးများတွင် တယ်လီဖုန်းနှင့် ကျဘမ်း ခေါ်ဆိုမေးမြန်းမှု ၂၂၆ ခု ပြုလုပ်ခဲ့ရာ၂၄ ဦးက ဆန္ဒခံယူပွဲတွင် မဲပေးမည် မဟုတ်ဟု ဖြေကြားခဲ့ကြပြီး ၅၅ ဦးက မဲပေးရမည်၊ မပေးရမည်ကို မဆုံးဖြတ်နိုင်သေးဘဲ ရှိသည်ဟု ဖြေကြားခဲ့ကြသည်။

ယခု စစ်တမ်း ကောက်ယူမှုသည် ပိုမိုကြီးမားသည့် စစ်တမ်း ကောက်ယူမှု၏ အစိတ်အပိုင်း တရပ်ဖြစ်ပြီး အစိုးရဝန်ထမ်းများ၊ လမ်းဘေးဈေးသည်များ၊ စီးပွားရေး လုပ်ငန်းရှင်များနှင့် ကုန်သည်များ၊ အိမ်ရှင်မများ၊ ပညာရှင်များ၊ တပ်မတော် တပ်ဖွဲ့ဝင်များနှင့် အငြိမ်းစားများ အပါအဝင် မြန်မာနိုင်ငံတဝှမ်း မြန်မာလူ့အဖွဲ့အစည်း တရပ်လုံးကို ကျယ်ပြန့်စွာ ဆက်သွယ် မေးမြန်းခဲ့ခြင်း ဖြစ်သည်။

မဲပေးမည်ဟု ဖြေဆိုခဲ့သူ ၁၄၇ ဦးအနက် ၅၅.၁ % ဖြစ်သော ၈၁ ဦးက မည်သည့်ဘက်သို့ မဲပေးရမည်ကို မဆုံးဖြတ်နိုင်သေးဘဲ ရှုပ်ထွေးနေဆဲ ဖြစ်သည်ဟု ဆိုသည်။ ၄၆ ဦးကမူ စစ်အစိုးရ၏ ဖွဲ့စည်းပုံ ဥပဒေမူကြမ်းကို ထောက်ခံမဲ ပေးမည်ဟု ဖြေဆိုခဲ့ပြီး ၂ဝ ဦးကမူ ကန့်ကွက်မဲပေး ပယ်ချမည်ဟု ဖြေဆိုခဲ့သည်။
.........................................................................................................................................
ရန်ကုန်

ရန်ကုန်မြို့ရှိဖြေဆိုသူ ၄၅ ဦးအနက် ၅၇.၇ % ဖြစ်သော ၂၆ ဦးက ဆန္ဒခံယူပွဲတွင် မဲပေးမည်ဟု ဖြေဆိုခဲ့ပြီး ၁ဝ ဦးကမူ မဲမပေးဘဲ ကြားနေမည်ဟု ဖြေဆိုခဲ့သည်။

သို့သော် ၉ ဦးကမူ မဲပေးသင့်သလား သို့တည်းမဟုတ် ဤဖြစ်စဉ် တရပ်လုံးနှင့် မပတ်သက်ဘဲ ဝေးဝေး နေသင့်သလား ဆိုသည်ကို ရှုပ်ထွေးနေဆဲပင် ဖြစ်သည်ဟု ဆိုသည်။

ဤဖြေဆိုသူများထဲမှ မြန်မာ့ ရေတပ်မတော် အရာရှိတဦးတည်းကသာ ဖွဲ့စည်းပုံ အခြေခံဥပဒေကို ဖတ်ရှုပြီး ဖြစ်သည်ဟု ဖြေဆိုခဲ့ပြီး ကျန်ဖြေဆိုသူ အားလုံးက မဖတ်ရှုရသေးကြောင်းနှင့် မည်သည့် အကြောင်းအရာများ ပါဝင်သည်ကို မသိရှိကြောင်း ဖြေဆိုခဲ့ကြသည်။

မဲပေးမည်ဟု ဖြေဆိုခဲ့သူများထဲမှ ဌာနအသီးသီးရှိ အစိုးရ ဝန်ထမ်းများချည်း ဖြစ်သော ဝန်ထမ်း ၆ ဦးက ဖွဲ့စည်းပုံ ဥပဒေကို ထောက်ခံမဲ ပေးမည်ဟု ဖြေဆိုခဲ့ပြီး ၉ ဦးကမူ ကန့်ကွက်မဲပေး ဆန့်ကျင် ပယ်ချမည်ဟု ဖြေဆိုခဲ့သည်။ ထက်ဝက်ကျော် ဖြစ်သည့် ၁၇ ဦးကမူ မဆုံးဖြတ်ရသေးကြောင်း ဖြေကြားခဲ့သည်။

..........................................................................................................................................
မန္တလေး

မြန်မာနိုင်ငံ၏ ဒုတိယအကြီးဆုံး မြို့တော်ဖြစ်သည့် မန္တလေးက ၃၂ ဦးဖြေဆိုခဲ့ပြီး ၆၈.၇၅ % ဖြစ်သည့် ၂၂ ဦးက မေလ ဆန္ဒခံယူပွဲတွင် မဲပေးမည်ဟု ဖြေကြားခဲ့ပြီး ကျန် ၁ဝ ဦးကမူ မဲပေးရမည်၊ မပေးရမည်ကို မဆုံးဖြတ်ရသေးကြောင်း ပြောဆိုခဲ့သည်။

မဲပေးမည်ဟု ဖြေဆိုခဲ့သည့်သူများအနက် ၅၉ % ဖြစ်သည့် ၁၃ ဦးက မည်သည့်ဘက်သို့ မဲပေးရမည်ကို ဆုံးဖြတ်ခြင်း မပြုမီ ဖြစ်စဉ် တရပ်လုံးကို ဆက်လက် စောင့်ကြည့်သွားမည်ဟု ပြောဆိုသွားသည်။

လမ်းဘေးဈေးသည်၊ ကောလိပ်ကျောင်းသားနှင့် ကုမ္ပဏီ မန်နေဂျာတို့ ဖြစ်ကြသော ၃ ဦးကမူ ဖွဲ့စည်းပုံ ဥပဒေကို ထောက်ခံမဲပေးမည်ဟု ဖြေကြားခဲ့ပြီး ၃ ဦးကမူ ကန့်ကွက်မဲပေး ပယ်ချမည်ဟု ဖြေဆိုခဲ့သည်။

သို့သော် ဖြေဆိုသူ ၃၂ ဦးလုံးထဲမှ ၂၂ ဦးက ဖွဲ့စည်းပုံ အခြခံဥပဒေကို မဖတ်ရှုရသေးဟု ပြောဆိုခဲ့ပြီး ၁ဝ ဦးကသာ မြင်ဖူးကြောင်း၊ ဖတ်ပြီးကြောင်းနှင့် ဤဖွဲ့စည်းပုံဥပဒေကို အကြမ်းဖျဉ်း နားလည်ကြောင်း ပြောဆိုသွားသည်။

........................................................................................................................................
မကွေးတိုင်း

မြန်မာပြည်အလယ်ပိုင်း မကွေးတိုင်းအတွင်း မကွေး၊ ပခုက္ကူနှင့် ရေနံချောင်း မြို့များသို့ ကျဘမ်းခေါ်ဆို မေးမြန်းခဲ့ရာ စုစုပေါင်း ၃၉ ဦးအနက် ၆၁.၅ % ဖြစ်သည့် ၂၄ ဦးက မေလ ဆန္ဒခံယူပွဲတွင် မဲပေးမည်ဟု ဖြေကြားခဲ့သည်။

ဖြေဆိုသူ ၁၂ ဦးက မဆုံးဖြတ်ရသေးကြောင်း ဖြေဆိုခဲ့ပြီး၊ ၃ ဦးကမူ စစ်အစိုးရ၏ ဤဖြစ်စဉ် တရပ်လုံးနှင့် ဝေးဝေးသာ နေလိုကြောင်း ဖြေကြားသွားကြသည်။

မဲပေးမည်ဟု ဖြေဆိုခဲ့သော ၂၄ ဦးအနက် ၅ ဦးက စစ်အစိုးရ၏ ဖွဲ့စည်းပုံ ဥပဒေကို ထောက်ခံမည်ဟု ဖြေဆိုခဲ့ပြီး၊ အခြား ၅ ဦးက ဖွဲ့စည်းပုံ ဥပဒေကို သိရှိခြင်း မရှိသဖြင့် ကန့်ကွက်မဲ ပေးမည်ဟု ဖြေဆိုသွားသည်။ ကျန် ၁၄ ဦးကမူ မဲပေးမည် ဖြစ်သော်လည်း မဆုံးဖြတ်ရသေးကြောင်းနှင့် နောင်မှ ဆုံးဖြစ်မည် ဖြစ်ကြောင်း ပြောဆိုသွားသည်။

ဖြေဆိုသူအားလုံး ၃၉ ဦးထဲမှ ၃ ဦးထဲကသာ ဖွဲ့စည်းပုံဥပဒေကို ကြည့်ခွင့်ရခဲ့ကြောင်းနှင့် ကျန်သူများက မမြင်ဖူးသေးကြောင်း ဖြေကြားသွားကြသည်။

........................................................................................................................................
ပဲခူးတိုင်း

ပဲခူးတိုင်းအတွင်းရှိ ပဲခူး၊ ပြည်၊ ဇီးကုန်းနှင့် သာယာဝတီ မြို့များရှိ ၉၂ ဦးကို ကျဘမ်းခေါ်ယူ ဆက်သွယ်ခဲ့ရာ ၃ဝ ဦးက သာ လက်ခံ ဖြေဆိုခဲ့သည်။ အများစုက မဇ္ဈိမသတင်းဌာနက လာမည့် ဆန္ဒခံယူပွဲတွင် မည်သို့ မဲပေးကြမည်ကို ဆက်သွယ် မေးမြန်းခြင်း ဖြစ်ပါကြောင်း ပြောဆိုလိုက်သည်နှင့် ဖုန်းများ ချပစ်လိုက်ကြသည်။

လက်ခံဖြေဆိုခဲ့သူ ၃ဝ ဦးအနက် ၈၆ % ဖြစ်သော ၂၆ ဦးက ဆန္ဒခံယူပွဲတွင် မဲပေးမည်ဟု ဖြေဆိုခဲ့ပြီး၊ ၃ ဦးက မဆုံးဖြတ်ရသေးကြောင်း ဖြေကြားသွားကာ တဦးကမူ ဤဖြစ်စဉ် တရပ်လုံးနှင့် မပတ်သက်ဘဲ နေလိုပြီး မဲပေးမည် မဟုတ်ဟု ပြောကြားသွားသည်။

ပြည်၊ သာယာဝတီနှင့် ဇီးကုန်းမြို့များမှ ဖြေဆိုသူ ၁၁ ဦးက မြန်မာနိုင်ငံတွင် ဖွဲ့စည်းပုံတရပ် ရှိရန် အရေးကြီးသည့်အတွက် ထောက်ခံမဲ ပေးမည်ဟု ဖြေဆိုခဲ့ပြီး၊ အခြား ၁၁ ဦးကမူ ထောက်ခံမဲ ပေးမည်၊ ကန့်ကွက်မဲ ပေးမည်ကို မဆုံးဖြတ်ရသေးကြောင်း ပြောဆို ဖြေကြားသွားကြသည်။

သို့သော် ၄ ဦးကမူ ဖွဲ့စည်းပုံ ဥပဒေကို ကန့်ကွက်မဲပေး ပယ်ချမည် ဖြစ်ကြောင်း ဖြေဆိုသွားသည်။

သာယာဝတီမြို့မှ အသက် ၅ဝ ခန့်ရှိ ပညာတတ် ပုဂ္ဂိုလ်တဦးက “ကျနော် မမြင်ဖူးသေးတဲ့ဟာကို သဘောမတူနိုင်ဘူးဗျ” ဟု ဖြေဆိုသွားပြီး ဖွဲ့စည်းပုံ အခြေခံဥပဒေ မူကြမ်းသည် သူတို့မြို့သို့ မကြာမီကမှသာ ရောက်ရှိလာခဲ့ကြောင်း ညည်းညူ ပြောဆိုသွားသည်။

ပဲခူးတိုင်းအတွင်းရှိ ဖြေဆိုသူ ၃ဝ အနက် ၅ ဦးကသာ ဖွဲ့စည်းပုံ အခြေခံဥပဒေကို ဖတ်ရှုပြီးကြောင်းနှင့် အကြမ်းဖျဉ်း နားလည်ကြောင်း ဖြေကြားသွားသည်။

.........................................................................................................................................
ဧရာဝတီတိုင်း

မြန်မာနိုင်ငံ မြစ်ဝကျွန်းပေါ်ဒေသ ဖြစ်သည့် ဧရာဝတီတိုင်းအတွင်း ဟင်္သာတ၊ မအူပင်၊ ပုသိမ်၊ ငပုတော၊ မြောင်းမြနှင့် လပွတ္တာမြို့များရှိ လူ ၆ဝ ဦးကို မဇ္ဈိမက ဆက်သွယ် မေးမြန်းခဲ့ရာ ၆၆.၆ % ဖြစ်သော ၄ဝ ဦးက ဆန္ဒခံယူပွဲတွင် မဲပေးရန် ဆုံးဖြတ်ပြီးကြောင်း ဖြေဆိုသွားသည်။

၎ ဦးကမူ ဖွဲ့စည်းပုံ အခြခံဥပဒေထဲတွင် ဘာတွေ ရေးထားကြောင်း မသိရှိရသဖြင့် မဲပေးရန် ဆန္ဒမရှိကြောင်း ပြောဆိုသွားပြီး၊ ၂၈.၃ % ဖြစ်သည့် ၁၇ ဦးက ဖြစ်စဉ်ကို ဆက်လက် စောင့်ကြည့်ပြီး နောက်မှ ဆုံးဖြတ်မည် ဖြစ်ကြောင်း ဖြေဆိုသွားသည်။

စိတ်ဝင်စားစရာ ကောင်းသည်မှာ ၃၄ ဦးက ဖွဲ့စည်းပုံ အခြေခံဥပဒေကို မမြင်ဖူးသေးကြောင်းနှင့် မည်သည့် အကြောင်းအရာများ ပါဝင်သည်ကို မသိရှိကြောင်း ဖြေဆိုသွားပြီး၊ စီးပွားရေး လုပ်ငန်းရှင်များနှင့် အစိုးရအမှုထမ်း အများစုဖြစ်ကြသော ၂၆ ဦးက ဖွဲ့စည်းပုံ အခြေခံဥပဒေကို မြင်တွေ့ပြီးကြောင်းနှင့် ပါဝင်သည့် အကြောင်းအရာများကို အတော်အသင့် နားလည် သဘောပေါက်ကြောင်း ဖြေဆိုသွားကြသည်။

........................................................................................................................................
စစ်ကိုင်းတိုင်း

စစ်ကိုင်းတိုင်းအတွင်း ကလေးမြို့နှင့် မုံရွာမြို့များရှိ လူ ၂ဝ ဦးကို ဆက်သွယ် မေးမြန်းခဲ့ရာ ၉ ဦးက မဲပေးရန် အသင့်ဖြစ်ကြောင်းနှင့် ၅ ဦးက မဆုံးဖြတ်ရသေးကြောင်း ဖြေဆိုသွားသည်။

အခြား ၆ ဦးကမူ ဤဖြစ်စဉ် တရပ်လုံးနှင့် မပတ်သက်ဘဲ နေမည်ဖြစ်ပြီး စစ်အစိုးရကို သပိတ်မှောက်သည့် အနေဖြင့် မဲမပေးဘဲ နေကြမည်ဟု ဖြေဆိုသွားကြသည်။

မုံရွာမြို့မှ အငြိမ်းစား စစ်မှုထမ်းဟောင်း၊ (စစ်အစိုးရ ကျောထောက်နောက်ခံ ပြုထားသည့် အရပ်သား အသင်းအဖွဲ့) ကြံ့ခိုင်ရေးနှင့် ဖွံ့ဖြိုးရေး အဖွဲ့ဝင်တဦးနှင့် ကြည်းတပ် ဗိုလ်မှူးတို့ကမူ မိမိတို့သည် စစ်အစိုးရ၏ အမှုထမ်းများ ဖြစ်ကြသဖြင့် အခြားရွေးချယ်စရာ မရှိ၊ ထောက်ခံရမည်သာ ဖြစ်ကြောင်း ဖြေဆိုသွားသည်။

ဖြေဆိုခဲ့သူ ၂ဝ အနက် ၁၅ ဦးက ဖွဲ့စည်းပုံ ဥပဒေမူကြမ်းကို မမြင်ဖူးသေးဘဲ မည်သည့် အကြောင်းအရာများ ရေးသားထားသည်ကိုလည်း မသိရှိကြောင်း ဖြေဆိုသွားပြီး၊ အခြား ၅ ဦးကသာ စစ်အစိုးရ၏ ဖွဲ့စည်းပုံ ဥပဒေမူကြမ်းကို မြင်ဖူးကြောင်း ပြောကြားသွားကြသည်။