ဒေါ်အောင်ဆန်းစုကြည် နေအိမ်အနီး လုံခြုံရေးတင်းတင်းကျပ်ချထားစဉ်။အောက်တိုဘာ ၃၊ ၂၀၀၇
(ဓာတ်ပုံ-အေပီ)
မနေ့ကညနေပိုင်းမှာ လုံခြုံရေးတွေ တင်းတင်းကျပ်ကျပ်ချထားတဲ့ မြန်မာ့ဒီမို ကရေစီခေါင်းဆောင် ဒေါ်အောင်ဆန်းစုကြည်
နေအိမ်နားမှာ လူငါးဦးကို သေနတ်နဲ့ပစ်ခတ် သွားတဲ့အမှုတခု ဖြစ်ပွားခဲ့ပါတယ်။ ၁၉၆၀ခုနှစ်နောက်ပိုင်း အရပ်သားတွေ လက်နက် ပိုင်ဆိုင်မှုအတွက် အာဏာပိုင်တွေက တင်းတင်းကျပ်ကျပ် ဥပဒေတွေ ပြဋ္ဌာန်းထားတာပါ။ အခုလို အရပ်ထဲမှာ သေနတ်နဲ့ပစ်ခတ်မှု ဖြစ်ပွားတာမျိုးဟာ သိပ်ကိုရှားပါးပါတယ်။ ဒီလိုရှားရှားပါးပါး ဖြစ်ပွားမှုတွေထဲက အခု ဒေါ်အောင်ဆန်းစုကြည်ကို အကျယ်ချုပ်ချထားတဲ့ နေအိမ်နားမှာ ဖြစ်သွားတာမို့ ဒေါ်အောင်ဆန်းစုကြည်အတွက် လုံခြုံရေး
ကို စိုးရိမ်မကင်းဖြစ်ရတယ်လို့ ဒီမိုကရေစီရေးလှုပ်ရှားသူတွေက ပြောပါတယ်။ အပြည့်အစုံကို ထိုင်းအခြေစိုက် ဗွီအိုအေမြန်မာပိုင်းသတင်းထောက် မအေးအေးမာက တင်ပြ ပေးထားပါတယ်။
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကို ထိန်းသိမ်းထားတဲ့ နေရာအနီးမှာ သေနတ်နဲ့ပစ်ခတ်ခံရတဲ့မိသားစုတစုရဲ့ အလောင်းငါးလောင်းကို တွေ့ရှိခဲ့ရတာကြောင့် တက္ကသိုလ်ရိပ်သာလမ်းမှာ နေထိုင်နေတဲ့ ဒေါ်အောင်ဆန်းစုကြည်ရဲ့ လုံခြုံရေးအတွက် ဒီမိုကရေစီအင်အားစုတွေက စိုးရိမ်မကင်း ဖြစ်နေကြပါတယ်။
ရန်ကုန်မြို့ ဗဟန်းမြို့နယ် တက္ကသိုလ်ရိပ်သာလမ်းမှာ ဖွင့်လှစ်ထားတဲ့ ဖူဂျီဟောက်စ် ဆိုင်ပိုင်ရှင်ရဲ့ဇနီးနဲ့ သူ့ရဲ့မိသားစုဝင်တွေကို သေနတ်နဲ့ ပစ်ခတ်သွားတာကြောင့်ဆိုင်ပိုင်ရှင် ဦးသူဇော်ရဲ့အိမ်မှာ အာဏာပိုင်တွေက စစ်ဆေးနေပြီး ရဲအများအပြားချထားတယ်လို့ ဆိုပါတယ်။ ဦးသူဇော်ရဲ့အိမ်ကို ဘယ်သူမှ ဆက်သွယ်လို့မရတဲ့
အကြောင်း အိမ်နီးနားချင်းတဦးက အခုလို ပြောပြပါတယ်။
“သူ့အိမ်ဖုန်းနံပါတ်က ရှိတော့ရှိတယ်။ ဒါပေမယ့် ဆက်လို့မရဘူး၊ ပိတ်ထားတယ်။ အဲဒီမှာ ရဲတွေရောက်နေလို့။”
ဒီကိစ္စနဲ့ပတ်သက်ပြီး အမျိုးသားဒီမိုကရေစီအဖွဲ့ချုပ်ရဲ့ ပြောရေးဆိုခွင့်ရှိသူဦးဉာဏ်ဝင်းကလည်း အခုလိုပြောသွားပါတယ်။
“ကျနော်တို့ကတော့ အစ်မအတွက် အမြဲတမ်းစိုးရိမ်နေတာပဲ။ ဘာဖြစ်လို့လဲဆိုတော့လုံခြုံရေးက သူတို့ဘက်က ယူထားတာလေ။ အဲတော့ တစုံတခုဆိုရင် ကျနော်တို့မှာဘာမှမရှိဘူး။ အမြဲတမ်းစိုးရိမ်နေရပါတယ်။”
တက္ကသိုလ်ရိပ်သာလမ်းဆိုတဲ့နေရာမှာ လုံခြုံရေးကို တင်းတင်းကျပ်ကျပ် ချထားတဲ့ကြားက အခုလို လူသတ်မှု ကျူးလွန်နိုင်ခြင်းအပေါ် ဒေါ်အောင်ဆန်းစုကြည်ရဲ့ လုံခြုံရေးအတွက် စိုးရိမ်ရတယ်ဆိုပြီး ၈၈ မျိုးဆက်ကျောင်းသားခေါင်းဆောင် ကိုစိုးထွန်းက အခုလိုပြောပါတယ်။
“ဒေါ်စုလုံခြုံရေးကိုလည်း ချထားတဲ့နေရာဖြစ်တယ်။ ပြီးတော့ နိုင်ငံတော်ဧည့်ဂေဟာလည်းရှိတယ်။ သူတို့လုံခြုံရေးတွေ တင်းကျပ်စွာရှိနေတဲ့ နေရာပေါ့။ ဟိုဘက် ကုက္ကိုင်း လမ်းဆုံဘက်မှာလည်း လုံခြုံရေးဂိတ်တွေ၊ အ၀င်အထွက်တွေ၊ ဒေါ်စုခြံနားတ၀ိုက်မှာ ရှိနေတဲ့အနေအထားအရ၊ ဒီလောက် တင်းတင်းကျပ်ကျပ် လုံခြုံရေးချထားတဲ့အနေ
အထားမှာ အခုလိုဖြစ်သွားတာ ကျနော်တို့အနေနဲ့ စိုးရိမ်မှု တော်တော်ဖြစ်တယ်။ ရန်ကုန်မြို့ကြီးလိုအနေအထားမျိုးမှာ လုံးဝမကြားဘူးတဲ့ အနေအထားပေါ့ဗျာ။လူငါးယောက်တောင် အသတ်ခံလိုက်ရတယ်လို့ကြားတယ်။ အခုဆိုရင် အမေရိကန်
သံရုံးလည်း အဲဒီနားမှာရောက်နေပြီ။ အဲဒီလို လုံခြုံရေးတွေ ဒီလောက်ရှိနေတဲ့ အနေအထားမှာ ဒီလိုဖြစ်သွားတော့ ကျနော်တို့ စိုးရိမ်မှုတော့ တော်တော်ဖြစ်တယ်။ အထူးသဖြင့် ဒေါ်အောင်ဆန်းစုကြည်အတွက်လည်း ကျနော်တို့ အထူးစိုးရိမ်မှုဖြစ်တယ်။”
မြန်မာနိုင်ငံမှာ လက်နက်ဆိုရင် လေးခွကိုင်တာကအစ ဖမ်းဆီးပြီး တရားစွဲဆိုထောင်ချခဲ့တာကြောင့် လက်နက်ကိုင်ဆောင်တဲ့သူတွေဟာ ဘယ်သူတွေဖြစ်တယ်ဆိုတာ မသိနိုင်ပေမယ့် ပြည်သူတွေအနေနဲ့တော့ ကိုင်ဆောင်ခွင့်မရတဲ့အကြောင်း အခုလိုပြောပါတယ်။
“လက်နက်ဆိုရင် မြန်မာပြည်မှာ တုတ်တွေ၊ ဓားတွေတောင် ကိုင်ခွင့်ရခဲ့တာ မဟုတ်ဘူးလေ။ အကုန်လုံး တောက်လျှောက် အစစ်ဆေးခံရတယ်။ အဖမ်းခံရတယ်။ ခဲလုံးလေး တလုံးကိုင်ရင်တောင် သူတို့က ဒါကို ဖမ်းဖို့ပြုဖို့ လုပ်နေတာတွေ ရှိနေတာကိုး။အဲတော့ ဒီလိုတင်းကျပ်ထားတဲ့၊ လက်နက်နဲ့ပတ်သက်ပြီး လိုက်လံစစ်ဆေးမှုတွေ တင်းကျပ်တဲ့ကြားထဲက ဒီလိုဖြစ်သွားတယ်ဆိုတော့ ဒါ ဘယ်လိုကြောင့်ဖြစ်တယ်ဆိုတာတော့ ကျနော်တို့ မသိဘူးပေါ့လေ။ ဒီလိုလက်နက်က ဘယ်က ဘယ်လိုရသလဲပေါ့။ အဲဒါလည်း ကျနော်တို့ လုံးဝ စဉ်းစားလို့မရတဲ့အနေအထား ဖြစ်တယ်။”
မြန်မာနိုင်ငံမှာ မှုခင်းသတင်းတွေနဲ့ပတ်သက်ပြီး သတင်းတွေအများအပြားရှိတဲ့ကြားက အခုလိုလူသတ်မှုကတော့ ထူးခြားတဲ့ဖြစ်စဉ်မှာပါကြောင်း၊ ဒီလိုလူသတ်မှုတွေဟာ စီးပွားရေးသမားအချင်းချင်းကြား အဝေမတည့်မှုတွေ၊ အငြိုးထားမှုတွေ၊ လက်နက်ကိုင် အဖွဲ့အစည်းတွေကြား စီးပွားရေးဝေစုခွဲမှုတွေကြောင့် ဖြစ်တာများပြီး အကျယ်တ၀င့်
ဖော်ပြဖို့အတွက် အခက်အခဲရှိကြောင်း မှုခင်းသတင်းစုံစမ်းနေတဲ့ စာနယ်ဇင်းသမား
တချို့က ပြောပါတယ်။
အခုကိစ္စမှာလည်း သေဆုံးသူမိသားစုဟာ ကျောက်ကိစ္စတွေနဲ့ ပတ်သက်ဆက်နွယ် နေကြောင်းကိုလည်း သတင်းရရှိတယ်ဆိုပြီး ပြောပြခဲ့ပါတယ်။
အခုဖြစ်ရပ်ကြောင့် အမျိုးသားဒီမိုကရေစီအဖွဲ့ချုပ်ခေါင်းဆောင် ဒေါ်အောင်ဆန်းစုကြည်ရဲ့လုံခြုံရေးကို အာမခံဖို့အတွက် စစ်အစိုးရမှာ တာဝန်ရှိကြောင်း တိုင်းနဲ့ပြည်နယ် အသီးသီးက အမျိုးသားဒီမိုကရေစီအဖွဲ့ချုပ်ဝင်တွေက ပြောဆိုနေကြပါတယ်။
VOA သတင်းဌာန မှ
Tags
သတင်း