သက်ဆင် ထိုင်းနိုင်ငံကို ပြန်လာတော့မည်

ချင်းမိုင်။ ။ ထိုင်းဝန်ကြီးချုပ်ဟောင်း မစ္စတာသက်ဆင်သည် မနက်ဖြန် နံနက် (၉း၎ဝ) နာရီတွင် ဟောင်ကောင်မှတဆင့် ထိုင်းလေကြောင်းလိုင်းဖြင့် ဘန်ကောက်ရှိ သုဝဏ္ဏဘူမိ အပြည်ပြည်ဆိုင်ရာ လေဆိပ်သို့ ဆိုက်ရောက်လာတော့မည်ဟု လေဆိပ် လူဝင်မှုကြီးကြပ်ရေး အရာရှိများကို ကိုးကား၍ သတင်းများက ဆိုသည်။

ထိုင်းနိုင်ငံခြားရေး ဝန်ကြီး မစ္စတာ Noppadon Pattama ကလည်း သက်ဆင်သည် မနက်ဖြန် နံနက်တွင် ပုဂ္ဂလိက လေကြောင်းလိုင်းဖြင့် သုဝဏ္ဏဘူမိသို့ ဆိုက်ရောက်မည် ဖြစ်ကြောင်း အင်္ဂလိပ် ဘာသာဖြင့် ထိုင်းနိုင်ငံတွင် ထုတ်ဝေသော ဘန်ကောက်ပို့စ် သတင်းစာသို့ အတည်ပြု ပြောကြားသည်။

၂ဝဝ၆ ခုနှစ်၊ စက်တင်ဘာလကတည်းက ပြည်ပတွင် တိမ်းရှောင်နေရသော ဝန်ကြီးချုပ်ဟောင်းသည် ဘန်ကောက်သို့ ခြေချလျှင်ချချင်း ရဲလက်သို့ အဖမ်းခံမည် ဖြစ်ပြီး သူအပေါ် စွပ်စွဲခံထားရသော လာဘ်စားမှု ကိစ္စအတွက် ဗဟိုတရားရုံးချုပ်သို့ သွားရောက်မည်ဟု သက်ဆင်၏ ကိုယ်ရေးအရာရှိနှင့် ဥပဒေအကြံပေးတို့က သတင်းထောက်များအား ပြောသည်။

ဝန်ကြီးချုပ်ဟောင်းသည် သူအာဏာရှိစဉ် ၂ဝဝ၃ ခုနှစ်က ဘန်ကောက်ရှိ နိုင်ငံတော်ပိုင် မြေကို ကာလပေါက်ဈေး၏ (၃) ပုံတပုံဈေး လျှော့ဝယ်ခဲ့သော ကိစ္စနှင့်၊ ၎င်းပိုင်ဆိုင်သော ငွေသန်းပေါင်းများစွာကို စာရင်း ထိန်ချန်မှုဖြင့် ဝရမ်း ထုတ်ခံထားရသည်။

ယင်းအမှု နှစ်ရပ်စလုံးကို အာဏာသိမ်းအစိုးရက ဖွဲ့စည်းထားသော အထူးကော်မတီ တရပ် (Assets Examination Committee) က ကိုင်တွယ်မည် ဖြစ်ပြီး သက်ဆင်က ကော်မတီသည် ဘက်လိုက်မှုရှိသည်ဟု အစောပိုင်းက စွပ်စွဲထားသည်။

သက်ဆင်၏ မဟာမိတ်များဖြင့် ဖွဲ့စည်းထားသော ပီပီပီ ခေါ် (People Power Party) ပါတီက ၎င်းတို့အနေဖြင့် အစိုးရတရပ် ပေါ်ပေါက်လာလျှင် အာဏာသိမ်းအဖွဲ့က ဖွဲ့စည်းထားသော အထူး ကော်မတီကို ဖျက်သိမ်းရန် စဉ်းစားမည်ဟု အစောပိုင်းက ဆိုခဲ့သည်။

၂ဝဝ၆ စက်တင်ဘာက စစ်တပ်က အာဏာသိမ်းမှု အပြီး ဒီဇင်ဘာ (၂၃) ရက်နေ့က ပထမဆုံး ပြုလုပ်သော ရွေးကောက်ပွဲတွင် ရာထူးမှ ဖြုတ်ချခံလိုက်ရသော သက်ဆင်၏ မဟာမိတ်များ အများစု အမတ်နေရာ ရခဲ့ပြီး အခြားပါတီငယ် (၅) ခုနှင့် ညွန့်ပေါင်းအစိုးရ ဖွဲ့နိုင်ခဲ့သည်။

သက်ဆင်သည် သူ၏ ပြည်တော်ပြန် အစီအစဉ်ကို သူ၏ မဟာမိတ်များက အနိုင်ရပြီးကတည်းက ကြေညာထားပြီး သူ၏ ကိုယ်ပိုင် ဝဘ်ဆိုဒ်ဖြစ်သော www.hi-thaksin.org တွင် “ချစ်သော သက်ဆင်၏ အိမ်အပြန်ခရီးကို ကြိုဆိုကြပါ” ဟု မနေ့က စတင် ရေးသားလိုက်သည်။

သက်ဆင်၏ ဇနီးဖြစ်သူ Pojamarn Shinawatra သည် ဇန်နဝါရီလ (၈) ရက်နေ့က ဟောင်ကောင်မှအပြန် သုဝဏ္ဏဘူမိ အပြည်ပြည်ဆိုင်ရာ လေဆိပ်အဝင်တွင် အလားတူ အဖမ်းခံခဲ့သည်။ သူမသည် သက်ဆင်ကို စွပ်စွဲထားသော ပထမအမှု အတွက် နောက်ကွယ်မှ ကြိုးကိုင်သူအဖြစ် စွဲချက် တင်ခံထားရပြီး ပြစ်မှု ထင်ရှားပါက ထောင်ဒဏ်အနှစ် (၂ဝ) ကျခံရဖွယ် ရှိသည်။

သက်ဆင်ကို ထောက်ခံသူများက တနှစ်ခွဲနီးပါးကြာ ကွဲကွာနေသော ဝန်ကြီးချုပ်ဟောင်းနှင့် လေဆိပ်တွင် တွေ့ခွင့်ရရေးအတွက် လက်ရှိ အာဏာရပါတီ အဖွဲ့ဝင်တဦးမှတဆင့် လေဆိပ်မှ တာဝန်ရှိသူများထံ မေတ္တာ ရပ်ခံထားပြီး၊ လေဆိပ်တွင် သက်ဆင် ထောက်ခံသူများနှင့် ဆန့်ကျင်သူများအကြား အချင်း ဖြစ်ပွားနိုင်သဖြင့် အာဏာပိုင်များကလည် လေဆိပ်လုံခြုံရေးကို ပုံမှန်ထက် တင်းကြပ်ထားသည်ဟု သတင်းများက ဆိုသည်။

သက်ဆင်သည် ဖျက်သိမ်းခံထားရသော ထိုင်းရတ်ထိုင်း ပါတီ၏ ခေါင်းဆောင်ဖြစ်ပြီး၊ ၎င်းပါတီသည် ၂ဝဝ၅ ခုနှစ် ဖေဖော်ဝါရီတွင် ကျင်းပသော ရွေးကောက်ပွဲတွင် အမတ်နေရာ (၅ဝဝ) အနက် (၃၇၇) နေရာဖြင့် အပြတ် အသတ် နိုင်ခဲ့သည်။ သို့သော် စက်တင်ဘာ အာဏာသိမ်းမှု အပြီးတွင် ထိုင်းရတ်ထိုင်း ပါတီမှ အမတ် (၁၁၁) ဦးကို အရွေးခံခွင့် ပိတ်ပင်ခံခဲ့ရပြီး သက်ဆင်ကိုလည်း နိုင်ငံရေးမှ (၅) နှစ် ကင်းကင်းရှင်းရှင်းနေရန် တားမြစ်ထားသည်။

ဖျက်သိမ်းခံ ထိုင်းရတ်ထိုင်းပါတီ (Thai Rak Thai) မှ အဖွဲ့ဝင် (၂၅ဝ) ဖြင့် ပါဝင် ဖွဲ့ထားသော အာဏာရ ပီပီပီ (People Power Party) ပါတီခေါင်းဆောင်၊ လက်ရှိ ဝန်ကြီးချုပ် မစ္စတာ စမတ် (Smak) က သူ၏ အစိုးရအဖွဲ့သည် သက်ဆင်၏ အကြံဥာဏ်ကို ရယူသွားမည် ဖြစ်ပြီး၊ ထိုသို့ လုပ်ဆောင်ခြင်းသည် တိုင်းပြည်အတွက် မှားယွင်းသော လုပ်ရပ်ဟု သူ့အနေဖြင့် မယူဆကြောင်း တရားဝင် ထုတ်ပြောထားသည်။

မဇ္ဈိမသတင်းဌာန
Wednesday, 27 February 2008 15:37 - မြန်မာစံတော်ချိန်