အမှောင် လှိုင်းထဲက သူရဲကောင်းတို့ တိုင်းပြည် စာအုပ် AAPP တွင်မှာယူနိုင်ပြီ

အမှောင် လှိုင်းထဲက သူရဲကောင်းတို့ တိုင်းပြည် စီစဉ် သူတို့ စကား
ထောင်ဆိုသည် နေရာကောင်း မဟုတ်၊ လူကောင်း သူကောင်း များကို ကာကွယ် စောင့်ရှောက်ရန် လူဆိုး သူဆိုး တို့ကို ဖမ်းဆီး ထိမ်းသိမ်း ထားသည့် နေရာဖြစ်သည်၊ မကောင်း သူတို့အား လှောင်ပိတ် ထားသည့် နေရာဟုလည်း ဆိုနိုင်သည်၊ ပြုပြင်ရန် အလို့ငှာဟု ရည်ရွယ်ချက် ကောင်းထား သော်လည်း ထောင်သည် နှစ်သက်စရာ ဖြစ်မလာခဲ့ပါ၊ သို့သော်လည်း လူ့အဖွဲ့ အစည်းတခုကို စနစ်တကျ တည်ထောင် စီမံခန့်ခွဲရာတွင် ထောင်သည် ဖယ်ထုတ် မရသော အုပ်ချုပ်ရေး ယန္တရား၏ အစိတ်အပိုင်း တရပ်ဖြစ်လာခဲ့သည်၊ ထို့အတူ မိမိတို့ကို မော်လို့မှ မကြည့်ဝံ့၊ စကားတခွန်းမှ ခွန်းတုန့် မပြန်ဝံ့ စေရန် လူအများအား ဗိုလ်ကျ ဖိနှိပ်ရာတွင်လည်း မတရား စိုမိုး အုပ်ချုပ် သူတို့ အတွက် ထောင်သည် လက်နက်ကောင်း တခု ဖြစ်လာ ခဲ့ပြန်သည်၊ ထောင်ကျ ရခြင်းသည် မင်္ဂလာ ရှိသော ကိစ္စ မဟုတ်ပါ၊ ထောင်တွင်းမှာ နေရထိုင်ရသော ဘဝသည်လည်း ကြမ်းတမ်း ဆိုးဝါး လွန်းပါသည်၊ ထောင်တွင်းမှာ ဘဝပျက်သွား သူတွေ ရှိသည်၊ အသက် ပျောက်သွား သူတွေ ရှိသည်၊ ထောင်ထွက် ဆိုသူတို့ သည်လည်း ရပ်ထဲ ရွာထဲတွင် ပေါင်းအပ် သင်းအပ်သော သူများမဟုတ်ပါ၊ သို့သော် ယနေ့လို စစ်အာဏာရှင် ကြီးစိုးသည့် ခေတ်ဆိုးကြီး တခုထဲတွင်မူ လူကောင်း သူကောင်း စစ်မစစ် သက်သေ ခံနိုင်ရန် ထောင်ထွက် လက်မှတ် ထုတ်ပြ ရမလို ဖြစ်နေသည်ဟု ဆိုရ ပေမည်၊ မတရားမှု တခုခုကို တနည်းနည်းဖြင့် အနည်းနှင့် အများ ဆန့်ကျင်မိ သူတိုင်း၏ နောက်ဆုံး ရောက်ရှိ စုဝေးရာသည် အကျဉ်းထောင်များ ဖြစ်လို့နေပါသည်၊ မတရားမှု တခုကို ဆန့်ကျင်ခြင်းသည် အနည်းနှင့်အများ အန္တရယ် ရှိပါသည်၊ တော်ရုံ သတ္တိဖြင့် မလုပ်နိုင်ပါ၊ ထိုသတ္တိကလည်း မွေးရာပါ မလာပါ၊ အမှန်တရားကို ချစ်တတ်သည့် စိတ်ကသာ ထိုသတ္တိကို မွေးဖွား ပေးပါသည်၊ မိမိ စွဲကိုင်သော ယုံကြည်ချက်ကသာ ထိုသတ္တိကို ခိုင်မာ စေပါသည်၊ ထိုသတ္တိမျိုးကို ဘယ်အကြောင်းနှင့်မျှ အကျဉ်းထောင်များက မသတ်ဖြတ် နိုင်ခဲ့ပါ၊ နှင်းပန်းအိမ်၏ စာအုပ်ကို ဖတ်ရသည့် အခါ ထိုအချက်ကို ပိုမို ထင်ရှားစွာ မြင်ရပါသည်၊ ထိုသတ္တိမျိုး လူအများတွင် ပြန့်ပွား ဖြစ်ထွန်း လာစေလိုခြင်းသည် ဤစာအုပ် ထုတ်ဝေရခြင်း၏ အကြောင်းရင်း တခုဟု ဆိုရပေမည်။

ယနေ့ မြန်မာနိုင်ငံတွင် မတရားမှုများကို ဆန့်ကျင်ရင်း ယုံကြည်ချက် အတွက် အကျဉ်းကျ နေရသူပေါင်း နှစ်ထောင်ကျော် ရှိသည်၊ ဘဝပေါင်း နှစ်ထောင်ကျော်ဟု မြင်ကြည့် လိုက်ပါ၊ သူတို့နှင့် ဆက်စပ်နေသည့် ဘဝ ပေါင်းကလည်း မနည်း၊ ထိုဘဝများကို မမေ့မလျှော့ စေချင်ပါ၊ ထိုဘဝများ ဘာတွေ ဖြစ်ပျက် နေသည်ကို လူအများ သိစေချင်ပါသည်၊ စာနာ နားလည် စေလိုရုံ သက်သက်မျှ မဟုတ်ပါ၊ အခြားသော သန်း ငါးဆယ်ကျော် ဘဝများ၏ ကောင်းရာ ကောင်းကျိုး အလို့ငှာ သူတို့ဘာတွေ ရင်းနှီး ပေးဆပ် နေကြရသည်ကို ရှင်းရှင်း လင်းလင်း သိကြစေချင်သည်၊ လူတိုင်း ပေးဆပ် ကြသူချည်း ဆိုလျင် လောကကြီးက အင်မတန် ကောင်းသွား ပါလိမ့်မည်၊ ဒါမှ မဟုတ် ပေးဆပ်တာနှင့် ရယူတာကို မျှမျှ တတ ကျင့်သုံး ကြလျင်လည်း လောကကြီးက သာယာ နိုင်ပါသည်၊ ဒီလို မဟုတ်ပဲ ရယူလိုသူကိုချည်း နေထိုင်ကြသည့် လောက ဆိုလျင်တော့ ဒုက္ခ ဘုံသာ ဖြစ်နေ ပေလိမ့်မည်၊ အနည်းဆုံးတော့ ပေးဆပ်ခြင်း၏ အဓိပ္ပါယ်ကို နားလည် လက်ခံ လာတတ်ကြ စေချင်သည်၊ ပေးဆပ်ခြင်းကို တန်ဘိုး ထားတတ်ကြ စေချင်သည်၊ ထိုမျှော်လင့်ချက်ဖြင့်ပင် ယခုလို ယုံကြည်ချက်ကြောင့် အကျဉ်းကျ နေသူတို့နှင့် သက်ဆိုင်သည့် စာအုပ်စာပေများကို ကျနော်တို့ ထုတ်ဝေပါသည်။

လူတိုင်း သူ့နေရာမှန် သူရှိသွားလျင် လောကကြီး တည်ငြိမ် အေးချမ်း လာမည်ဟု ယုံကြည်ပါသည်၊ အမှန်တရားကို ချစ်တတ်သူများ အတွက် ထောင်သည် နေရာမှန် မဟုတ်ပါ၊ မတရားမှုများကို ဆန့်ကျင် သူများ အတွက် ထောင်သည် နေရာမှန် မဟုတ်ပါ၊ လောကကြီး အတွက် ကိုယ့်ရှိတာလေးထဲက ဘာပေးရမလဲ စဉ်းစား နေတတ်သူများ အတွက် ထောင်သည် နေရာမှန် မဟုတ်ပါ၊ ထောင်သည်ပင်လျင် ဖိနှိပ် အုပ်စိုးနေသူတို့၏ သံပခြုပ် ဖြစ်နေရခြင်းကိုက နေရာမှန် မဟုတ်ပါ၊ ထောင်သည် လောကကြီးဆီက ရနိုင်တာထက် ပို လိုချင် တတ်ကြသည့် လက်ကုန်နှိုက် သမားများ အတွက်သာ နေရာမှန် ဖြစ်သင့်ပါသည်၊ ထောင်သည် လူအချင်းချင်း ဗိုလ်ကျ စိုးမိုးလိုသည့် ကြီးနိုင် ငယ်ညှင်း သမားများ အတွက်သာ နေရာမှန် ဖြစ်သင့်ပါသည်၊ လောကပါလ တရားက လူတိုင်းကို သူ့နေရာ မှန်မှာသူ ရှိအောင် လုပ်ပေးပါသည်၊ ထောင်သည် လောကပါလ တရားကိုစောင့်ရှောက်အပ်သော နံရံ တချပ်သာ ဖြစ်သင့်သည်၊ ဖြစ်စေချင်သည်၊ ထိုဆန္ဒဖြင့် နေရာ မှားနေသော လူများ။ အရာဝတ္ထုများ အကြောင်း စာအုပ် စာပေ များကို မိမိတို့ ထုတ်ဝေ ပါသည်၊ စစ်အစိုးရက မြန်မာပြည်မှာ နိုင်ငံရေး အကျဉ်းသား မရှိပါဟု တလျှောက်လုံး ဘူးကွယ် နေသည်၊ နိုင်ငံရေး အကျဉ်းသားများ အမှန်တကယ် ရှိပါသည်၊ အကျဉ်းထောင်များ အတွင်း အခြားသော ရာဝဇတ် အကျဉ်းသား များထက် အစီအစဉ် ရှိရှိနှင့် စံနစ်တကျ စိတ်ရော ကိုယ်ပါ ညှင်းပမ်း နှိပ်စက် ခံနေရသူများကို နိုင်ငံရေး အကျဉ်းသားဟု ဆိုရလျင် လွန်အံ့မထင်၊ ထောင်ထဲက လူကိုပါ မဟုတ်၊ ထောင်ပြင်က မိသားစုကိုပါ ဒုက္ခ ပေးလိုက် သေးသည်၊ စိတ်နာ လောက်သည့် သေကွဲ ရှင်ကွဲ အဖြစ်များ သည် အနှစ် နှစ်ဆယ် ကျော်မှာများလှပြီ၊ ဒါတွေကို ရပ်တန့်ဖို့ လိုသည်၊ နိုင်ငံရေး အကျဉ်းသားတွေကို လွှတ်ဖို့လိုသည်၊ သည်အချက်ကို မိမိတို့ အစဉ်တစိုက် တောင်းဆို ခဲ့သည်၊ ထိုတောင်းဆိုချက်များကို အမှောင်ခေတ်ထဲက သူရဲကောင်း တို့၏ တကယ့်ဘဝများက ပိုမို ကျယ်လောင်စေခဲ့။ လေးနက်စေခဲ့သည်က အမှန်ပင်၊ ထိုကျယ်လောင် လေးနက်သော တောင်းဆိုချက်အား လူတိုင်း လူတိုင်းစီ ရောက်ရှိ စေရန် ပြန့်နှံ့စေရန် သည်စာအုပ်ကို မိမိတို့ ထုတ်ဝေ လိုက်ပါသည်၊

နိုင်ငံရေး အကျဉ်းသားများ ကူညီ စောင့်ရှောက်ရေး အသင်း (မြန်မာနိုင်ငံ)

စာရေး ဆရာမ နှင်းပန်အိမ်၏ ဘဝ၊ ယုံကြည်ချက်နှင့် အလုပ်

အဘ ဦးတင်စိန်၊ အမိ ဒေါ်သန်းစိန်တို့မှာ ၁၉၆၆ ခုနှစ် ဧပြီ ၈ ရက်နေ့တွင် ရန်ကုန်တိုင်း တောင်ဥက္ကလာ၌ မွေးဖွား ခဲ့သည်။ မွေးချင်း ၄ ယောက် အနက် သမီး အကြီးဆုံး ဖြစ်သည်။ ဖခင်ဖြစ်သူ ဦးတင်စိန်ကို စစ်အာဏာရှင် များက ကိုးကိုးကျွန်းသို့ ပို့ခဲ့သည့် အတွက် စာရေးသူ ၆ လ သမီးမှာ ဖခင်နှင့် ခွဲခွာခဲ့ရပြီး ၇ နှစ်သမီးမှ ဖခင်ကို မြင်ဘူး ခဲ့ပါသည်။ ၁၉၈၈ ရှစ်လေးလုံး အရေးတော်ပုံ တွင် ပါဝင်ခဲ့ပြီး သင်္ကန်းကျွန်း မြို့နယ် အမျိုးသား ဒီမိုကရေစီ အဖွဲ့ချုပ် လူငယ်အဖြစ် တာဝန် ထမ်းဆောင် ခဲ့သည်။ ၁၉၉၂ တွင် အဖွဲ့ချုပ်လူငယ် ကိုနေဦးနှင့် အိမ်ထောင် ကျပြီး ၁၉၉၃ တွင် သား တစ်ယောက် ဖွားမြင်ခဲ့သည်။ ၁၉၉၈ တွင် ခင်ပွန်းသည် အဖမ်း ခံရပြီး ထိုအချိန်က နှစ် အများဆုံး ဖြစ်သည့် ထောင် ၁၄ နှစ်နှင့် မတရား ဖမ်းဆီး ထောင်ချ ခံရပြီး စစ်ကိုင်းတိုင်း ကလေးမြို့ မော်လိုက်လေး အကျဉ်းထောင်သို့ အပို့ ခံခဲ့ပါရသည်။

အကျဉ်းကျ မိသားစုဝင် အဖြစ် စစ်ကိုင်းတိုင်း ကလေးမြို့တွင် ငပိရောင်းပြီး ခင်ပွန်းသည်ကို ထောင်ဝင်စာ တွေ့ခဲ့ရသည်။ စာရေးသူ၏ ဘဝကိုသိနေသည့် အဘွား လူထု ဒေါ်အမာက သမီးတို့ ဘဝတွေက စာရေးဖို့ ကောင်းတယ်ဟု ပြောခဲ့ဘူးသည်။ စာရေး သူကို စာပေ မျိုးစေ့ ချပေးသူက အဘွား လူထု ဒေါ်အမာ ဖြစ်ပြီး စာပေ စင်မြှင့် တင်ပေး ခဲ့သူများမှာ ဒေးဒရဲ ဦးမြတ်ဆွေ၊ ဆရာ နတ်နွယ်၊ ဦးဇင်လင်း (ဦးဌေးအောင်) တို့ ဖြစ်သည်။

လက်ရှိ လွပ်လပ်သော အာရှအသံ Radio Free Asia (RFA)မှာ အသံလွှင့် ဆောင်းပါ အဖြစ် မှောင်လှိုင်း ထဲက သူရဲကောင်းတို့ တိုင်းပြည် အစီအစဉ်ကို ရေးသား ထုတ်လွှင့် တင်ဆက်လျှက် ရှိပါသည်။

စာရေး ဆရာမ နှင်းပန်အိမ်၏ အမှောင်လှိုင်းထဲက သူရဲကောင်းတို့တိုင်းပြည် စာအုပ် ၀ယ်ယူလို သူများ info@aappb.org သို့ ဆက်သွယ်မှာ ယူနိုင်ပါတယ်။

YE MIN TUN

When I was 19 years old in 1991, I was arrested for participating in a pro-democracy rally in Burma. For seven years, I suffered as a political prisoner. Under the military regime, there is no right to legal counsel and no rules governing the treatment of prisoners. I was denied access to my family, forced to live in conditions unfit for humans, and was subject to cruel interrogation and torture. When I was finally released in 1997, the government did not allow me to continue my education. Due to government oppression, I was forced to leave my country. But I still believe in Burma and am doing all I can to help my people who continue to suffer under this brutal regime.

Previous Post Next Post

Contact Form