ခဏလေး စောင့်ပေးပါ......
  • Share this
  • Sumbit to Digg
  • Sumbit to StumbleUpon
  • Sumbit to Delicious
  • Sumbit to Technorati
  • Sumbit to Reddit
  • Sumbit to Mixx
  • Sumbit to Twitter
  • Sumbit to Furl
  • Sumbit to Design Float
  • Sumbit to Blinklist
  • Sumbit to Yahoo Buzz
  • Sumbit to Google Bookmarks

လွတ်လပ်ရေးဖခင် အာဇာနည် ခေါင်းဆောင် ဗိုလ်ချုပ် အောင်ဆန်း၏ သံဃာတော်များအား လျှောက်ထားချက်
အရှင် သူမြတ်များ ဘုရား … အရှင်ဘုရား တို့သည် အလွန် ထူးကဲသော ဗုဒ္ဓ သာသနာတော်ထမ်း ရဟန်းမြတ်များ ဖြစ်တော် မူကြပါသည်။ အရှင်ဘုရား တို့က သာသနာတော်ရောင် ထွန်းပြောင်အောင် အားထုတ် တော်မူကြပါ။ ကမ္ဘာလောကကြီးကို သာသနာရောင် အလင်း ပေးတော် မူကြပါ။ သို့မှသာလျှင် ကမ္ဘာသူ ကမ္ဘာသားတို့ မေတ္တာတရား ပွားများ၍ သမစိတ္တနှင့် ညီရင်းအကို မောင်ရင်းနှမ ကဲ့သို့ နေနိုင် ကြပါလိမ့်မည်။ အရှင် သူမြတ်များကို ဘုရား တပည့်တော်တို့ ကိုးကွယ် ဆည်းကပ် ပါသည်။ တကမ္ဘာလုံး ကိုးကွယ် ဆည်းကပ်သည် ကိုလည်း မြင်ချင်ပါသည်။ တပည့်တော်တို့ နိုင်ငံတွင် သာမက တစ်ကမ္ဘာလုံး မှာပင် မေတ္တာတရား သမစိတ္တ သဘောထားတို့ကို ပြုပြင်နိုင်သော စွမ်းပကား အရှင် ဘုရားတို့မှာ ရှိပါသည်။ ဤစွမ်းပကား တို့ကို သုံးရာ၌ အောင်မြင်တော် မူပါလျှင် မနုဿ လူတမျိုးလုံး အစဉ်အဆက် နှစ်ပရိစ္ဆေဒ ရှည်လျားစွာ ရှိခိုး ပူဇော် ကြပါလိမ့်မည်။ ဤကဲ့သို့ ဆောင်ရွက်မှုသည် သာသနာဖက်ကသာ ကြည့်၍ မြင့်မြတ်သည် မဟုတ်ပါ။ တပည့်တော် တို့၏ နိုင်ငံနှင့် လူမျိုး အတွက် အမြင့် မြတ်ဆုံးသော နိုင်ငံရေးကို ဆောင်ရွက်ရာလည်း ရောက်ပါသည် ဘုရား။ တပည့်တော်တို့ နိုင်ငံအရပ်ရပ်သို့ ကြွရောက်တော် မူပြီးလျှင် မေတ္တာတရား ညီညွတ်ရေးတရားများကို ဟောတော်မူကြပါ။ မြင့်မြတ်သော လွတ်လပ်ရေး တရားကိုလည်း ဟောတော် မူကြပါ။

မြင့်မြတ်သော လွတ်လပ်ရေး ဆိုရာ၌ လွတ်လပ်စွာ ဘာသာတရား ကိုးကွယ်နိုင်မှု၊ လွတ်လပ်စွာ ဘာသာတရား ကို ကာလ ဒေသမရွေး ဟောပြောနိုင်မှု၊ ကြောက်ရွံ့စိုးရိမ် ပူပန်ခြင်းမှ ကင်းလွတ်မှု၊ လူအလူနဘ၀မှ လွတ်မြောက်မှု စသည်တို့ ဖြစ်ပါသည်။ အရှင်သူမြတ် တို့သည် သုံးလူ့ ထွဋ်ထား မြတ်စွာ ဘုရား သြ၀ါဒ ပေးတော်မူ ခဲ့သည့် အတိုင်း “အပ္ပမာဒေန သမ္ပာဒေထ” မမေ့ မလျော့ဘဲ အစဉ်ထာဝရ အားထုတ်ကြဖို့ တပည့်တော်တို့ ဗမာလူမျိုး တစ်မျိုးလုံးကို ဆိုဆုံးမတော် မူကြပါ ဘုရား။ ဤသို့သော မိမိကိုယ်ကို မိမိသာလျှင် အားကိုးမှုဖြင့် တပည့်တော် တို့၏ လူမျိုးသည် လောကုတ် လောကီ နှစ်လီသော အကျိုးထူးများကို ခံစား နိုင်အောင် ဆောင်ရွက်နိုင်ကြ ပေလိမ့်မည်။ အရှင်မြတ်များ၌ ဤကဲ့သို့သော မွန်မြတ်သည့် တာဝန် ၀တ္တရားများ ရှိပါသည်။ ဤမွန်မြတ်သော တာဝန် ၀တ္တရားများကို ကျေပွန်အောင် ထမ်းဆောင်တော် မူကြပါ ဘုရား။ တပည့်တော် တို့မှာ အရှင်သူမြတ်များကို ရိုသေလေးမြတ်စွာ တိုက်တွန်းစကား လျှောက်ထားခြင်း ကိုသာ ပြုနိုင်ပါသည်။ ဆောင်ရွက်ဖို့ တာဝန်ကျေပွန်မည် မကျေပွန်မည် ဟူသော ပြဿနာမှာ အရှင်မြတ်များ သာ ဖြေရှင်းနိုင်ကြပေလိမ့်မည်။”

လွတ်လပ်ရေးဖခင် အာဇာနည် ခေါင်းဆောင် ဗိုလ်ချုပ် အောင်ဆန်း၏ ပြည်သူ လူထုကို တိုက်တွန်း မိန့်ခွန်း
ရဲဘော်တို့ အမျိုးသား တို့ကို စည်းရုံးပြီး စိုင်းပြင်းကြပါစို့ ။ ကျွန်ုပ်တို့၏ ကံကြမ္မာကို ကျွန်ုပ်တို့ ဖန်တီးဖို့ အရေးသည် ကျွန်ုပ်တို့၏ လက်တွင်းမှာပင် ရှိ၏။ ကျွန်ုပ်တို့ အင်အားကို ကျွန်ုပ်တို့ ယုံကြည်လျှင် ကောင်းကင်တမွတ် ကြယ်ပင် ဆွတ်နိုင် ကြပေမည်။ ကြယ်ကိုပင် ဆွတ်နိုင်ကြလျှင် ကမ္ဘာမြေပေါ်မှာ အဘယ့်ကြောင့် လွတ်လပ်ရေးအောင်ပန်းကို မဆွတ်နိုင်ဘဲ ရှိအံ့နည်း။ ကျွန်ုပ်တို့သည် ညီညွတ်စွာ ကျွန်ုပ်တို့၏ ကာယဗလ ၊ ဥာဏဗလ ၊ သတ္တိဗျတ္တိနှင့် ကျွန်ုပ်တို့၏ ရာဇ၀င်တွင် ကယ်တင်နိုင်မည့် လွတ်လပ်ရေး အောင်မြင်မှု အတွက် ဆက်လက်ကြိုးပမ်းကြမည်။

ရဲဘော်တို့
ခြေလှမ်းမှန်မှန်နှင့် သွားနိုင်ရန် စိတ်ရော ကိုယ်ပါ ပူးပေါင်း ဆောင်ရွက် ကြလော့။
ကျွန်ုပ်တို့၏ လွတ်လပ်ရေးကို ကျွန်ုပ်တို့ မကြာမြင့်မီ ရရှိလိမ့်မည်ဟု တထစ်ချ ယုံကြည်ကြလော့။
အပ္ပမာဒေန သမ္ပာဒေထ။
(၁၉၄၆၊ ဇန်န၀ါရီလ၂၀ ရက်နေ့တွင် အလယ် ပစ္စယံ ညီလာခံကြီး၌ မြွက်ကြားခဲ့သော မိန့်ခွန်းမှ ကောက်နုတ်ချက်)
ABMA မှ တင်ပြပါသည်။