ခဏလေး စောင့်ပေးပါ......
  • Share this
  • Sumbit to Digg
  • Sumbit to StumbleUpon
  • Sumbit to Delicious
  • Sumbit to Technorati
  • Sumbit to Reddit
  • Sumbit to Mixx
  • Sumbit to Twitter
  • Sumbit to Furl
  • Sumbit to Design Float
  • Sumbit to Blinklist
  • Sumbit to Yahoo Buzz
  • Sumbit to Google Bookmarks

အလုပ်ရှာတဲ့ အခါ

ကိုယ်လျှောက်မဲ့ အလုပ်ဟာ ကိုယ်လုပ်နိုင်တဲ့ အလုပ်ဟုတ်၊ မဟုတ်ကို စုံစမ်းမှုလုပ်ပါ။ လျှောက်မဲ့အလုပ်နဲ့ ပတ်သက်တဲ့ သိသင့်တဲ့ အချက်တွေကိုလည်း ကြိုပြီး သိအောင် စုံစမ်းထားနိုင်လေ ကိုယ့်အတွက် အကျိုးရှိလေ ဖြစ်ပါလိမ့်မယ်။ တချို့အလုပ်တွေက လခတော့ ကောင်းချင် ကောင်းပါလိမ့်မယ်။ ကိုယ့်အတွက် အန္တရာယ်ရှိတဲ့ အလုပ်တွေ ဖြစ်နေရင် ဒီအလုပ်မျိုး သွားလုပ်လို့က ကိုယ်ဒုက္ခ ရောက်ပါလိမ့်မယ်။ မြန်မာလူမျိုး သင်္ဘော ဒုအရာရှိတယောက်က မလေးရှား သင်္ဘောတခုမှာ အလုပ်ရလို့ သွားလုပ်ပါတယ်။ ဒီသင်္ဘောက မှောင်ခိုပစ္စည်းတွေကို ပစိဖိတ်ထဲက ကျွန်းနိုင်ငံလေးတခုကို ခိုးသွင်းတာကို တရားဝင် သွင်းကုန်တွေ သွင်းတာနဲ့ အတူလုပ်ပါတယ်။ မကြာသေးခင်က စစ်ဆေးရာမှာ တွေ့သွားတော့ ဒီအရာရှိကော၊ နောက် သူ့အထက်က တယောက်ကော သင်္ဘောနဲ့ အတူတူ အဖမ်းခံရပါတယ်။ သင်္ဘောကုမ္ပဏီက သင်္ဘောအတွက် လာဘ်ထိုးပြီး သင်္ဘောပြန်ရွေး သွားပြီးတော့ ဒီအမှုကို ကပ္ပတိန်နဲ့ ဒုကပ္ပတိန်တို့ကို အမှုပုံချခဲ့တော့ အဲဒီ့ မြန်မာအမျိုးသား ဒုကပ္ပတိန်ဟာ တခြားနိုင်ငံသား ကပ္ပတိန်နဲ့အတူတူ ထောင်ကျခံနေရပါတယ်။ ဒါ့ကြောင့် ကိုယ်လျှောက်တဲ့ အလုပ်က ကိုယ့်ကို အန္တရာယ်ပေးမဲ့ အလုပ်လား ဆိုတာကို သေသေချာချာ စုံစမ်းလေ့လာပြီးမှ လျှောက်တာက ကိုယ့်အတွက် ပိုကောင်းပါလိမ့်မယ်။

လျှောက်လွှာခေါ်တဲ့ အလုပ်က သုံးလေးလကြာလျှင် နောက်တခါ ခေါ်ပြန်၊ ခဏကြာလျှင် တခါ လျှောက်လွှာထပ်ခေါ်ပြန် လုပ်လေ့ရှိတဲ့ အလုပ်မျိုးကို သေသေချာချာ လေ့လာသင့်ပါတယ်။ ကိုယ့်အရှေ့က လူတွေဘာကြောင့် ခဏခဏ ပြောင်းလဲနေရတာ၊ ဝင်လိုက်ထွက်လိုက် လုပ်နေရတာလဲကို တော်တော် စဉ်းစားသင့်ပါတယ်။ ဒီလို ခဏခဏ လူအပြောင်းအလဲ ဖြစ်နေတဲ့ အလုပ်မျိုးကို လျှောက်ဘို့ အလွန်သတိထားပါ။ ဒီလို ဖြစ်နေရတာ အကြောင်းတခုခုတော့ ရှိပါလိမ့်မယ်။ ဒီလိုနေရာမျိုး ရသွားပြီးတော့ ကိုယ်လဲခုနကလို နှုတ်ထွက်ရတဲ့အထဲ ပါလာတဲ့အခါ နောက်အလုပ် လျှောက်တဲ့အခါ ကိုယ့်အတွက် တော်တော်ထိခိုက်နိုင်ပါတယ်။ နောက်အလုပ်အတွက် အင်တာဗျူးမှာ အရင် အလုပ်အကြောင်းနဲ့ အရင် အုပ်ချုပ်မှု အကြောင်းကို ရှုတ်ချသလို မပြောပဲ ဘာ့ကြောင့် ထွက်ရတာပါ ဆိုတာကို ပြောရ ခက်ပါလိမ့်မယ်။ ဒီလို ရှုတ်ချပြောတယ်ဆိုရင်လည်း နောက်အလုပ်က ငှားဘို့ တော်တော် စဉ်းစားရ ခက်ပါလိမ့်မယ်။ ဒါ့ကြောင့် ဒီလို အလုပ်မျိုးကို အစောကြီးကတည်းက သေသေချာချာ သတိထားမိနိုင်ဘို့ လိုပါတယ်။

အလုပ်တခုကနေ တခုကို ခဏခဏ ပြောင်းနေတာကလည်း နောက်အလုပ်တခု လျှောက်တဲ့အခါမှာ ကိုယ့်အတွက် မကောင်းတာ ဖြစ်လာပါလိမ့်မယ်။ ဒါ့ကြောင့် တတ်နိုင်ရင် ကိုယ်ရေရှည်စွဲမြဲ လုပ်နိုင်မယ့်အလုပ် ဟုတ်မဟုတ်လည်း စဉ်းစားဘို့ လိုပါတယ်။ နှစ်နဲ့လုပ်ပြီးမှ အခြားအလုပ်ကို ပြောင်းလဲလုပ်တာက ကိုယ့်ရဲ့ စွဲမြဲ လုပ်ကိုင်မှုကို ပြသပေးပြီး အလုပ်ရှင်က စိတ်ဝင်စား စေလိမ့်မယ် ဖြစ်ပါတယ်။

အလုပ်တာဝန် သေသေချာချာ ပြတ်ပြတ်သားသား ကွဲကွဲပြားပြား မပြောထားတဲ့ အလုပ်မျိုးဆိုရင်လည်း တော်တော်စဉ်းစားပါ။ အရမ်း လိုအပ်တုံးအချိန်မှာ တွေ့ကရာ အကုန်လိုက်လုပ်ပေးရတာကို စိတ်ထဲက ဘာမှမဖြစ်ပေမယ့် မကြာခင် ညောင်းအီလာပြီး အလွန်ပင်ပမ်း စိတ်ဆင်းရဲစရာ ဖြစ်လာတာကို တွေ့ရပါလိမ့်မယ်။ ကိုယ့်ကို ငှားမဲ့နေရာနဲ့ သက်ဆိုင်တဲ့ အလုပ်ကို သေသေချာချာ သတ်မှတ်ထားပေးတဲ့ အလုပ်မျိုးကို အဓိက ဦးစားပေး စဉ်းစားပါ။ အလုပ်ထဲမှာ တခါတလေ ကိုယ်နဲ့ မသက်ဆိုင်ပေမယ့် ကိုယ့်လုပ်ငန်း အတွက် လိုအပ်ချက် အရ လုပ်ပေးရတာမျိုးတော့ ရှိပါတယ်။ ဒါက တခါတလေ လိုအပ်ချက် အရသာ ဖြစ်သင့်ပါတယ်။ ဒီလိုကြုံလာတဲ့ အခါမျိုးမှာ ဆိုင်ဆိုင်၊ မဆိုင်ဆိုင် တက်တက်ကြွကြွ စိတ်ပါလက်ပါ လုပ်ပေးတာဟာ ကိုယ့်အတွက် အလုပ်မှတ်တမ်းမှာ အကောင်း ဖြစ်လာစေပါလိမ့်မယ်။

ကိုယ်ကျိန်းသေပေါက် ရမယ် ထင်နေတဲ့ အလုပ်ကိုလည်း ကိုယ်ရချင်မှရမှာပါ။ ဒါ့ကြောင့် အရံ နောက်တခုခုကိုလည်း ရှာဖွေ ထားသင့် ပါတယ်။ လျှောက်ထားတဲ့ အလုပ် အားလုံးရတဲ့ အခါကျလျှင်တော့ ကိုယ်စိတ်ကြိုက်ကို ရွေးချယ်ပါ။ နောက် အခြား အလုပ်တွေကိုလည်း မိမိ အလုပ်လက်ခံထားပြီး ဖြစ်တဲ့ အကြောင်းကို အကြောင်းကြား ပေးတာက ကိုယ့်ယဉ်ကျေးမှုကို ပြသရာ ရောက်ပါတယ်။ ဒီလို တခြား အလုပ်ကို ရွေးလိုက်တဲ့အတွက် အားနာစရာ မလိုပါဘူး။ အလုပ်တွေကလည်း ဘယ်တော့မှ အားနာပြီး ငှားတယ်မရှိပါဘူး။ ကိုယ်က သူ့ထက်ကောင်းမယ် ကိုယ်ယူဆတဲ့အလုပ်ကို လက်ခံတာကို ဘယ်သူမှ အပြစ်ပြောမယ် မဟုတ်ပါဘူး။ တခုပဲရှိတာက တခြားအလုပ်ကို လက်ခံလိုက်ပြီ ဆိုတဲ့အခါမှာ လျှာရှည်ပြီး ဟိုအလုပ်က ဒီအလုပ်ထက် ပိုကောင်းလို့ ဘာခံစားခွင့်ပိုလို့ ဆိုတာတွေ ဘာမှမပြောနေဘို့ပဲ လိုတာပါ။ ဟိုအလုပ်ကို ရွေးလိုက်ပြီးဖြစ်လို့ ဆောရီးပါပဲဆိုတာ ပြောရင် လုံလောက်ပါတယ်။ အလုပ် ကမ်းလှမ်းမှု ရှိလာတဲ့အခါ ချက်ခြင်း လက်ခံလိုက်တာ မလုပ်ပါနဲ့။ သူ့မှာ ပေးထားတဲ့ အချိန်အတွင်းမှာ အခြားအလုပ်တွေက ထပ်ကမ်းလှမ်းလာတာ ရှိမရှိကို စောင့်ကြည့်ပါ။ တကယ်လို့ ကမ်းလှမ်းလာတဲ့အလုပ်က ကိုယ့်စိတ်ကြိုက် အဖြစ်ဆုံး ဆိုရင်တော့ ချက်ခြင်း လက်ခံတာ မမှားပါဘူး။ ဒုတိယ၊ တတိယ ထားထားတဲ့ ဟာတွေဆိုရင် အဲ့ဒီကမ်းလှမ်းတဲ့ အချိန်အတွင်း စောင့်ကြည့်ပြီး စိတ်ကြိုက် အလုပ်က ကမ်းလှမ်းလာတာ ရှိမရှိကို စောင့်ကြည့်လို့ ရပါတယ်။ တကယ်လို့ ကမ်းလှမ်းတာ လက်ခံပြီးမှ ကိုယ့်စိတ် အကြိုက်ဆုံး အလုပ်က ကမ်းလှမ်းလာတာရှိရင်လည်း ဘာမှ မလွန်သေးခင်ဆိုရင် စကားလှလှသုံးပြီး ပထမ လက်ခံထားတဲ့ အလုပ်ကို နောက်ဆုတ်လို့ ရပါတယ်။ အများကြီး စကားမလွန်ရ အဆင့်တွေ မကျော် သွားရသေးဘူး ဆိုရင်ပေါ့။ အားနာလို့ လက်ခံထားပြီးသား အလုပ်ကိုပဲ ဆက်ယူလိုက်တာ မလုပ်ပါနဲ့။ ကိုယ့်အတွက်ကိုယ် သေသေချာချာ ကြည့်ပါ။

ဘွဲ့တခုခု လိုအပ်တဲ့ အလုပ်တွေမှာ ကိုယ်ရထားတဲ့ ဘွဲ့နဲ့ အဲ့ဒီအလုပ် ဆက်စပ်မှု ရှိမရှိရှာပါ။ အဲ့ဒီအလုပ်မှာ လိုအပ်ချက် အတွက် ကိုယ်ဘာ လုပ်ပေးနိုင်တာကို အဓိက ဦးစားပေး ဆွေးနွေးနိုင်ရင် အလားအလာ ကောင်းပါလိမ့်မယ်။ အများစုက ဘွဲ့တွေထဲက အဆင့် ဘယ်လောက် ကောင်းကောင်းရတယ်။ ကျောင်းမှာ ဘယ်လိုကြိုးစားတယ် ဆိုတာကို သိပ်မသိချင်ပါဘူး။

ဆက်ဆံရေး ဘယ်လောက်ပြေပြစ်သလဲနဲ့ လုပ်မယ့် အလုပ်အပေါ်ကို ဘယ်လောက် ထိထိမိမိ လုပ်ပေးနိုင်မယ့်လူ ဖြစ်မယ်ရယ် ကိုယ်သင်ထားတာကို ဘယ်လောက် အသုံးချနိုင်တဲ့လူ ဖြစ်မလဲဆိုတာကို အလေးထားလေ့ ရှိကြပါတယ်။ ကျောင်းတက် နေစဉ် ကတည်းက ကိုယ်ယူထားတဲ့ ဘာသာရပ်ရယ်၊ ကိုယ်လုပ်ချင်တဲ့ အလုပ်ရယ်နဲ့ ပတ်သက်တဲ့ အလုပ်တွေမှာ စေတနာ့ဝန်ထမ်း လုပ်တာတို့၊ အချိန်ပိုင်း အလုပ် လုပ်တာတို့၊ အလုပ်သင် အလုပ် လုပ်တာတို့တွေက ကျောင်းပြီး အလုပ်လျှောက်တဲ့ အခါမှာ အများကြီး အထောက်အကူ ပြုပါတယ်။ ဒါတွေက ကိုယ့်ကို အတွေ့အကြုံနဲ့ အလုပ်အတွက် ထောက်ခံမှုတွေ အများကြီးပေးပါတယ်။

ကိုယ့်စီဗွီ (အလုပ်မှတ်တမ်း)မှာ အီးမေးလ် လိပ်စာ ထည့်တဲ့ အခါမှာ ရိုးရိုးသားသား ပြင်းစရာ ကောင်းလောက်တဲ့ အီးမေးလ် လိပ်စာက ချစ်စရာလေး ဖြစ်တဲ့၊ လှတဲ့ အီးမေးလ် လိပ်စာတွေထက်ကို အများကြီး ပိုကောင်းပါတယ်။ အီးမေးလ်လိပ်စာကို ချစ်စရာ၊ ကြိုက်ချင်စရာ လိပ်စာမျိုး မဖြစ်နေပါစေနဲ့။

အလုပ်တွေ ရှားပါးနေတဲ့ အချိန်မှာ လုပ်ငန်း အကြီးကြီးတွေမှာ လျှောက်တာထက် လုပ်ငန်းငယ်ငယ်တွေမှာ အလုပ်လုပ်တာက ပိုပြီး တည်မြဲမှု ရစေနိုင်ပါတယ်။ ဒီလို အလုပ် အလွန်ရှားတဲ့ကာလမှာ အလုပ်ရှာရရင် လုပ်ငန်းငယ်ငယ်တွေမှာ ဦးစားပေးရှာပါ။

အင်တာဗျူး မသွားခင်မှာ ကိုယ့်ကို မေးနိုင်တဲ့ မေးခွန်းတွေအားလုံးကို စဉ်းစားချထားပြီး အဲ့ဒီ မေးခွန်းတွေကို အကောင်းဆုံးဘယ်လို ဖြေဆိုမလဲဆိုတာကို စဉ်းစား ရေးချထား ကြည့်သင့်ပါတယ်။ ဒါပေမဲ့ အလွတ်ကျက်ထားတာကို ပြန်ပြောနေတာမျိုးမဖြစ်ပဲ ပုံမှန် စကားပြော နေတာမျိုး ပြောနေအောင် လုပ်ရပါမယ်။ ဘာဖြစ်လို့ မင်းကို ဒီအလုပ်မှာ ငှားသင့်တယ်ထင်လဲဆိုတဲ့ မေးခွန်းမျိုးလည်း လာနိုင်တာကို သတိပြုပါ။ အဲ့ဒီလိုအခါမျိုးမှာ ကိုယ့်ရပ်တည်ချက်အတွက် လိုနေတာကို လုံးလုံးမပြောပဲ ကိုယ်သာ ဒီအလုပ်ရရင် ဒီအလုပ် အတွက် ကိုယ့်ရဲ့ ဘယ်အားသာချက်တွေကို အသုံးပြုပြီး ဒီအလုပ်ကို ကောင်းအောင်လုပ်နိုင်မယ် ဆိုတာကို အလေးပေးပြီး ဆွေးနွေးဘို့ ပြင်ထားပါ။ တခုခုမှာ နဲနဲမှားယွင်းပြောဆိုမိရင်လည်း အဲဒီမှာကြီးပဲ စိတ်မရောက်နေပဲ အခြားနေရာတွေမှာ ကောင်းကောင်း ဖြစ်အောင် ပြောဆိုနိုင်ဘို့ကိုလည်း လေ့ကျင့်ထားပါ။ တခုမှားတာကိုကြီးပဲ စိတ်စွဲနေရင် အခြားနေရာတွေမှာ ဖါထေးပေးနိုင်တာတွေကို အလကား ဖြစ်ပါစေလိမ့်မယ်။ အနဲဆုံး အလေ့အကျင့် ပိုရတယ်ဆိုတဲ့အသိ စိတ်ထဲမှာစွဲထားရင် အေးအေးဆေးဆေး အင်တာဗျူးလုပ်နိုင်မှာပါ။

ကိုယ့်အရည်အချင်းများနှင့် လုပ်နိုင်ရည်များက လျှောက်ထားသော အလုပ်အတွက် မည်သို့ အကျိုးရှိနိုင်ကြောင်းနှင့် မည်သို့ အသုံးပြုမည် ဖြစ်ကြောင်းကို ရှင်းလင်းပြနိုင်ရန် ကြိုတင်ပြင်ဆင် စဉ်းစားထားရမည်။ ထိုအချက်များကို သေသေချာချာ ရှင်းပြနိုင် ရပေမည်။ အလုပ်အတွက် မထိခိုက်စေနိုင်သော ကိုယ့်အားနည်းချက်ကိုလည်း ဖေါ်ပြ၍ ထိုအားနည်းချက်ကို မည်သို့ ပြင်ဆင် ကုစားနေကြောင်း ပြောပြနိုင်ရမည်။ အသိတယောက်က အင်တာဗျူးတခုတွင် သူ၏ အဓိက အားနည်းချက်မှာ အထက်အရာရှိများနှင့် ဘယ်တော့မှ မတည့်ခြင်းဖြစ်သည်ဟု ဖြေခဲ့သဖြင့် သူသေချာပေါက် ရနိုင်သော ထိုအလုပ်ကို သေချာပေါက် လက်လွှတ်ခဲ့ရသည်။

ကိုယ်၏ အလုပ်မှတ်တမ်း (စီဗွီ)တွင် ရေးသားထားသည်များကို သေသေချာချာ မှတ်မိနေပါစေ။ အင်တာဗျူး သွားသည့်အခါတွင်လည်း ၄င်းကို တပါတည်း ယူသွားရန် မမေ့ပါနှင့်။

အလုပ်တခု လျှောက်တယ်၊ အင်တာဗျူးသွားတယ်၊ ဒါပေမဲ့ အလုပ်မရတာ၊ တခါတလေ အင်တာဗျူးတောင် မခေါ်ခံရတာကိုဘာမှ စိတ်ထဲမှာ မထားပါနဲ့။ အဲ့ဒါအတွက် ကိုယ့်ကိုကိုယ် မညှဉ်းဆဲပါနဲ့။ ဒါက သူတို့ လိုအပ်ချက်နဲ့ ကိုယ့်နဲ့ မကိုက်ညီလို့သာ ဖြစ်ပါတယ်။ ကိုယ်အသုံးမကျလို့ မဟုတ်ပါဘူး။ ကိုယ့်ကိုကိုယ် ညှဉ်းဆဲပြီး စိတ်ပျက်ခြင်းဟာ ကိုယ့်အောင်မြင်မှုကို ပြန်ပြီးကိုယ့်ဘာသာကိုယ် ပိတ်ဆို့တာသာ ဖြစ်ပါတယ်။ တခြား ဘာအကျိုးမှ မရှိပါဘူး။ မရသေးရင် ဆက်လျှောက်ပါ။ တချိန်ချိန်၊ တခုခုတော့ ရလာမှာပါ။ များများ ထပ်လျှောက်ပါ။ များများ ထပ်လျှောက်လေ၊ ကိုယ့်အတွက် ကျွမ်းကျင်မှု ပိုရလာလေပါပဲ။

မည်သည့် အခါမျှ သင့်အထက် အရာရှိကို မပြောသင့်သော အကြောင်းအရာ (၇)ခု

“ဒီဟာက ကျွန်တော့်နဲ့ ဆိုင်တဲ့အလုပ်မဟုတ်ဘူး။” ဤစကားကို မိမိ၏ အထက်အရာရှိအား မည်သည့်အခါမျှ မပြောသင့်ပေ။ မည်သည့် အလုပ်တွင်မဆို မိမိနှင့် မသက်ဆိုင်သော်လည်း အခြေအနေ၊ အချိန်အခါ လိုအပ်ချက်အရ လုပ်ကြရသည်များရှိသည်။ ထိုသို့ တာဝန်ပေးအပ်လာသည်ကို ငြင်းဆန်လျှင် မိမိကိုယ် တာဝန် မသိတတ်သူ၊ အဖွဲ့အတွက် အလေးမထားသူဟု သတ်မှတ်သွားတာကို ခံရပေလိမ့်မည်။ ထိုအခြေအနေမျိုးတွင် အတတ်နိုင်ဆုံး၊ စိတ်ရော ကိုယ်ပါ ဝိုင်းဝန်း လုပ်ဆောင်ရပါမည်။ မိမိ တတ်ကျွမ်းသော အရည်အချင်းနှင့် မလုပ်နိုင်သော ကိစ္စဖြစ်လျှင်မူ မည်သူက ထိုအရည်အချင်းနှင့် ပြည့်စုံသည်။ ထို့ကြောင့် ထိုသူကို တာဝန်ပေးသင့်ပြီး မိမိကလည်း လိုအပ်သည်များအားလုံးကို လိုက်ပါ လုပ်ဆောင်မည့်အကြောင်းကို အထက်မှ တာဝန်ခံအား ဆွေးနွေးသင့်သည်။ သို့မှသာ မိမိသည် တာဝန် လက်ရှောင်လိုသူ မဟုတ်ပဲ အဖွဲ့အတွက် လိုအပ်သော အလုပ်များကို မိသားစုစိတ်ဓါတ်နှင့် ဝိုင်းဝန်းလုပ်မည့်သူဟု အသိအမှတ်ပြု ခံရပေလိမ့်မည်။

“ဒီဟာက ကျွန်တော့်ပြဿနာ မဟုတ်ဘူး။” ဤသို့ပြောလျှင် မိမိကအလုပ်ကိုမိမိ အလုပ်ဟု သဘောမထားပဲ ကိုယ်ကျိုးအတွက်သာ လုပ်နေသူဟု သတ်မှတ်ခံရမည်မှာ အမှန်ဖြစ်သည်။ ပြဿနာကို ဝိုင်းဝန်း အဖြေရှာ၍ ရှင်းလင်းနိုင်အောင် လုပ်သင့်သည်။ သို့မှသာ လူတိုင်းက မိမိကိုယ် ထိုလုပ်ငန်း၏ မိသားစုဝင်အဖြစ် အသိအမှတ်ပြုပြီး တိုးတက်မှုများအတွက် အခွင့်အလမ်း ပိုပေးချင်လာစိတ် ရှိစေမည်ဖြစ်သည်။ ကိုယ်နှင့် မဆိုင်သကဲ့သို့ သတ်မှတ်သော သူများကို မည်သူမျှ ရေရှည် ဆက်ဆံလိုစိတ် မရှိကြပေ။ အားလုံး၏ ပြဿနာသည် မိမိ၏ ပြဿနာကဲ့သို့ ၀ိုင်းဝန်းဖြေရှင်းသူကို အများကလည်း မည်သည့်အခါတွင်မျှ ပြစ်ပယ်လိမ့်မည် မဟုတ်ပေ။ အားလုံး၏ ပြဿနာသည် မိမိ၏ ပြဿနာလည်း ဖြစ်သည်။

“ဒါ ကျွန်တော့်အပြစ် မဟုတ်ဘူး။” ထိုသို့ ငြင်းဆိုသူများကို တာဝန်ခွဲဝေ သိတတ်စိတ် မရှိသူဟု သတ်မှတ်လေ့ ရှိကြသည်။ အသိစိတ်ဓါတ်ဖြင့် အပြစ်နှင့် ဆုံးရှုံးမှုရလာဒ်ကို ခွဲဝေ တာဝန်ခံကြခြင်းဖြင့် အားလုံးနှင့် မိမိသည် အတူတူ တာဝန်ခံတတ်သည်ကို ပြသရာ ရောက်သည်။ လက်ညှိုးထိုး အပြစ်ပုံချခြင်းထက် စုပေါင်း တာဝန်ယူပြီး စုပေါင်း အဖြေရှာကြခြင်းက ပို၍ ပြုပြင်ရ လွယ်စေသည်။ လုပ်ဘော်ကိုင်ဘက်များ၏ ယုံကြည်ကိုးစား စိတ်ကိုလည်း ရရှိစေမည် ဖြစ်သည်။

“ကျွန်တော်ကတော့ တာဝန်များများ ပေးလို့ မရဘူး။ တချိန်မှာ တခုပဲ လုပ်နိုင်မယ်။” အလုပ်တွေ အများကြီး ပိနေပြီဟု ငြီးညူပြောဆိုခြင်းက သင့်အား သင့်အထက်အရာရှိက ပို၍ တာဝန်ပေးအပ်ခြင်းများ လျှော့နည်းသွားစေလိမ့်မည် မဟုတ်ပါ။ ယနေ့ခေတ်တွင် တယောက်တည်းနှင့် လုပ်ငန်းများများ လုပ်နိုင်စေလိုကြသည့် အချိန်တွင် ထိုသို့ ပြောသောစကားသည် မိမိအား အားလုံးက အထင်သေးသွားအောင် လုပ်လိုက်သကဲ့သို့ ဖြစ်ပေလိမ့်မည်။ အလုပ်ကို မနှစ်သက်ခြင်း၊ တာဝန်ယူလိုသော စိတ်ဓါတ်မရှိခြင်းနှင့် အလုပ်မှ လိုအပ်သည်ကို လုပ်နိုင်သော သူတယောက်ဖြစ်နိုင်မှု မရှိတို့ကို ထင်ခံရစေလိမ့်မည် ဖြစ်သည်။ ထိုသို့သော သူမျိုးကို မည်သည့် အထက်အရာရှိကမျှ ပိုမိုကြီးမားသော တာဝန်နှင့် တက်လမ်းများ ပေးလိုခြင်း မရှိကြပေ။

“ကျွန်တော့အတွက် ဒီအလုပ်က အရမ်း နိမ့်လွန်းနေတယ်။” ကိုယ်က တကယ်လဲ အများကြီး ပိုတတ်နေတာ ဖြစ်ကောင်း ဖြစ်နိုင်ပါတယ်။ ဒါပေမဲ့ အလုပ်တခုကို လက်ခံယူထားလိုက်ပြီ ဆိုရင်တော့ အဲ့ဒီအလုပ်ထဲက ပေးအပ်လာတဲ့ တာဝန်တွေကို ကိုယ့်အရည်အချင်းထက် နိမ့်နိမ့်၊ မြင့်မြင့် လုပ်ရပါလိမ့်မယ်။ ဒီလိုဆိုရင် ကိုယ်ကိုကိုယ် အချောက်တိုက် ဘဝင်မြင့်နေတဲ့ကောင်လို့ အားလုံးက သတ်မှတ်ပါလိမ့်မယ်။ ကိုယ့်ရဲ့ လုပ်ဖေါ်ကိုင်ဘက်တွေကလည်း ကိုယ့်ကို အမြင်ကြည်လင်မှာ မဟုတ်ပါဘူး။ ဒီလိုပြောလို့ ဘယ်သူကမှ သင့်ကို ချီးကျူးမှာ မဟုတ်ပါ။ မည်မျှ နိမ့်နေသည့် အလုပ်ပင် ဖြစ်ပါစေ လုပ်ငန်းမှ တာဝန်ပေးလာလျှင် တာဝန်ကို တာဝန်ဟု သတ်မှတ် လုပ်ရပေလိမ့်မည်။ နိုင်ငံတကာတွင် မည်သည့်အလုပ်ကိုမျှ နိမ့်ကျသည်ဟု မသတ်မှတ်ပါ။ အလုပ်တိုင်းသည် ဂုဏ်ရှိသည်ဟု သတ်မှတ်သည်။

“ဒီအလုပ်က အရမ်းလွယ်တာပဲ၊ လူတိုင်းလုပ်လို့ ရပါတယ်။” ဤသို့ ပြောခြင်းကလည်း မိမိကိုယ် မည်သူမျှ အထင်ကြီး စေလိမ့်မည် မဟုတ်ပေ။ မည်သည့် တာဝန်ခံကမျှ သူတာဝန်ယူထားသော အပိုင်းတို့သည် ကလေးကစားစရာ အလုပ်များဖြစ်သည်ဟု ကြားချင် ကြလိမ့်မည်မဟုတ်ပေ။ အကယ်၍ လွယ်လွယ်ကူကူ လုပ်လိုက်နိုင်လျှင် ထိုအတွက် လွယ်လွယ်ကူကူ လုပ်လိုက်နိုင်တာကို ကျေနပ်ပါ။ ထုတ်မပြောပါနှင့်။ ပြီးသွားအောင် လုပ်ပေးနိုင်သည့်အတွက် ဝမ်းသာကြောင်းသာ ထုတ်ဖေါ်ပြောဆိုရမည်။ ခလေး အလုပ်ပင် ဖြစ်လင့်ကစား ပြီးအောင်၊ လုပ်ကို လုပ်ရမည့် တာဝန်ရှိသည်။

ဒါက ဖြစ်နိုင်တဲ့ အလုပ်မဟုတ်ဘူး။ မည်သည့်အခါမျှ ထိုသို့ ပြောဆိုခြင်း မပြုပါနှင့်။ ထိုသို့ ပြောဆိုခြင်းက တာဝန်ခံ၏ စိတ်ထဲတွင် မိမိက လုပ်ငန်းခွင် ထိုးဖေါက်လုပ်ရမည့် အလုပ်မျိုးကို မလုပ်တတ်သည့်သူ၊ အလုပ်၏ စိန်ခေါ်မှုကို မကြိုက် မနှစ်သက်သူအဖြစ် မြင်သွားစေနိုင်ပေသည်။ မလုပ်နိုင်ဟု ပြောမည့်အစား ဘာ့ကြောင့် လုပ်ခိုင်းသည်၊ မည်သည့် ပြဿနာများရှိသည်၊ မည်သည်များကို ဖြေရှင်းရမည်၊ မည်သို့ ရလာဒ်ကို သူမျှော်လင့်သည်နှင့် မည်သို့ ဖြေရှင်းလျှင် အကောင်းဆုံး ရလာဒ်ရရှိနိုင်သည် တို့ကိုလေ့လာပြီး ဆွေးနွေးပါ။ မည်သည့်အလုပ်ရှင်ကမျှ သင်မလုပ်နိုင်သော အရာကို အလွန်မျှော်လင့် ထားလိမ့်မည်မဟုတ်ပေ။ ခက်ခဲသော ပြဿနာကို မည်သို့ ဖြေရှင်းမည်ကို လေ့လာ စူးစမ်းဆွေးနွေး အဖြေရှာခြင်း၊ အကြံဥာဏ် ရယူခြင်းတို့ဖြင့် မိမိ၏ စွမ်းရည်ကို ပြသနိုင်ရန် ကြိုးစားပါ။

လုပ်ငန်းခွင်အတွင်းသိထားသင့်သည်များ

တခုခု သံသယရှိစိုးရိမ်လျှင် တိတ်တိတ်နေခြင်းသည် အကောင်းဆုံးဖြစ်ပါသည်။ စကားမကျွံပါစေနှင့်။ စကားကို သေသေချာချာ စဉ်းစားပြီးမှ မည်သို့ ပြောဆိုမည် နည်းလမ်းရွေးပြီးမှ ပြောခြင်းက အကောင်းဆုံးဖြစ်သည်။ မိမိ မဆောင်ရွက်နိုင်သော အလုပ်ကို အခြားသူများက လုပ်နိုင်မည်ဟု မမျှော်လင့်ပါနှင့်။ ကိုယ်က ရှေ့က ဦးဆောင်လုပ်ပြပြီး ကျန်သည့် သူများကို လိုက်ပါ လုပ်ဆောင်ရန် စည်းရုံးပါ။ အမိန့်သုံး၍ လုပ်ခိုင်းခြင်းထက် နားလည်မှု၊ ဆွေးနွေးအဖြေရှာမှု၊ ပူးပေါင်း ပါဝင်စေရန်တိုက်တွန်း ဆွဲဆောင်မှုတို့နှင့် အတူတူ လုပ်လာကြစေ အောင်လုပ်ခြင်းက အကောင်းဆုံး ရလာဒ်ပေးလိမ့်မည်။

လုပ်ငန်းခွင်အတွင်း ကြောက်လန့်၍ လုပ်နေရသော ပတ်ဝန်းကျင်အဖြစ်ထက် အားလုံး ညီညီညွတ်ညွတ် ပျော်ပျော်ရွှင်ရွှင် လုပ်နေနိုင်သော ပတ်ဝန်းကျင်မျိုး ဖန်တီးထားနိုင်လျှင် အကောင်းဆုံးဖြစ်သည်။ သို့သော် မိမိသည် ပျော့ညံ့သည့်သူ ဖြစ်သည်ဟု မထင်စေရန် သတိထားပါ။ အားလုံးကို လုပ်ငန်းအတွင်း စိတ်ပါလက်ပါ လုပ်ဆောင်နိုင်ရန်နှင့် သူတို့၏ ဖန်တီး လုပ်ဆောင်မှုများအတွက် အသိအမှတ်ပြုခြင်း၊ လုပ်ငန်းမှ ဂုဏ်ပြုခံရအောင် လုပ်ပေးခြင်းတို့ဖြင့် ဝန်ထမ်းများကို တက်တက်ကြွကြွ စိတ်အားထက်သန်စွာ ပါဝင်နေကြရန် ဆွဲဆောင်ရသည်။ ထို့အပြင် အလုပ်ကြီးပဲလုပ်၍ ရင်းနှီးနေသည်ထက် စုပေါင်းပျော်ရွှင်စရာများ လုပ်ခြင်း၊ လုပ်ငန်း ဆွေးနွေးပွဲများကို ပြင်းရိငြီးငွေ့စရာထက် စိတ်ဝင်စားဘွယ်ရာ ဖန်တီးထားခြင်းတို့က ပို၍လူများကို ဖန်တီး လုပ်ကိုင်နိုင်ကြစေရန် အထောက်အကူပြုသည်။ ဝန်ထမ်းတို့၏ မိသားစုအရေးများကို အကူအညီပေးမှုများ လုပ်ပေးခြင်း၊ ရင်းနှီးမှု တည်ဆောက်ထားခြင်း တို့ကလည်း မိမိဝန်ထမ်းများကို မိသားစုသဘွယ် ဖြစ်စေပြီး လုပ်ငန်းကို မိသားစုလုပ်ငန်းသဘွယ် သဘောထားစေလိမ့်မည် ဖြစ်သည်။ ခေါင်းဆောင်မှု၏ အခြေခံ အရည်အချင်းဖြစ်သော ခံစားခွင့်များကို လက်အောက်ငယ်သားများကို ပိုပေးပြီး အလုပ်ကို ပိုမို တာဝန်ယူ လုပ်ပြဦးဆောင်ပြမှုကို အားလုံးက အသိအမှတ် ပြုလိမ့်မည်ဖြစ်သည်။ ထိုသို့ စီမံခန့်ခွဲမှု အရည်အချင်းများ ပိုင်ဆိုင်ကြောင်း ပြနိုင်ခြင်းက အထက်တာဝန်ရှိသူများက မိမိအား ပိုမိုကြီးမားသော စီမံခန့်ခွဲရေး တာဝန်များ ပေးစေရန် စဉ်းစားရာတွင် အထောက်အကူကောင်းများ ပေးလိမ့်မည် ဖြစ်သည်။ လုပ်ငန်းအတွင်း အကျိုးပြုသော ပြိုင်ဆိုင်မှုမျိုးကို အားပေးထားပါ။ ပျော်ရွှင်စရာ၊ စိတ်ဝင်စားစရာ လုပ်ငန်းခွင် ဖန်တီးထားနိုင်လျှင် သင့်လုပ်ငန်းက လုပ်ငန်းအောင်မြင်မှု များမည်ဖြစ်သည်။

ကိုယ့်လုပ်ဖော် ကိုင်ဘက် မကောင်းကြောင်း၊ အလုပ်အကိုင် မကောင်းကြောင်းကို အလုပ်ထဲကလူတွေနဲ့ကော သေသေချာချာ ကိုယ်စိတ်ချလက်ချ မသိတဲ့ သူတွေနဲ့ကော ဘယ်တော့မှ မပြောပါနဲ့။ အထူးသဖြင့် အလုပ်ထဲက လုပ်ဖော်ကိုင်ဖက် တယောက်ယောက်ကို ဘယ်တော့မှ ညီးညူတာ မလုပ်ပြပါနဲ့။ သူတို့က စပြီးညီးညူပြလာရင်တောင်မှ ကိုယ်က အလိုက်သင့်ပဲနေပြီး ကိုယ့်ဆီက ဘာမှ မထွက်အောင်နေပြပါ။ ဘယ်နိုင်ငံ၊ ဘယ်နေရာပဲရောက်ရောက်၊ ဘယ်လူမျိုးပဲဖြစ်ဖြစ် ကိုယ်ပြောထားဘူးတဲ့စကားကို အသုံးချပြီး ကိုယ့်ကို ချနင်းပြီး သူတို့ ပိုတက်ဘို့ လုပ်သွားတတ်တာ ရှိပါတယ်။ ဒီလို အကျင့်က ကောင်းတဲ့အကျင့် မဟုတ်ပေမယ့် ဘယ်လူမျိုးမဆို လုပ်တတ်ပါတယ်။ အလုပ်နဲ့ ပတ်သက်တဲ့ ကိုယ့်ခံစားချက်ကို အပြင်က ကိုယ့်သူငယ်ချင်း စိတ်အရမ်းချရတဲ့သူ၊ ဒါမှမဟုတ် ကိုယ့်အမျိုး မိတ်ဆွေကလွဲလို့ ဘယ်သူ့ကိုမှ မပြောတာဟာ အကောင်းဆုံးပါပဲ။

ကိုယ့်စကားက ကိုယ့်အလုပ်နဲ့ကိုယ့်တာဝန်ခံတွေဆီကို တဆင့်စကား တဆင့်နားနဲ့ ပြန်ရောက်နိုင်တာကို သတိထားပါ။ ဒါပေမယ့် ကိုယ်က သူများတွေ ညည်းညူနေတာမှာ ဝင်ခုခံကာကွယ်ဘို့ လုပ်ရင်တို့၊ အဲဒီအကြောင်း မပြောဘို့ ပြောမိရင်တို့ လုပ်မိပြန်ရင်လဲ ကိုယ့်လုပ်ဖေါ် ကိုင်ဘက်တွေက ကိုယ့်အပေါ် ယုံကြည်မှု နဲလာပြီး ရှောင်ကြတတ်တဲ့ ကိစ္စမျိုးလည်း ရှိပါတယ်။ သူတို့ ပြောသမျှကို စိတ်ဝင်တစားနဲ့ နားထောင်ပြပြီး ကိုယ့်အတွေ့ အကြုံနဲ့ ကိုယ့်ခံစားချက်ကို မထွက်အောင်သာ အလိမ်မာနည်းနဲ့ ဆက်ဆံပြောဆိုပါ။ သူတို့ တတွေက ကိုယ့်စကားကို ပြန်အသုံးချပြီး သူတို့ ကောင်းကျိုးကို လုပ်နိုင်ပေမယ့် ကိုယ်ကတော့ သူတို့ ပြောစကားကို ဘယ်မှာမှ ပြန်ပြီး အတင်းချတာ မလုပ်ပါနဲ့။ ဒီလို အတင်းပြန်ချတတ်တာက ကိုယ့်ကို ယုံကြည်ထားနိုင်ရလောက်တဲ့သူ မဟုတ်ဘူးဆိုပြီး သတ်မှတ်ခံရ စေနိုင်ပါတယ်။ ဘယ်ဘက်က စကားကိုပဲဖြစ်ဖြစ် ဘယ်သူ့ကိုမှ ပြန်မပြောပဲ နေနိုင်တတ်တဲ့ အကျင့်ရှိအောင် လေ့ကျင့်လုပ်ကိုင်တာ အကောင်းဆုံးပါပဲ။ လူတကာက ကိုယ့်ကို ယုံကြည်ဆက်ဆံမှုကို ရပါလိမ့်မယ်။ ဒီလို ယုံယုံကြည်ကြည် ဆက်ဆံခံရမှုနဲ့ လုပ်ဖေါ်ကိုင်ဘက်တွေနဲ့ နီးနီးစပ်စပ်ရှိမှုက လုပ်ငန်းခွင်မှာ တိုးတက်မှုကို ရစေပါတယ်။ နီးနီးစပ်စပ် ရှိတယ်ဆိုတာနဲ့ သူတို့ လုပ်သမျှတိုင်းမှာ သူတို့ လုပ်သလို လိုက်လုပ်တယ်ဆိုတာ ကွာခြားတာကို သတိပြုပါ။

လုပ်ငန်းထဲမှာ မည်သူ့ကိုမဆို ရိုးရိုးသားသားနဲ့ ရင်းရင်းနှီးနှီး ပေါင်းသင်းဆက်ဆံ လုပ်ကိုင်ပါ။ ရိုးသားမှုကို အခြေခံပါ။ ဖေါ်လံဖါးတာ မလုပ်ပါနဲ့။ ဒီလိုလုပ်တာကို ပြင်ပမှာ ဘယ်သူမှ မကြိုက်ကြပါဘူး။ ဒီလိုလုပ်လို့ ရတဲ့ရင်းနှီးမှု အခွင့်အရေး ပေးမှုကလည်း ဘယ်တော့မှ ကြာရှည်မခံပါဘူး။ လုပ်ဖေါ်ကိုင်ဘက်ချင်း တယောက်ယောက် ဒုက္ခရောက်နေရင် ဝိုင်းကူညီဘို့ ဘယ်တော့မှ မတုံ့နှေးပါနဲ့။ အားပေးပါ။ ဖေးမပါ။ ဒီလိုလုပ်တာဟာ ကိုယ့်အတွက်၊ ကိုယ့်ရဲ့ လုပ်ငန်းခွင် ဆက်ဆံရေးနဲ့ ကိုယ့်လုပ်ငန်း တိုးတက်မှုအတွက် အများကြီး အထောက်အကူ ပြုပါလိမ့်မယ်။ အခက်အခဲ ဖြစ်နေတဲ့ လုပ်ဖေါ် ကိုင်ဘက်ကို ဝိုင်းဝန်းကူညီတာနဲ့ သူ့အလုပ်တွေ အားလုံးကို ကိုယ်လုပ်ပေးတာ မတူတာကိုလည်း သတိပြုပါ။ သူ့အလုပ်ကို သူနိုင်အောင် နည်းလမ်းတွေ ပြပေးပါ။ သူ့ ဝန်ထုတ်ဝန်ပိုး ပေါ့သွားအောင်လည်း တတ်နိုင်သမျှ ကူလုပ်ပေးပါ။

အများက အမှန်တရားအတွက် တခုခု စုလုပ်ကြတော့မယ်၊ တကယ်လည်း ကိုယ်က အဲ့ဒါ အမှန်တရား ဖြစ်တယ်လို့ ယုံကြည်တယ်ဆိုရင် ကိုယ့်အလုပ်၊ ကိုယ့်နေရာ၊ ကိုယ့်တည်မြဲမှုကို ကြည့်ပြီး ချန်နေတာ၊ နောက်ကွယ်က ပုန်းနေတာ မလုပ်ပါနဲ့။ ရှေ့ဆုံးအရမ်းထွက်တာ မကောင်းပေမယ့် သူတို့နဲ့ တန်းတူ အားလုံးရဲ့ အကျိုးအတွက် ဖြစ်လာတဲ့ ပြဿနာ တွေကို ရင်ဆိုင်ပြီး ညီညီလုပ်ပါ။ ဒီအတွက် ကိုယ့်ကို ဘက်ပေါင်းစုံက လေးစားမှုပေးတာ ခံရပါလိမ့်မယ်။ ကိုယ့်အကျိုး စီးပွားကိုကြည့်ပြီး ထိမ်ချန် နေရင်တော့ လုပ်ဖေါ်ကိုင်ဘက် အချင်းချင်းကလည်း ညိုညင်မှာ ဖြစ်သလို အထက်က လူတွေကလည်း ဒီလူဟာ အမှန်တရားအတွက် မရပ်တည်ပဲ ကိုယ်ကျိုးစီးပွါးပဲ ကြည့်တဲ့သူအဖြစ် သတ်မှတ်ပြီး တကယ် ယုံကြည်စိတ်ချမှုထားမှာ မဟုတ်တော့ပါဘူး။ ဒါက တသက်လုံး ပါသွားမယ်အမှတ် ဖြစ်ပါလိမ့်မယ်။ တူတူရပ်တည် ကြပြီးရင်လည်း လမ်းဆုံးအထိ တူတူသွားပါ။ တဝက်တပျက်ကနေ ကိုယ့်ကို အခွင့်အရေး တခုခုပေးလို့ သစ္စာဖေါက်တာ မလုပ်ပါနဲ့။ ဒီဟာက အများရဲ့ရှုံ့ချမှုကို တသက်လုံး ရနေစေပါလိမ့်မယ်။

လုပ်ငန်း အောင်မြင်မှုတွေမှာ ကိုယ်ကချည်းပဲ အဲ့ဒါအတွက် အမည်ကောင်း ယူတာထက် ကိုယ့်ရဲ့ လုပ်ဖေါ်ကိုင်ဘက်တွေ၊ ကိုယ့်အောက်က လုပ်တဲ့သူတွေ အားလုံးနဲ့ အထက်က ကူညီအားပေးမှုတွေကို အသိအမှတ်ပြု ဖေါ်ပြပါ။ ဒါတွေက ကိုယ့်နဲ့အတူ အမြဲ အစွမ်းကုန် တွဲလုပ်ချင်မယ့်သူတွေ ထောက်ခံသူတွေ ပိုရစေပါလိမ့်မယ်။ အနှောင့်အယှက်ပြု မလိုတမာသူကိုတောင် သူ့ရဲ့ ထောက်ပြ ပေးမှုတွေ အတွက်ကို ကျေးဇူးတင် ဂုဏ်ပြုပါ။ သူများအောင်မြင်မှုကို မနာလို ဝန်တို မဖြစ်ပါနဲ့။ မကောင်းတဲ့ နည်းနဲ့လည်း ပြိုင်ဘို့ မစဉ်းစားပါနဲ့။ လူတိုင်းက ကိုယ့်ကို ပြန်ကြည့်နေလိမ့်မယ်ဆိုတာကို သတိရပါ။ ကိုယ့်နဲ့ တွဲလုပ်တဲ့ လုပ်ဖေါ် ကိုင်ဘက် တွေနဲ့ ကိုယ့်အောက်က ဝန်ထမ်းတွေကို ချီးကျူး ဂုဏ်ပြုစရာရှိတာကို ပြောဘို့ ဝန်မလေးပါနဲ့။ ပြောတဲ့အခါမှာလည်း ရိုးရိုးသားသား ပြောပါ။ ဟန်ဆောင်ပြောတတ်တာမျိုး မဖြစ်ပါစေနဲ့။ တယောက်ယောက် အမှားအယွင်း လုပ်မိတာမျိုးရှိရင်၊ အသုံး မကျတာမျိုးရှိရင် ဒေါသထွက်နေချိန်မှာ ဘာမှမပြောမိအောင် စိတ်ထိမ်းပါ။ ဘယ်တော့မှ အော်ငေါက်တာ မလုပ်ပါနဲ့။ ဒီလိုလုပ်တာက ကိုယ့်ကို ကူလုပ်ချင်စိတ်ကို လျှော့နည်း စေပါလိမ့်မယ်။ သူတို့ မကူလုပ်ရင်လည်း ကိုယ့်ရဲ့ လုပ်ငန်းအောင်မြင်မှု လျှော့နည်း လာပါလိမ့်မယ်။ ဖြစ်သွားတဲ့ ကိစ္စမှာ ကိုယ့်ဘက်က ချို့ယွင်းချက်ကိုလည်း ကြည့်ပါ၊ ပြောပါ။ တစုံတယောက်ထဲကို အပြစ်ပုံချတာ မလုပ်ပါနဲ့။ ကိုယ်က ဦးဆောင်နေတဲ့သူဖြစ်ရင် ကိုယ်က တာဝန်ယူပါ။ နောက်ပြီး အပြစ်ပြောမယ့် အစား ဒါကို ပြုပြင် ပြောင်းလဲနိုင်မယ့် နည်းလမ်းရှာပါ။ အားလုံးကိုလည်း ဒီအထဲမှာ ပါဝင်အောင် သူတို့ အားလုံးကို ထည့်သွင်း ဆွေးနွေး အဖြေရှာခိုင်းပါ။

ဒီလိုလုပ်မှုဟာ စုပေါင်း လုပ်ဆောင်မှုကို အားပေးရာ ရောက်ပြီး ကိုယ့်ဦးဆောင်မှု မှန်မှန်ကိုလည်း ပြသပေးရာ ရောက်ပါလိမ့်မယ်။ တစုံတဦးကို သတိပေးစကား ပြောကြားမှရမယ့် အခြေအနေ ဖြစ်နေရင် လူတွေရှေ့မှာ၊ ရုံးခန်းထဲမှာခေါ်ပြီး မပြောပါနဲ့။ ရုံးခန်းထဲမှာ ခေါ်ပြောရင်လည်း တခြားသူတွေက သူ့ကို သတိပေးနေတာလို့ ရိပ်မိသွားစေပါလိမ့်မယ်။ ကောင်းတာက သူအားတဲ့ အချိန်ဖြစ်ဖြစ်၊ နေ့လည်စာ စားတဲ့အချိန် ဖြစ်ဖြစ် တူတူသွားစားမယ်ချိန်းပြီး သီးသန့်အပြင်ခေါ် သွားပြီးမှ ဆွေးနွေးပါ။ သူ့ကို သတိပေးစရာရှိတာ မပြောခင်မှာလည်း သူဘာတွေ အခက်အခဲကြုံနေတာရှိလဲ၊ ကိုယ်ဘာတွေ ကူညီရမှာတွေရှိလဲ ဆိုတာတွေကို အရင်မေးမြန်းပြီး သူ့ပြဿနာကို နားထောင်ပြီးမှ အကူအညီ ပေးနိုင်မ့နဲ ည်းလမ်းတွေကို ကမ်းလှမ်းပါ။ နောက်ပြီးမှ ကိုယ်စိတ်ထဲရှိနေတဲ့ သတိပေးစရာ အကြောင်းအရာကို နားဝင်ခံလောက်တဲ့ သတိပေးဆွေးနွေးမှုလုပ်ပါ။ ဘယ်လိုလုပ်ပါဆိုပြီး အမိန့်အာဏာသုံး ပြောမယ့်အစား အခုအခြေအနေကနေ တိုးတက်အောင် ဘယ်လိုလုပ်မယ် စဉ်းစားလဲဆိုတာကို သူ့ကို စဉ်းစားဖြေပါစေ။ အဲ့ဒါက သူ့ကို ပိုပြီး ပြောင်းလဲဘို့ လုပ်ပါစေလိမ့်မယ်။ ဒီလိုဆက်ဆံရေးက ကိုယ့်အလုပ်အပေါ် သူတို့အားလုံး စိတ်ရောကိုယ်ပါ လုပ်ကိုင်မှုတွေ ဖန်တီးပါလိမ့်မယ်။ လုပ်ငန်းခွင်အတွင်း စည်းလုံးညီညွတ်မှုလည်း ရပါစေလိမ့်မယ်။

စုပေါင်း လုပ်ငန်းတွေ လုပ်ရတဲ့အခါ အများကို ထည့်သွင်းပါ။ ဆွေးနွေးပါ။ ဘယ်လို လုပ်ကြရင်ကောင်းမယ်၊ ဘယ်အားနည်း ချက်တွေရှိမယ်၊ ဘာတွေ လုပ်ကြရင် ဘယ်သူတွေက ဘာတာဝန်တွေ ယူကြမလဲနဲ့ တဆင့်ခြင်းစီမှာ ဘယ်ကာလမှာ ဘာရလာဒ်ကို ရအောင်လုပ်ကြမယ် ဆိုတာတွေ ဆွေးနွေးပါ။ ကိုယ်က သတ်မှတ်တာထက် အများက ဆွေးနွေး သတ်မှတ်တာ ဖြစ်အောင် လုပ်ပါ။ အဲ့ဒါဆို အများက ပိုပြီးစိတ်ဝင်တစား ပါဝင်လုပ်ပါလိမ့်မယ်။ သတ်မှတ်ကာလ ပုံမှန် အစည်းအဝေးတွေမှာလည်း ဘယ်သတ်မှတ်ချက်တွေကို အောင်မြင်တယ၊် ဘယ်နေရာမှာတော့ အားနည်းနေတယ်၊ အားနည်းနေတဲ့ နေရာကို ဘယ်လို ကူညီဖြည့်မယ်နဲ့ နောက်ဘာတွေ တွေ့ရတယ် ဆိုတာတွေကို အမြဲညှိနှိုင်း ဆွေးနွေးတာက အားလုံးပါဝင်မှုကို ရပါစေလိမ့်မယ်။ ဆွေးနွေးပွဲတွေမှာ အားနည်းချက်တွေကို ထောက်ပြတာကို လူပုဂ္ဂိုလ်ကို ဝေဖန်မယ့်အစား လုပ်ရပ်ကို အပြုသဘောဆောင်တဲ့ ထောက်ပြဝေဖန်မှုမျိုးနဲ့ ဘယ်လိုလုပ်ရင် ကောင်းလိမ့်မယ်ထင်တယ်ဆိုတဲ့ အကြံပြုမှုကို လူတိုင်းကို လုပ်ခိုင်းပါ။ မိမိကိုယ်လဲ အရိုးသားဆုံး ဝေဖန်မှုပြုခိုင်းပါ။ ဘယ်လို ဝေဖန်မှုအတွက်ကိုမှ စိတ်ခုတာ၊ ကိုယ့်ကိုကိုယ် ကာကွယ်လိုစိတ်နဲ့ တုံ့ပြန်တာ မလုပ်ပါနဲ့။ ဝေဖန်မှုတိုင်းကို ကျေးဇူးရိုးရိုးသားသားတင်ပြီး လက်ခံစဉ်းစားပါ။ အဲ့ဒါက ကိုယ့်ရဲ့တိုးတက်မှုကို အများကြီး ရပါစေလိမ့်မယ်။ ချီးကျူးတာ ခံရတာထက် ဝေဖန်တာ ခံရတာက ကိုယ့်အတွက် ပိုတိုးတက်စေမယ် ဆိုတာ သတိအမြဲထားပါ။ တီထွင်ဖန်တီးမှုကို အားပေးသော အကျိုးပြုသည့် စီမံခန့်ခွဲမှု အရည်အချင်းများ ပိုင်ဆိုင် သိရှိထားလေ ကိုယ့်လုပ်ငန်းအတွက် အကျိုးရှိလေ ဖြစ်သည်။ သင်ထို အရည်အချင်းများ ပိုင်ဆိုင်နေလျှင် မည်သူကမျှသင့်ကို လျှစ်လျှူကြာရှည် ပြုထားနိုင်လိမ့်မည် မဟုတ်ပါ။

မိမိကိုယ် တခြားလူက မဆက်ဆံစေလိုသော ပုံစံမျိုးကို မိမိက အခြားသူများကို မဆက်ဆံမိအောင် သတိထားနိုင်လေ ကောင်းလေဖြစ်သည်။

တိုးတက်မှုများရှာနိုင်ကြပြီး လုပ်ရင်းသင်၊ သင်ရင်းတိုးတက်နေအောင် လုပ်နိုင်ကြပါစေ။

ငြိမ်းချမ်း

မှီငြမ်း ကိုးကားထားသော ဆောင်းပါးများ

17 Rules for Job Seekers by Michael S. Wade

50 Worst of the Worst (and Most Common) Job Interview Mistakes by Karen Burns

How to Answer 10 Tricky Interview Questions by Karen Burns

5 Lame but Common Interview Responses by Alison Green

7 Things Never to Say to Your Boss by Karen Burns

source by : GHRE အပိုင်း(၁) / GHRE အပိုင်း(၂) / GHRE အပိုင်း(၃)

0 comments: