ခဏလေး စောင့်ပေးပါ......
  • Share this
  • Sumbit to Digg
  • Sumbit to StumbleUpon
  • Sumbit to Delicious
  • Sumbit to Technorati
  • Sumbit to Reddit
  • Sumbit to Mixx
  • Sumbit to Twitter
  • Sumbit to Furl
  • Sumbit to Design Float
  • Sumbit to Blinklist
  • Sumbit to Yahoo Buzz
  • Sumbit to Google Bookmarks

မိုးမခ အထောက်တော် | ယနေ့ ညနေ ၄နာရီက အမှတ် ၆၃၆ ကုန်သည်လမ်းနှင့် လမ်း ၃၀ထောင့်ရှိ ၃ ထပ်တိုက်တလုံး ရုတ်တရက်ပြိုကျမှု ဖြစ်ပွားရာ အဆိုပါတိုက်တွင် နေထိုင်သူအချို့ အပျက်အစီးများအကြား ပိတ်မိလျက် ရှိနေပြီး ကယ်ဆယ်ရေး အဖွဲ့များက ရှင်းလင်းဖယ်ထုတ်လျက် ရှိသည်။

ဗီဒီယိုမှတ်တမ်း


ရုပ်ပုံပေါ် ကလစ်နှိပ်၍ အကြီးကြည့်ပါ။

အဆိုပါ အနီးနားတွင် ဈေးရောင်းနေသူ တဦးက “ဒီအဆောက်အဦက လွန်ခဲ့တဲ့ ၄လ လောက်ကတည်းက အန္တရာယ်ရှိ အဆောက်အဦ လို့ဆိုင်းဘုတ်လာကပ်သွားတယ်။ ဒါပေမယ့် အဲဒီမှာ နေတဲ့သူတွေက မပြောင်းကြသေးတာ၊ အခုညနေ ၄နာရီက ရုတ်တရက်ပြိုကျတာ၊ အုတ်အမှုန့်တွေ ဒီအထိတောင် ရောက်တယ်။ အထဲမှာ လူဘယ်နှစ်ယောက် ရှိနေလဲတော့ ကျွန်တော်လည်း မသိဘူး” ဟု ပြိုကျသည့် တိုက်နှင့် မျက်စောင်းထိုးတွင် အအေးရောင်းသူ ကပြောသည်။

အဆိုပါ ၃ ထပ်တိုက်၏ မျက်နှာစာ တခြမ်းလုံး ပြိုကျသွားခြင်းဖြစ်ပြီး အထပ်တိုင်း၏ ကြမ်းခင်း သံတန်းများမှာ ကွေးကောက်လျက် ရှိသည်ကို တွေ့ရသည်။ ကွန်ကရစ် အခင်းအဆောက်အဦဖြစ်ပြီး အထက်ထပ် ၃ထပ်စလုံး ပြိုကျသည့် အပျက်အစီးများမှာ မြေညီထပ်တွင် ၈ပေ အမြင့်အထိ စုပုံလျက်ရှိနေပြီး အဆိုပါ အုတ်ကျိုးများနှင့် အုတ်အပိုင်းအစများ အကြား နေထိုင်သူများ ပိတ်မိနေခြင်း ဖြစ်သည်။

အဆိုပါ အပျက်အစီးများအား မီးသတ်၊ အရန် မီးသတ်တို့နှင့် ရပ်ကွက် နေထိုင်သူ အချို့တို့က လက်ဖြင့်သော် လည်းကောင်း၊ ကရိန်းကား အလတ်စားဖြင့် သော်လည်းကောင်း ဖယ်ရှားလျက်ရှိသည်ကို ပြိုကျပြီး ၁နာရီကျော် အကြာ တွင်တွေ့မြင်ရသည်။ အဆိုပါ နှုန်းထားဖြင့် အပျက်အစီးများအား ဖယ်ရှားနေပါက နောက်ထပ် နာရီအနည်းငယ်ကြာ နိုင်ပြီး ပိတ်မိနေသည့် သူများ အသက် ချမ်းသာရ ရဖို့အခွင့် အလမ်းနည်းပါးသွားနိုင် သည်ဟု ရပ်ကွက်နေသူ တဦးကပြောသည်။

အနီးနားနေသူ တဦးက “ အထဲမှာ မိန်းကလေး တယောက်ပိတ်မိနေတယ်။ လက်ကိုင်ဖုန်းနဲ့ အပြင်ကို နှစ်ကြိမ်ဆက်တယ်။ ပြိုပြီးခါစက သူ အပျက်အစီးအောက်မှာ ပိတ်မိနေတယ်ဆိုတာ နောက်တော့ ထပ်မဆက်တော့ဘူး။” လမ်း ၃၀ တွင်နေထိုင်သူ အခြားတဦးကမူ “ တိုက်ပြိုကျတာ တီဗီထဲမှာ တွေ့ရတဲ့ ဝေါလ် ထရိတ်စင်တာ ကျနေတာပဲ၊ ဖုန်လုံးတွေ ထပြီး ရုတ်တရက် ပြိုကျသွားတာ” ဟုပြောသည်။

ရန်ကုန်မြို့တွင် ကိုလိုနီခေတ် အဆောက်အဦ ထောင်ဂဏန်းနှင့်ချီ ရှိနေသေးပြီး အခါအားလျော်စွာ မြို့တော် စည်ပင်သာယာရေး ကော်မတီမှ စစ်ဆေးကာ အန္တရာယ်ရှိ အဆောက်အဦ အဖြစ်သတ်မှတ်ပြီး ဖြိုဖျက်ကာ အသစ်ပြန်ဆောက် စေသော်လည်း နေထိုင်သူများက သက်ဆိုင်ရာကို လာဘ်များပေးကာ သတ်မှတ်ကာလအတွင်း ဖယ်ရှားခြင်း မပြုပဲ နေထိုင်သည့် အဖြစ်အပျက် များလည်း ရှိသည်ဟု ရန်ကုန်မြို့ခံများကပြောသည်။

နောက်ဆက်တွဲ သတင်းအရ

လမ်း ၃၀ မှ အန္တရာယ်ရှိသည်ဟု သတ်မှတ်ထားသည့် အဆောက်အအုံ ပြိုကျအပြီး မြင်ကွင်း(ဓာတ်ပုံ - မိုးမခ)

အပျက်အစီး အောက်တွင် ပိတ်မိနေသည့် အသက် ၁၆နှစ် အရွယ် မိန်းကလေးကို ည ၁၀နာရီခွဲတွင် ထုတ်ယူနိုင်ခဲ့သော်လည်း အသက်သေဆုံးနေကြောင်း တွေ့ရသည်။

ထိုမိန်းကလေးသည် ယခုတိုက်ပြိုကျသည့် ဖြစ်ရပ်တွင် တဦးတည်းသော သေဆုံးသွားသူဖြစ်သည။ ည ၇နာရီခွဲ ၀န်းကျင် ကယ်ဆယ်ရေး လုပ်ငန်းများ ဆောင်ရွက်နေစဉ် အပေါ်ထပ်မှ ပြတင်းပေါ က်ဘောင်များ ပြုတ်ကျသဖြင့် မီးသတ်တပ်ဖွဲ့ဝင် ၃ ဦး ဒဏ်ရာအနည်းငယ် ရရှိသွားသည်ဟု ဆိုသည်။

ယခုအဖြစ်အပျက်ကြောင့် ရန်ကုန်မြို့မှ အန္တရာယ်ရှိသည်ဟု သတ်မှတ်ထားသည့် အဆောက်အအုံများတွင် နေထိုင်သူတို့ ထိတ်လန့် စိုးရိမ်ပြီး နေရာ ပြောင်းရွှေ့ လာဖွယ်ရှိသည်ဟု ဒေသခံများကြားတွင် ပြောဆိုနေကြသည်။

source by : မိုးမခ

0 comments: