အကျဉ်းသားများ အခွင့်အရေး တောင်းဆိုချက်

အကျဉ်းသားများအနေဖြင့် အောက်ပါအခွင့်အရေးများကို သက်ဆိုင်ရာ ထောင်အာဏာပိုင်များ ထံသို့ ၁ရ.၂.၂၀၁၀ နေ့မှ စ၍ တောင်းဆိုလိုက်သည်။
သတင်းစာ အပါအဝင် စာပေ ဖတ်ရှုခွင့် ပြည့်ပြည့်ဝဝ ရရှိရေး
ကျန်းမာရေး စောင့်ရှောက်မှု ပြည့်ပြည့်ဝဝရရှိရေး
အကျဉ်းသား အားလုံး ပိုမိုကောင်းမွန်သော အစားအသောက်ရရှိရေး
နိုင်ငံရေး အကျဉ်းသားများ အဆောင် ပရဝုဏ်အတွင်း ထောင်ပ်ိတ်ချိန်မှအပ အချိန်ပြည့် သွားလာနိုင်ရေး
စာပေ ရေးသား လေ့ကျင့်ခွင့် ရရှိရေး။

တောင်းဆိုရသည့် အကြောင်းအရင်းများ

အချက် ၁ ။ ။ သွင်းပို့သော စာအုပ်၊ မဂ္ဂဇင်း၊ ဂျာနယ် စသည်များကို တပါတ်၊ ဆယ်ရက်ကြာမျှ ကြံ့ကြာခြင်း၊ စာအုပ်များတွင် ဆုတ်ဖြဲ ပယ်ဖျက်ခြင်း၊ ဖြတ်တောက်ခြင်း၊ သတင်းစာ ပုံမှန် မရရှိခြင်း၊ တခါတရံ လုံးဝ မရခြင်း၊ ၂ရက် ၃ရက်ကြာမှ ရရှိခြင်း။

အချက် ၂ ။ ။ သောက်ဆေး၊ ထိုးဆေး လုံလောက်စွာ မရခြင်း၊ ဆရာဝန်နှင့် တွေ့ရန် ခက်ခဲ ကြံ့ကြာခြင်း။ တိုက်ပိတ် အကျဉ်းသားများ အတွက် မိလ္လာခွက်များ အဖုံး မပါရှိခြင်း။

အချက် ၃ ။ ။ နီရဲ ကြမ်းတမ်းပြီး စပါးလုံး၊ ခဲများရောနေသော ဆန်ထမင်းကိုသာ စားရခြင်း၊ တပါတ်လျှင် နှစ်နပ်အသားစား ရသော်လည်း ကျန်ရက်များတွင် ပိုးကောင်များ ပါသော ပဲဟင်း၊ ညစ်ပါတ်သော ချဉ်ပေါင်ရွက်၊ ကန်သွန်းရွက်၊ ဟင်းရွက်ပြုတ် ကိုသာ စားရခြင်း၊ ဆား မရရှိခြင်း၊ ရရှိသော ဟင်းများမှာ နံစော်၍ ထမင်းစားရန် မဖြစ်နိုင်ခြင်း။

အချက် ၄ ။ ။ နိုင်ငံရေး အကျဉ်းသားများသည် တိုက်ခန်းအကျဉ်းမှာ မနက်(၁)နာရီ၊ နေ့ခင်း(၁)နာရီသာ အပြင်ထွက်ခွင့်ရခြင်း၊ ကျန် အချိန်များတွင် တိုက်ထဲတွင် အပိတ်ခံထားရခြင်း။

အချက် ၅ ။ ။ မည်သည့် အကျဉ်းသားမျှ စာပေ လေ့ကျင့်ရန် ဘောပင်၊ စာရွက် ကိုင်ဆောင်ခွင့် မရခြင်း၊ တွေ့ရှိပါက စစ်ခွေး တိုက်သို့ ပို့ဆောင် အရေးယူခြင်း၊ မိသားစုထံသို့ အကြောင်းကြားစာ ရေးသားခွင့် မရခြင်း စသည့် အချက်တို့ကြောင့် တောင်းဆိုခြင်း ဖြစ်သည်။

အကျဉ်းသားများ ကိုယ်စား
အင်းစိန်(ဗဟို) အကျဉ်းထောင်
ရန်ကုန်
မျှဝေပေးသူ U AUNG MYO THEIN အား ကျေးဇူးတင်ရှိပါသည်။

မူရင်း ဖိုင် စာရွက်အား ကြည့်ရှုရန် ကလစ်နှိပ်ပါ။

HRmyanmar

http://kyeesaytaman.blogspot.com/ တွင် ဒေါ်အောင်ဆန်းစုကြည် နှင့်အဖွဲ့အား နှိပ်ကွပ်ရေးဖွဲ့ထားတာကြည့်ပြီး ဒေါသအရမ်းဖြစ်မိပါသည်။ ထိုကဲ့သို့ မမှန်မကန်တဲ့သတင်းကို နားမလည်သူတစ်ယောက်သာ ဖတ်မိလျှင် အထင်လွဲပြီး အမှားကို အမှန် ထင်နေမှာပဲဆိုတဲ့ အတွေးနဲ့ မှန်ကန်သော သတင်းအချက်အလက်များနှင့် လူ့အခွင့်အရေးအတွက် တဖက်တလမ်းမှ ကြိုးပမ်းချင်သဖြင့် Saturday, May 02, 2009 မှာ ဒီ blog စတင်ရေးသားပါသည်။

Post a Comment

Please Select Embedded Mode To Show The Comment System.*

Previous Post Next Post

Contact Form