ခဏလေး စောင့်ပေးပါ......
  • Share this
  • Sumbit to Digg
  • Sumbit to StumbleUpon
  • Sumbit to Delicious
  • Sumbit to Technorati
  • Sumbit to Reddit
  • Sumbit to Mixx
  • Sumbit to Twitter
  • Sumbit to Furl
  • Sumbit to Design Float
  • Sumbit to Blinklist
  • Sumbit to Yahoo Buzz
  • Sumbit to Google Bookmarks

မြန်မာနိုင်ငံတောင်ဖက်စွန်း ကော့သောင်မြို့အနီး ရတနာကျွန်းဟိုတယ်တွင် အလုပ်လုပ်ကိုင်နေသော ၀န်ထမ်းအမျိုးသမီးငယ်တဦးကို ဟိုတယ်လက်ထောက်မန်နေဂျာမှ ခေါင်းဖြတ် သတ်ဖြတ်ပြီး ရေထဲမျှောကာ အလောင်းဖျောက်ဖျက်ခဲ့သည့် အမှုဖြစ်ပွားခဲ့ကြောင်း သိရသည်။

ဟိုတယ်တွင် လက်ထောက်မန်နေဂျာရာထူးဖြင့် ရန်ကုန်တိုင်း၊ ရန်ကင်းမြို့နယ်မှ လာရောက်အလုပ် လုပ်ကိုင်နေသူ အသက်(၃၄)နှစ်အရွယ် သန်းမောင်ဆိုသူသည် ထိုဟိုတယ်မှ ကွန်ပြူတာစာရင်းကိုင်နှင့် ဧည့်ကြို တာဝန်ထမ်းဆောင်နေသော အသက်(၁၉)နှစ်အရွယ် မသန္တာတင်အား ယခုနှစ် ဧပြီလ (၁၉)ရက်နေ့ ည(၁)ခန့်က သတ်ဖြတ်ခဲ့ခြင်းဖြစ်သည်ဟု မသန္တာတင်နှင့် နီးစပ်သူတဦးက ပြောသည်။

ယခုအခါသန်းမောင်သည် ကော့သောင်မြို့တဖက်ကမ်း ထိုင်းနိုင်ငံသို့ ထွက်ပြေးတိမ်းရှောင်နေပြီး မသန္တာတင်မှာ နှုတ်ကြမ်းသောကြောင့် သူကိုယ်တိုင် သတ်ဖြတ်ခဲ့ခြင်းဖြစ်ကြောင်း၊ ကျွန်းမှလူများကို ဒုက္ခမပေးရန်နှင့် ကျွန်းသို့ ရဲများလာရောက် စစ်ဆေးနေသည်ကို သိရကြောင်း မသန္တာတင်၏ အမေအား ဖုန်းဆက် ပြောကြားခဲ့သည်ဟု နီးစပ်သူများက ပြောပြသည်။


“သန်းမောင်ဟာ မသန္တာတင်ရဲ့အမေ ဒေါ်ဝေတို့နဲ့ ရင်းနှီးပါတယ်။ သူကပဲ မသန္တာတင်ကို အလုပ်သွင်းပေးထားတာ။ ပြီးတော့ လက်ထပ်ခွင့်လည်း တောင်းတယ်။ မသန္တာတင်က ပညာသင်ချင်သေးလို့ အခုထိ ရည်းစားတောင်မထားဘူး။ အခုလည်း လာမယ့် သြဂုတ်လဆိုရင် မြိတ်တက္ကသိုလ်မှာ ဥပဒေဘာသာနဲ့ ကျောင်းတက်ခွင့်ရထားလို့ ကျောင်းစရိတ် ရအောင် ဒီဟိုတယ်မှာ တလကို ကျပ်ငွေငါးသောင်းနဲ့ ၀င်လုပ်နေတာ” ဟုပြောသည်။

ယခင်က နွားကြီးနွားလေးဟု ခေါ်သော မြန်မာနိုင်ငံပိုင် ရတနာကျွန်းကို စင်္ကာပူနှင့် ထိုင်းနိုင်ငံတို့မှ လုပ်ငန်းရှင်များက ငှားရမ်းပြီး ရတနာကျွန်းဟိုတယ်ကို တည်ဆောက်ကာ ၂၀၀၈ခုနှစ်က ဖွင့်လှစ်ထားခြင်းဖြစ်သည်။ ဟိုတယ်တွင် ၀န်ထမ်းပေါင်း တရာကျော်ရှိပြီး ရာထူးအဆင့်အလိုက် ၀န်ထမ်းအိမ်ယာများ ဆောက်လုပ်ပေးထားသည်။ သေဆုံးသူ နေထိုင်ရာ အဆောင်တွင် အခန်းပေါင်း ၂၂ ခန်းရှိပြီး တခန်းနှင့် တခန်း နံရံတချပ်သာ ခြားသည်။

ဧပြီလ ၁၉ ရက်နေ့က သတ်ဖြတ်သည်ဟု သိရသော်လည်း ၂၂ ရက်နေ့တွင် ခွင့်ယူသွားခဲ့သည်ဟု မိဘများကို အကြောင်းကြားခဲ့သည်။ မိဘများမှ စုံစမ်းမေးမြန်းရာ ကော့သောင်တွင် မရှိသဖြင့် ဟိုတယ်သို့ သွာရောက်ကြည့်ရှုမှသာ အသတ်ခံရသည်ကို သိရခြင်းဖြစ်သည်။

“သန္တာတင် နေတဲ့အခန်းကို ဒေါ်ဝေတို့ ၀င်ကြည့်တော့ အသုံးအဆောင်တွေ အကုန်လုံးရှိနေတယ်။ ပြုတ်ကျနေတဲ့ နားကပ်ရော၊ ဖုန်းရော၊ လက်ပတ်နာရီ၊ မှတ်ပုံတင် အကုန်လုံးရှိနေတယ်။ သန္တာတင် အသတ်ခံရပြီဆိုတာ သိရပြီ၊ ဘာဖြစ်လို့လည်းဆိုတော့ ခြင်ထောင်မှာ ဓားဒဏ်ရာ ငါးချက်နဲ့ အောက်နားမှာ သွေးကွက်တွေ အများကြီးတွေ့တယ်” ဟု နီးစပ်သူများက ဆက်ပြောပြသည်။

ကြိုးများဖြင့် ရစ်ပတ်ပြီး ခေါင်းပြတ်နေသော အလောင်းနှင့် ခေါင်းပြတ်တခုကို ကော့သောင်မြို့၊ ဆယ်မိုင်ရွာ (တာညုံပါဒ ကျေးရွာ)နားတွင် တွေ့ရကြောင်းနှင့် ထိုအလောင်းမှာ မသန္တာတင်၏ အလောင်းဖြစ်ကြောင်း မိခင်ဖြစ်သူမှ အတည်ပြုသည်ဟု သိရသည်။

လူသတ်မှုဖြစ်သည့် ကာလတွင် ရတနာကျွန်း၌ လုံခြုံရေး တာဝန်ကျသူမှာ ရဲတပ်သား မောင်ယဉ်သွေးဖြစ်ပြီး အမှုကို စခန်းမှူး ရဲအုပ်အေးကြိုင်နှင့် ဒုရဲအုပ် အမှုစစ် မောင်မောင်လွင်တို့ ကိုင်တွယ်ကြောင်း သိရသည်။ သို့သော် ယခုအထိ အမှုမှန်ကို ဖော်ထုတ်နိုင်ခြင်း မရှိသေးပေ။

အမည်မဖော်လိုသူ ရဲဝန်ထမ်းတဦးမှ “ဒေါ်ဝေတို့ တွေ့တဲ့အလောင်းကို ဆရာဝန်ကြီးနဲ့ စခန်းမှူးတို့ သွားကြည့်ကြပါတယ်။ တရာခံလို့ ယူဆရတဲ့သူကလည်း ဟိုဘက်ကမ်းထွက်ပြေးသွားပြီ။ ကျနော်တို့လည်း ပေါ်ပေါက်ချင်တာပေါ့။ အခုက အတိအကျ ဘာမှလုပ်မရဘူး ဖြစ်နေတယ်။ အသတ်ခံရတာကတော့ ဟုတ်ပါတယ်”ဟု ပြောသည်။

source by : Grassroots HREDC

0 comments: