ခဏလေး စောင့်ပေးပါ......
  • Share this
  • Sumbit to Digg
  • Sumbit to StumbleUpon
  • Sumbit to Delicious
  • Sumbit to Technorati
  • Sumbit to Reddit
  • Sumbit to Mixx
  • Sumbit to Twitter
  • Sumbit to Furl
  • Sumbit to Design Float
  • Sumbit to Blinklist
  • Sumbit to Yahoo Buzz
  • Sumbit to Google Bookmarks

၂ဝဝ၉ ခုနှစ် ဧပြီလ (၂၉) ရက်နေ့တွင် ထုတ်ပြန် ကြေညာခဲ့သည့် အမျိုးသား ဒီမိုကရေစီ အဖွဲ့ချုပ် ၏ ရွှေဂုံတိုင် ကြေညာချက် သည် နိုင်ငံရေး အရ အားကောင်း ခိုင်မာသည့် ကြေညာချက် တခု ဖြစ်သည့် အပြင် အခြေအနေ အချိန်အခါ နှင့် လိုက်ဖက် ညီလှပေသည်။

အမျိုးသား ဒီမိုကရေစီ အဖွဲ့ချုပ် သည် နိုင်ငံရေး ပါတီဖြစ်သည့် အားလျော်စွာ နိုင်ငံရေး ပြဿနာ များကို နိုင်ငံရေးနည်းလမ်းများဖြင့်သာ ဖြေရှင်းမည် ဆိုသည့် ဖြောင့်မတ်မှန်ကန်သည့် လမ်းစဉ်ကို ကိုင်စွဲကျင့်သုံးလျက် ရှိသည်။ ထို့ကြောင့်ပင် မြန်မာစစ်အာဏာပိုင်များအား တွေ့ဆုံဆွေးနွေးမှုများဖြင့် နိုင်ငံရေးပြဿနာများကို ဖြေရှင်းနိုင်ရေး အတွက် အစဉ်တစိုက် ဖိတ်ခေါ် နေခဲ့သည်။ သို့သော် စစ်အာဏာရှင် နအဖကမူ ဖုတ်လေသည့် ငပိ ရှိသည်ဟု မှတ်ယူခြင်း မရှိပဲ အမျိုးသား ဒီမိုကရေစီ အဖွဲ့ချုပ်၏ တွေ့ဆုံ ဆွေးနွေးရေး ကမ်းလှမ်းချက် များကို မသိကျိုးကျွံ ပြုထားသည်မှာ ယနေ့ တိုင်ဖြစ်သည်။

ထိုကြေငြာချက်ထုတ်ပြန်ပြီး ရက်သတ္တ (၂)ပတ်အကြာတွင် ဒေါ်အောင်ဆန်းစုကြည်အား အကွက်ဆင်ကာတရားစွဲ အပြစ်ပေးနိုင်ရေးကို စစ်အုပ်စုက လုပ်ဆောင်လာသည့်အတွက် အမျိုးသား ဒီမိုကရေစီ အဖွဲ့ချုပ်သည် မိမိတို့ ခေါင်းဆောင် အား မတရား ဖမ်းဆီးထောင်ချရေး ကြံစည်မှုများကို ကျော်လွှား အနိုင်ရရေး အတွက် ကြိုးပမ်း လာရပြန်သည်။ ထိုအချိန်၌ နိုင်ငံတကာ.ဖိအားက စစ်အာဏာရှင်များအပေါ် ပြင်းထန်စွာ ကျရောက်နေသည့်အတွက် ဒေါ်အောင်ဆန်းစုကြည်အား ထောင်ချသည့် စီရင်ချက်ချမှတ်ရေး လုပ်ကြံလိမ်လည်မှုသည် ထင်တိုင်း မပေါက် ဖြစ်နေသည်၊ ထို့ကြောင့်ပင် အမှု စစ်ဆေးကြားနာမှုများကို ရက်ချိန်းပေးကာ ရွှေ့ဆိုင်းနေခဲ့သည်မှာ သုံးကြိမ်ရှိနေပြီ ဖြစ်သည်။

အမျိုးသား ဒီမိုကရေစီ အဖွဲ့ချုပ်သည် နိုင်ငံရေး ပါတီ တရပ်ဖြစ်သည့်အပြင် ၁၉၉၀ ခုနှစ် ရွေးကောက်ပွဲတွင် လူထု၏ တခဲနက် ထောက်ခံအားပေးမှုကို ရထားသည့်အတွက် ထိုကဲ့သို့ထောက်ခံမှု တနည်းအားဖြင့် နိုင်ငံရေး အရ လုပ်ပိုင်ခွင့် mandate ဖြင့် ဦးဆောင်မှုပေးရမည် ဖြစ်သည်။ ဤသည်က အမျိုးသားဒီမိုကရေစီအဖွဲ့ချုပ်၏ တာဝန်ကြီး ဖြစ်သည်၊

အမျိုးသားဒီမိုကရေစီအဖွဲ့ချုပ်သည် မြန်မာ့နိုင်ငံရေး ပြဿနာများကို လိုက်လျောညီထွေစွာ ဖြေရှင်းပေးနိုင်မည့် ရွှေဂုံတိုင် ကြေညာချက်ကို ထုတ်ပြန်လျက် ရှေ့တိုးလုပ် ဆောင်လုဆဲဆဲတွင် ဒေါ်အောင်ဆန်းစုကြည် မတရား စွဲဆိုခံနေရသည့်အမှု နောက်သို့ ဦးစား ပေးလိုက် နေရသဖြင့် နိုင်ငံရေး ဦးဆောင်လှုပ်ရှားမှုများကို သိသာခိုင်မာစွာ မတည်ဆောက်နိုင်ပဲ ဖြစ်နေရ တော့သည်။ ဖြစ်နိုင်မည်ဆိုလျှင် ဥပဒေရေးရာကိစ္စများအတွက် ဥပဒေအကြံပေးများ၊ ရှေ့နေများက ဦးဆောင် ကြိုးပမ်း နေကာ၊ နိုင်ငံရေး ရည်မှန်းချက်များ အတွက် ပါတီ ခေါင်းဆောင် တို့က လိုအပ်သလို တိုင်ပင်ညှိနှိုင်း ဆွေးနွေးပြီး အကောင် အထည်ဖော်နိုင်သမျှ အားလုံးကို နည်းမျိုးစုံဖြင့် ဆက်လက် ကြိုးပမ်း နေရမည်ဖြစ်သည်။

နိုင်ငံရေး ပါတီဖြစ်သည့် အားလျော်စွာ နိုင်ငံရေးနည်း အရ တွေ့ဆုံ ဆွေးနွေးပွဲ ဖြစ်ပေါ်ရေး၊ ဒီမိုကရေစီရေး လုပ်ငန်းစဉ် များကို စဉ်ဆက်မပြတ် အကောင်အထည် ဖော်ရမည်မှာ အရေးကြီးသည့် ကိစ္စရပ် ဖြစ်သည်။ အထူးသဖြင့် ဒေါ်စုကိစ္စကို အကြောင်းပြုကာ နိုင်ငံတကာဖိအား မြင့်တက်နေသောအချိန်တွင် အမျိုးသားဒီမိုကရေစီအဖွဲ့ချုပ်သည် စစ်အာဏာရှင် များအား တွေ့ဆုံဆွေးနွေးမှုများ ပြုလုပ်လာစေရေးအတွက် နိုင်ငံရေးနည်းလမ်းများဖြင့် ဖိအားပေးနိုင်ရေး၊ ဆွဲဆောင်နိုင် ရေးအတွက် ဗျူဟာချ လက်တွေ့ အကောင်အထည်ဖော် ဆောင်ရွက်ရန် လိုအပ် လှပေသည်။ ထို့ပြင် အမျိုးသားရေး တာဝန်အရ အရေးကြီးသော ပြည်တွင်း-ပြည်ပရေးရာ ကိစ္စများကိုလည်း မျက်ခြေပြတ် မခံပဲ အလျင်မီ လုပ်ဆောင်ပေးရန် လည်း လိုအပ်သည်။ ထိုထိုသော အရေးကြီးသည့် ကိစ္စများ၊ များမြောင် ရှုပ်ထွေး လှသည့် ကိစ္စများကို သိမ်းကြုံးဖြေရှင်းပေး နိုင်စွမ်းရှိမည့် နိုင်ငံရေး အဝန်းအဝိုင်းကို ဖန်တီးရန်လည်း အားထုတ် ကြိုးပမ်းရပါဦးမည်။

သို့ဖြစ်ရာ အမျိုးသား ဒီမိုကရေစီ အဖွဲ့ချုပ် အနေဖြင့် အရည်အချင်း၊ စိတ်ဓါတ်နှင့် ကိုယ်ကျင့်တရား ကောင်းမွန်သည့် မျိုးဆက်သစ်များကို လက်တွဲခေါ်ကာ နေရာစုံ ထောင့်စုံတွင် အားဖြည့်ရန် လိုအပ် လာပြန်သည်။ သူ့နေရာနှင့်သူ တာဝန် များကို စနစ်တကျ ခွဲဝေ လုပ်ကိုင်နိုင်မှ မြန်မြန် ဆန်ဆန်ဖြင့် ထိရောက် နိုင်ပေလိမ့်မည်။ ထိုသို့ လုပ်ဆောင်နိုင်ရေး အတွက် အမျိုးသားဒီမိုကရေစီအဖွဲ့ချုပ် ကိုယ်တိုင်သာမက အဖွဲ့ချုပ် ကို ထောက်ခံသော၊ ဝိုင်းရံပံ့ပိုးပေးနေသော (ပြည်တွင်း-ပြည်ပ) အင်အားစုအားလုံးကပါ စုပေါင်း ဝိုင်းဝန်း ကြိုးပမ်းရန် လိုအပ် နေပြီ ဖြစ်သည်၊

ကျော်ကျော်စိုး (ဂျပန်)

source by : လူထုအသံ

0 comments: